11 Sombi na mushobo umwi wasumina bweendeleshi bwa mwaami wa bene Babiloni akumusebensela, walo ndaakuuleka ayi kooshiite mucishi ca nguwo akunoolima mumo. Nebo neMwaami Lesa ndaamba.”
“Ono na umwi mushobo nabi bwaami bukabule kusebensela Nebukadinesa mwaami wa bene Babiloni nabi kusumina bweendeleshi bwakwe, mushobo uyo ndaakuupa mulandu wa nkondo, nsala amwaalu kushikila Nebukadinesa akanyonyoole mushobo uyo cakumaninina.
“Bwesa shitolopo ashiceyi upange lijoko akulyaanga munshingo.
Anu uyo woonse weshi akekale mundabala ino ulaakufwa kunkondo, nsala nabi mwaalu. Sombi uyo woonse weshi akaye mukulyaaba mumaansa a bene Babiloni abo batooshinguluka ndabala yanu inene, ulaakuba abuumi. Ulaakucatwa, sombi teshi akacaikwe.
“Mwaami Lesa utokwaamba ayi, ‘Uyo woonse weshi akekale mundabala ino ulaakufwa kunkondo, nsala nabi mwaalu. Sombi uyo woonse weshi akaye mukulyaaba mumaansa a bene Babiloni, ulaakuba abuumi. Ulaakucatwa, sombi teshi akacaikwe.’ ”
Ndakaambilako aSedekiya mwaami wa bene Juda ayi, “Amusumine bweendeleshi bwa mwaami wa bene Babiloni. Kamumusebensela pantu pomwi abantu bakwe, ingaawo mukabe abuumi.
Mwaami Lesa Shinkusu shoonse waamba ayi, “Ndaakubunganya bene Isilaeli kuswa mumishobo iyo njendakabapalanganishilaamo. Ndaakulitondesha ayi ndisalalite pakati kabo pameenso a mishobo imwi. Kuswawaawo balaakunookala mucishi cabo ico ncendakapa musebenshi wangu Jakobo.
