Jelemiya 23:3 - Baibo Busansulushi Bwa Libuku Ili

³ Nebo nemwiine ndaakuyobolola litanga ilyo lyakacaalawo kuswa mushishi shoonse nshendakashipalanganishishaamo akushiboosha kumafulo a nshisho uko nkweshi shikashalane akufula.

Jelemiya 23:3 교차 참조

Jelemiya 32:37

Ndaakubunganya bantu kuswa mushishi shoonse isho nsheshi nkabapalanganishisheemo mubukali bwangu buyoosha abuumbi. Lyalo ndaakubaboosha kumusena uno ayi banookala cakubula kulisukama.

Jelemiya 29:14

Ncakwiila mulaakuncana alimwi ndaakumuboosha mucishi canu. Ndaakumubunganya kuswa kumishobo yoonse akumisena uko nkondakamupalanganishisha akumuboosha kucishi uko nkondakamukusha akumutuma mubusha. Nebo neMwaami Lesa ndaamba.’

Jelemiya 30:3

‘Nshiku shilaakushikila ndyeshi nkakushe bantu bangu bene Isilaeli abene Juda mubusha akubaboosha mucishi ncendakapa bamashali babo bakulukulu. Nebo neMwaami Lesa ndaamba.’ ”

Esekelo 11:17

“Paceebo ceeco ubalwiite ayi nebo neMwaami Lesa Shinkusu shoonse ndaamba ayi, ‘Ndaakumubunganya kuswa pakati ka mishobo ya mucishi ca panshi coonse iyo njendakamupalanganishishaako. Ndaakuboosha cishi ca Isilaeli mumaansaanu.’

Jelemiya 31:8

Amubone, ndaakubaleta kuswa kucishi ca kumatwa akubayobolola kuswa kweela cishi ca panshi. Pakati kabo palaakunooli boofu abalema, bali pakati abali pankata. Lilaakunooli likoto linene lyeshi likaboole.

Kulumbaisha 106:47

NoBaami baLesa, baLesa besu amutufuneeko. Mutubunganye kuswa kumishobo iimbi, kwaamba ayi tulumbe liina lyanu lisalalite akumulumbaisha abuumbi.

Esekelo 36:24

“ ‘Ndaakumukusha mushishi sha mishobo imwi akumuboosha mucishi cine mishaanu.

Esekelo 36:37

Mwaami Lesa Shinkusu shoonse waamba ayi, “Ndaakunyumfwa kusenga kwa bene Isilaeli akubacafwa. Ndaakubafusha anga nimbelele,

Mika 7:12

Pabushiku ubo bene mishaanu balaakwisa kumbasu shoonse. Nkokwaamba ayi kuswa kuAsilya kwicwe, kuswa kucishi ca Ijipiti kumalenge, kuswa kucishi cili kufwaafwi aMulonga wa Yufuletisi, kuswa kweela lweenge kuya mukushika kulweenge lumwi, ee, akuswa kukalundu komwi kuya mukushika kukalundu kamwi.

Jelemiya 8:3

Lyalo bantu ba mumushobo uyu ubiibi abo beshi bakacaaleewo akunoocishiite mumisena iyo njendakabatandilaamo, balaakusala kufwa kwiinda kunooli boomi. Nebo neMwaami Lesa Shinkusu shoonse ndaamba.”

Jelemiya 30:10

“Aboobo mutaloondi nobamulunyungu lwakwe Jakobo, bantu bangu. Mutabi aboowa nobene Isilaeli. Ndushinisho ndaakumupulusha kuswa kucishi cakulaamfu, ee, bamulunyungu lwanu kuswa mucishi ca busha. Balaakucana luumuno akutabililwa cakwaamba ayi taakuuwo nabi womwi weshi akabaloondeshewo tubili.

Jelemiya 31:7

Mwaami Lesa waamba ayi, “Amwiimbile Jakobo kamusangalete. Amulumbaishe cakoolobesha mushobo uyo wiindaawo. Kamulumbaisha cakunyumfwika akwaamba ayi, ‘NoBaami baLesa, amupulushe bantu banu, ee, bene Isilaeli bakacaalaawo.’

Jelemiya 46:27

“Mutaloondi nobamulunyungu lwakwe Jakobo, bantu bangu. Mutabi aboowa nobene Isilaeli. Ndushinisho ndaakumupulusha kuswa kucishi cakulaamfu, ee, bamulunyungu lwanu kuswa mucishi ca busha. Balaakucana luumuno akutabililwa cakwaamba ayi taakuuwo nabi womwi weshi akabaloondeshewo tubili.

Bene Lefi 26:9

Nebo ndaakumupa coolwe abaana baanji alimwi ndaakulama cipangano cili pali ndimwe anebo.

Jelemiya 16:15

Sombi balaakunoolumbila ayi, ‘Bweenka mbocibete lushinisho ayi Mwaami Lesa, uyo wakakusha bene Isilaeli kuswa kucishi cakumatwa amushishi shimwi shoonse nshaakabatandilaamo.’ Balaakunoocita boobo ceebo ndaakubapilusha mucishi ico ncendakapa bamashali babo bakulukulu. Nebo neMwaami Lesa ndaamba.”

Jelemiya 50:19

Sombi ndaakuboosha bene Isilaeli kucishi cabo. Lyalo balaakunoolya sha paKalundu ka Kamelo asha mucishi ca Bashani. Balaakunoolya kweelana ambobasuni shakulya isho sheshi shikanooswa patulundu twa Efuleemu alimwi aGilyadi.

Esekelo 36:11

Ndaakufusha mweelo wa bantu ashifubwa pali ndimwe. Balaakushalana alimwi akufula. Ndaakwikalika bantu pali ndiwe mbuli kalekale akukulengesha kuswitilila kwiinda pakutaanguna. Lyalo ndyeshi mukeshibe ayi nebo ndi Mwaami Lesa.

Mika 2:12

“Nobamulunyungu lwakwe Jakobo ncakwiila ndaakumuyobolola noonse. Ndaakuyobolola bene Isilaeli bakacaala boonse. Ndaakubabunganya anga nimbelele mucimpati, ee, anga nditanga kumafulo a ndilyo. Musena uyo ulaakwisula bantu.”