Jelemiya 23:6 - Baibo Busansulushi Bwa Libuku Ili

⁶ Munshiku sha bweendeleshi bwakwe, bene Juda balaakupuluka abene Isilaeli balaakunookala kwakubula cakulisukama. Lyalo ulaakunokwiitwa liina lyakwaamba ayi, ‘Mwaami Lesa nkoKululama kwesu.’ ”

Jelemiya 23:6 교차 참조

1 Bene Kolinto 1:30

Lesa ngowakalengesha ayi tube muli Klistu Jesu ayi lakwe abe busongo bwesu. Wakatululamika pameenso akwe Lesa, watusalasha akutwaangulula.

Jelemiya 33:16

Munshiku sha bweendeleshi bwakwe bene Juda balaakupuluka abene Isilaeli balaakunookala kwakubula cakulisukama. Lyalo ulaakunokwiitwa liina lyakwaamba ayi, ‘Mwaami Lesa nkoKululama kwesu.’

Bene Filipi 3:9

alimwi akucanika muli nguwe. Nshiliyeeyeli kwaamba ayi ndiluleme kwiinda mukukonkela Milawo, sombi bululami bwangu bulacanika kwiinda mukushoma Klistu. Bululami ubu buswa kuli Lesa bulapekwa kwiinda mulushomo.

Bene Loma 3:22

Nshila Lesa njaalulamikilamo bantu, nkushoma muli Jesu Klistu. Ulacita boobo kubantu boonse mukwiinga taaku bupusano buli pabaJuda abaswamashi bakunsengwe

2 Bene Kolinto 5:21

Klistu taakalinga kucite cibiibi, sombi Lesa wakabika shibiibi shesu pali nguwe kwaamba ayi swebo tube abululami bwakwe Lesa.

Danyelo 9:24

“Myaaka ili 70 kufushikwa mankanda ali 7, nceciindi Lesa ncaapimina bene mishaanu andabala yanu isalalite kwaamba ayi bakaanguluke kuswa kushibiibi akububi. Shibiibi shilaakulekelelwa abululami butamaani bulaakulengeshekwa kwikalilila kwaamba ayi cili anga nciloto amakani a bulaluki shikacitike cancinencine ayalo Ŋanda yakwe Lesa ilaakusalashikwa alimwi.

Jelemiya 32:37

Ndaakubunganya bantu kuswa mushishi shoonse isho nsheshi nkabapalanganishisheemo mubukali bwangu buyoosha abuumbi. Lyalo ndaakubaboosha kumusena uno ayi banookala cakubula kulisukama.

Jelemiya 30:10

“Aboobo mutaloondi nobamulunyungu lwakwe Jakobo, bantu bangu. Mutabi aboowa nobene Isilaeli. Ndushinisho ndaakumupulusha kuswa kucishi cakulaamfu, ee, bamulunyungu lwanu kuswa mucishi ca busha. Balaakucana luumuno akutabililwa cakwaamba ayi taakuuwo nabi womwi weshi akabaloondeshewo tubili.

Isaya 9:6

Ceebo mwaana washalwa pakati kesu, ee, twapekwa mwaana musankwa. Bweendeleshi boonse bulaakuba mumaansaakwe. Liina lyakwe unanokwiitwa ayi, “Shikupanda maano Mubotu,” “Lesa Shinkusu shoonse,” “Mushali musankwa wamuyayaya,” alimwi ayi, “Mwaami wa Luumuno.”

Isaya 7:14

Paceebo ceeco Mwaami Lesa mwiine ulaakukupa citondesho. Ncakwiila mwanakashi utana kukumanawo kale amusankwa ulaakumita akushala mwaana musankwa eshi akanokwiitwa ayi Imanuweli.

Sekaliya 10:6

“Ndaakupa nkusu bene Juda ee, ndaakupulusha bene Isilaeli. Ndaakubanyumfwila nkumbu akubaboosha boonse. Ncakwiila balaakubabo anga nshina kubafutatilaawo kale. Nebo ndime Mwaami Lesa, Lesa wabo, ndushinisho ndaakukumbula mipailo yabo.

