Jelemiya 26:2 - Baibo Busansulushi Bwa Libuku Ili

² “Imikana mulubansa lwa Ŋanda yangu neMwaami Lesa akwaambila bantu boonse ba mumandabala a muJuda abo besa mukulambila muŊanda yangu. Ubalwiite shoonse nshendakwaambila cakutashiyawo liswi nabi lyomwi.

Jelemiya 26:2 교차 참조

Dutolonomi 4:2

Kutanungaawo nabi kukushaawo pamilawo njeentoomupa. Amukonkele milawo ya Mwaami Lesa, Lesa wanu yoonse njendamwaambila.

Milimo ya Batumwi 20:27

Mukwiinga taaku cintu nabi comwi ncendakamushisa, sombi ndakamushimikila shoonse nshaasuni Lesa.

Mateyo 28:20

Mukabeeishe kukonkela akucita shintu shoonse nshendakamulwiita. Nebo nanooli amwebo lyoonse kushikila kumamanino a cishi.”

Jelemiya 19:14

Kuswawaawo nebo neJelemiya ndakaswaako kuTofeti uko Mwaami Lesa nkwakalinga wantuma kuya mukulaluka. Lyalo ndakeemikana mulubansa lwa Ŋanda ya Mwaami Lesa akwaambila bantu ayi,

Jelemiya 1:17

“Ono libambile! Nyamuka uye ubalwiite shoonse nsheshi nkulwiite. Utabaloondi, sobwe ceebo nebo inga ndakulengesha kuba aboowa pameenso abo.

Milimo ya Batumwi 20:20

Mulishi kwaamba ayi taaku cintu nabi comwi cakalinga kuyandika kuli ndimwe ncendakamushisa, sombi ndakamushimikila akumwiisha makani apali Jesu pameenso a bantu alimwi amumaandaanu.

Milimo ya Batumwi 5:42

Lyalo bushiku abushiku, batumwi bakatolelela kwiisha akushimikila Makani Abotu muŊanda yakwe Lesa alimwi amumaanda a bantu ayi Jesu ngoUsalitwe wakwe Lesa.

Joni 18:20

Jesu wakamukumbula ayi, “Ndakalinga kwiishisha pameenso a bantu boonse. Ndakalinga kwiisha mushoonde shanu amuŊanda yakwe Lesa umo mubunganina bantu. Taakuuwo ncendakaambila kumapela.

Esekelo 3:10

Lyalo wakaŋambila ayi, “Webo omuntu, nyumfwisha kabotu akubika maano kumaswi oonse ngweshi nkulwiite.

Jelemiya 36:10

Lyalo bantu boonse kabanyumfwite, Baluki wakabelenga pacakulembelaawo shoonse isho nshendakamulwiita. Maswi aya wakaabelengela muŊanda yakwe Lesa, kaali mucipinda cakwe Gemaliya mwanaakwe Shafani uyo wakalinga mulembi wa kubwalo. Cipinda cakwe ico cakalinga palubansa lwa peculu pafwaafwi akuMwinjililo Upya wa kuŊanda yakwe Lesa.

Jelemiya 23:28

Mulaluki uyo ucite ciloto, aacipandulule, sombi uyo ucite maswi angu, aambe maswi ayo cakushomeka. Sa shibuba inga sheelana amancebele?

Jelemiya 7:2

“Koya wiimikane pamwinjililo wa kuŊanda yangu neMwaami Lesa, uye waambe maswi aya: “Amunyumfwe maswi angu neMwaami Lesa mwebo noonse nobene Juda nomwiinda paminjililo iyi kuya mukunambila.

Dutolonomi 12:32

“Mwebo mulyeelete kunoocita shintu shoonse nshendamulwiita. Tamweelete kunungaawo nabi kukushaawo.

Ciyubululo 22:19

Na muntu uli woonse wakusha maswi amwi pamaswi abulaluki ali mulibuku ili, Lesa alakwe ulaakumukushishaako shisepo sha kucisamu cipa buumi, amusena wakwe wa mundabala inene isalalite, isho shasansululwa mulibuku ili.

Milimo ya Batumwi 5:25

Mpomunyaawo kwakesa musankwa umwi wakabaambila ayi, “Amunyumfwe! Balya basankwa mbomwakalinga mwabika muntolongo batokwiisha bantu muŊanda yakwe Lesa!”

Joni 8:2

Ono macuunsacuunsa wakaboolela kuŊanda yakwe Lesa akwinjila mukati. Bantu baanji bakayoboloka akubungana kuli nguwe, lyalo wakekala panshi akutalika kubeeisha.

Luka 19:47

Lyalo Jesu wakalinga kwiisha lyoonse muŊanda yakwe Lesa. Mpeeke bamatanjilili ba bapailishi, bafundishi ba Milawo abeendeleshi ba cishi bakatalika kuyandoola nshila yakumucailaamo.

Jelemiya 42:4

Nebo neJelemiya ndakakumbula ayi, “Ndanyuumfwa nshemwaamba. Ncakwiila ntoopaila kuMwaami Lesa, Lesa wanu kweelana ambomwasenga. Ntoomulwiita shoonse isho Mwaami Lesa nsheshi andwiite. Teshi mushiseewo nabi comwi.”

Dutolonomi 12:5

Pakati ka shipansha sha shishi mweshi mukanooli mikowa yanu yoonse, Mwaami Lesa ulaakusala musena womwi, uko bantu nkweshi bakanoosa mukumulambilila.

Jelemiya 7:27

“Ono webo Jelemiya, nabi ubalwiite shoonse ishi, teshi bakakutikeewo. Ulaakubeeta, sombi teshi bakakumbuleewo.

Esekelo 33:7

“Webo omuntu, ndaakubika kuba shikulindilila mushobo wa bene Isilaeli. Paceebo ceeco unoonyumfwa maswi ngweshi nokwaamba, awebo unooya mukubacenjesha kweelana amaswi angu.

Esekelo 40:4

Mpomunyaawo muntu uyo wakandwiita ayi, “Webo omuntu, langilisha kabotu, ukutike akubikaako maano kushoonse nsheshi nkutondeshe ceebo ncewaletelwa kokuno. Wamana uye ulwiite bene Isilaeli shoonse nsheshi ubone.”

Joshuwa 8:35

Milawo yoonse iyo Mose njaakalemba, Joshuwa wakeebelengela bantu abo bakalinga kubungene, kubikaawo abanakashi, banike alimwi abaswamashi abo mbobakalinga kwikalaabo.

Jelemiya 1:7

Sombi Mwaami Lesa wakankumbula ayi, “Utaambi ayi ucili mwanike. Sombi ulyeelete kuya kubantu abo mbondakutumako mukubalwiita shoonse nsheenga ndakulwiita.

Jelemiya 25:2

Mpeeke nebo ndakaambila bene Juda abene Jelusalemu boonse ayi,

Jelemiya 28:5

Mpomunyaawo nebo neJelemiya ndakakumbula mulaluki Ananiya pameenso a bapailishi abantu boonse abo bakalinga kwiimfwi muŊanda ya Mwaami Lesa.