Sekaliya 3:10

Pabushiku ubo womwi awomwi pakati kanu ulaakutamba mubye kwisa mukwikala munshaashisamu sha minyansa asha nkuyu. Nebo neMwaami Lesa Shinkusu shoonse ndaamba.’ ”

Sefaniya 3:13

Bene Isilaeli beshi bakacaaleewo teshi bakabisheewo. Teshi bakaambewo shabubeshi alimwi teshi bakeeleshewo kucenjeeka bamwi. Balo balaakunooswitilila akwikala cakuliiba, ncakwiila taaku muntu weshi akabaloondeshe.”

Obadiya 1:21

Beshikupulusha balaakutanta pakalundu ka Siyoni ayi bakeendeleshe bamumalundu a Esau. Mpeeke Mwaami Lesa mwiine ulaakuba Mwaami wabo.”

Obadiya 1:17

Mwaami Lesa waamba ayi, “Sombi pakalundu ka Siyoni, bamwi balaakupulushikwa. Kalaakuba musena usalalite. Bamulunyungu lwakwe Jakobo balaakuboola mucishi ico cakabalasha Lesa.

Osiya 2:18

Pabushiku ubo ndaakupanga cipangano abanyama bamuluundu, bayuni alimwi atulongolo toonse kwaamba ayi batakacisi tubili bantu bangu. Ndaakumanisha mata amipeeni, ee, kumanisha nkondo mucishi canu coonse. Ncakwiila ndaakulengesha bantu bangu kwikala muluumuno alimwi kwakubula cakulisukama.

Osiya 1:7

Nakubi boobo kubene Juda ndaakubatondesha lusuno. Nebo neMwaami Lesa, Lesa wabo ndaakubapulusha munkusu shangu, kuteshi kwiinda mumipeeni, mata, mifwi, maaki nabi kwiinda mubeshikulwanina pamaaki.”

Isaya 54:17

Sombi taaku cakulwanisha ceshi cikakonshe kumucisa. Abalo abo bamupa milandu mulaakuba ashakubakumbula. Ici cilaakuba ncecilambu ca basebenshi bangu.” Mwaami Lesa waamba.

Isaya 35:9

Mumukwakwa uyo teshi mukabeewo nkalamu. Taaku banyama bamwi bakali baluma beshi bakeende nshila iyo. Sombi mukwakwa uyo ngwa baabobo bakalubulwa.

Isaya 45:17

Sombi bene Isilaeli balo Mwaami Lesa ulaakubapulusha. Kupulushikwa kwabo kulaakuba kwamuyayaya. Ee, bene Isilaeli teshi bakasebaanishikweewo.’ ”

Isaya 33:22

Ceebo Mwaami Lesa ngomoomboloshi wesu, Mwaami Lesa eenka uyo ngooshikutupa milawo alimwi Mwaami Lesa ngweeke ngomwaami wesu. Ncakwiila ngweeke ngweshi akatupulushe.

Isaya 2:4

Mwaami Lesa ulaakoombolosha mishobo akumana nkondo pakati ka bantu baanji. Mipeeni yabo balaakunoifula ayi shibe shakulimisha, aalo masumo abo ayi abe shakukwesoosha shisamu. Taaku mushobo weshi ukapililike mipeeni kuya mukulwana umwi, nabi weshi ukanooya mukwiiya shankondo.

1 Baami 4:25

Bene Juda abene Isilaeli boonse kuswa kuDani kuya mukushika kuBiyasheba bakalinga kwikala muluumuno kwabuumi bwakwe boonsebo. Mukobo womwi awomwi wakalinga kucite minyansa yakwe ashisamu sha nkuyu.

Isaya 42:6

“Nebo neMwaami Lesa ndakwiita kwaamba ayi ulete koombolosha cakutanyengelela. Ndakucatilila palyaansa akukulama kabotu. Ndakusala kwaamba ayi ube cipangano kubantu, akwaamba ayi ube mumuni kubaswamashi.

Jelemiya 29:11

Mukwiinga nemwiine ndishi kale miyeeyo njeencite pali ndimwe. Ndicite miyeeyo yakulengesha kuswitilila kuteshi yakumucisa, sobwe. Ncakwiila njimiyeeyo yakumupa kulangila abuumi kuya kunembo.

Jelemiya 33:15

Paciindi ico ndaakusala wamulunyungu lwakwe Defedi ululeme kuba mwaami. Ulaakucita shintu shiluleme akoombolosha cakutanyengelela mucishi.

Esekelo 21:27

Matongo! Matongo! Ee, ndaakulengesha ndabala inene kuba matongo. Ici teshi cikacitike kushikila uyo ngondakasala akese mukupa ndabala iyi mulandu. Lyalo ndaakwiipa kuli nguwe.’

Esekelo 28:26

Balaakunookala mucishi ico kwakubula cakulisukama. Balaakuyaka maanda akushanga myuunda ya minyansa. Balaakunookala kwakubula cakulisukama bushiku ndaakupa mulandu beshikamukobonyinaabo boonse balya bakalinga kubacobola. Lyalo ndyeshi bakeshibe ayi nebo ndi Mwaami Lesa, Lesa wabo.”

Esekelo 38:14

Paceebo ceeco, Mwaami Lesa wakantuma kwaambila Gogi ayi, “Mwaami Lesa Shinkusu shoonse waamba ayi, ‘Mubushiku ubo bantu bangu bene Isilaeli baakwikala muluumuno, ulaakunyamuka

Esekelo 48:35

“Mushinso kushinguluka ndabala yoonse ulaakunooli mamita ali 9,000. Ndabala iyo ilaakunokwiitwa ayi, ‘Mwaami Lesa uli momuno!’ ”

Danyelo 9:7

“Mwebo noBaami baLesa muliluleme, sombi swebo tulaliletela musebaanyo, nkokwaamba ayi bene Juda, bene Jelusalemu alimwi abene Isilaeli boonse, bali pafwaafwi abali kulaale, ncakwiila kulilabo mucishi cili coonse motwakapalanganishilwa ceebo cakutashomeka kwesu kuli ndimwe.

Osiya 1:11

Bene Juda abene Isilaeli balaakucatanishikwa pantu pomwi alimwi. Balaakulisalila mutanjilili womwi, lyalo balaakubwesa cishi cabo alimwi akutalika kuswitilila. Ncakwiila bushiku bwa Jesiliilu bulaakuba bunene abuumbi.

Kulonga 9:26

Sombi musena wa Gosheni, umo mwakalinga kwikala bene Isilaeli, ngomusena weenkabo mutakwe kuloka mfula ya mabwe.

Kulumbaisha 45:5

Ncakwiila mifwi yanu ilikolete, ilapulinkana akuyasa balwani kumyoyo. Aboobo mishobo imwi ilakomwa akulyatililwa kuli ndimwe.

Isaya 32:1

Amubone kulaakuba mwaami weshi akanoolela cabululami. Abalo beendeleshi balaakunokweendelesha cakutanyengelela.

Isaya 32:18

Lyalo bantu bangu balaakwikala mumaanda a luumuno, mutaamu cakulisukama alimwi mutaamu cibapilinganya.

Isaya 33:5

Mwaami Lesa ulalemekwa abuumbi, mukwiinga ngoolela mishobo yoonse. Ncakwiila ulaakususha bululami akoombolosha cakutanyengelela mundabala ya Jelusalemu.

Jelemiya 31:23

Mwaami Lesa Shinkusu shoonse, Lesa wa bene Isilaeli waamba ayi, “Ndaakumana kubaboosha kuswa mubusha, bantu ba mucishi ca Juda amumandabala a njiyo balaakutalika alimwi kusebensesha maswi akwaamba ayi, ‘Mwaami Lesa aakupe coolwe, webo Omusena ululeme wa Jelusalemu. Aape coolwe kuli ndiwe Okalundu kasalalite.’