Jelemiya 23:22 - Baibo Busansulushi Bwa Libuku Ili

²² Nibakeemikanaawo munkuta yangu, naakwiinga bakaambilisha maswi angu kubantu bangu. Munshila iyi naakwiinga bakabasandula kuswa kunshila shabo shibiibi alimwi akumicito yabo ibiibi.”

Jelemiya 23:22 교차 참조

Sekaliya 1:4

Mutabi anga mbamashali banu bakulukulu. Kalekale balaluki bangu bakabapa maswi angu akubalwiita ayi basanduke kuswa kunshila shabo shibiibi amicito yabo ibiibi. Sombi balo tabakwe kunyumfwa nabi kukonkela maswi angu.

Jelemiya 25:5

Balaluki abo bakalinga kumwaambila ayi, ‘Noonse amuswe kunshila shanu shibiibi amicito yanu ibiibi, ingaawo mukanookala mucishi ico Mwaami Lesa ncaakamupa mwebo abamashali banu bakulukulu ayi ncanu kwalyoonse alyoonse.

Jelemiya 23:18

“Sombi ngani pakati ka balaluki wakeemikanawo kale munkuta yangu neMwaami Lesa ayi akutike nabi kunyumfwisha liswi lyangu? Ngani wakanyumfwilawo kale akukonkela liswi ilyo?

Milimo ya Batumwi 20:27

Mukwiinga taaku cintu nabi comwi ncendakamushisa, sombi ndakamushimikila shoonse nshaasuni Lesa.

Esekelo 13:22

“Mwebo mwakalengesha bantu baluleme kutyongola ceebo ca bubeshi bwanu nabi nebo nshina kubaletelawo mapensho. Mwakayuminisha bamucita shibi ayi bataswi kunshila shabo shibiibi mukupulusha buumi bwabo.

Jelemiya 35:15

Ono nebo ndicitekobo kumutumina basebenshi bangu balaluki. Boonse abo bakalinga kumulwiita ayi muleke nshila shanu shibiibi amicito yanu ibiibi. Bakamucenjesha ayi mucileeke kulambila akusebensela balesa bamwi kwaamba ayi mukatolelele kwikala mucishi ico ncendakamupa mwebo alimwi abamashali banu bakulukulu. Sombi mwebo tamukwe kunyumfwila nabi kubikako maano kusheesho nshendakaamba.

1 Bene Tesalonika 5:6

Ono aboobo tutabi bantu baliiba mbuli bucita bantu bamwi, sombi tulyeelete kucenjela akulitibuka.

Esekelo 3:17

“Webo omuntu, ndaakubika kuba shikulindilila mushobo wa bene Isilaeli. Paceebo ceeco unoonyumfwa maswi ngweshi nokwaamba, awebo unooya mukubacenjesha kweelana amaswi angu.

Esekelo 2:7

Webo ubalwiitebo maswi angu nabi bakanyumfwe nabi batakanyumfwi ceebo mbaashu.

Esekelo 18:30

“Ono nebo neMwaami Lesa Shinkusu shoonse ndaamba ayi, ‘Mwebo nobene Isilaeli, ndaakoombolosha womwi awomwi kweelana anshila shakwe. Amusanduke kuswa kushilubo shanu! Mutaleeki shibiibi shanu ayi shimunyonyoole.

Jelemiya 36:3

Mpashi bene Juda baakunyumfwa shamapensho oonse ayo ngoontooyeeyela kubaletela, inga basanduka kuswa kunshila shabo shibiibi. Na bakacite boobo, ndyeshi nkabalekelele bubi bwabo alimwi ashibiibi shabo.”

Jelemiya 9:12

Mpeeke nebo ndakumbula ayi, “Anu ngumuntunshi uyo ucite maano akunyumfwisha sheeshi? Ngani wakeeya kuli ndimwe uyo weenga wakonsha kupandulwitako bamwi? Ceebonshi cishi cakanyonyoolwa akulengeshekwa kuba anga nduyanga umo muteendi amuntu?”

Jelemiya 23:14

Pakati ka balaluki bene Jelusalemu apalo ndakabonaawo kubisha kwiinditewo, Balacita bulale alimwi mbabeshi. Balayuminisha bamucita shibi, cakwaamba ayi taaku nabi womwi ucileka kucita bubi. Boonse mbabiibibo anga mbene Sodoma kuli ndime. Ndushinisho bene Jelusalemu balibo anga mbene Gomola.”

Esekelo 13:5

Bakacileka akuya mukulama pamusena apo lubumbu lwabo mpolwakamwayuluka nabi kuya mukuluyaka alimwi kwaamba ayi lukatabilile bene Isilaeli pabushiku bwa Mwaami Lesa bwa nkondo.

Amosi 3:7

Ncakwiila Mwaami Lesa Shinkusu shoonse taaciti cintu, kaatana kuyubulula muyeeyo wakwe kubasebenshi bakwe balaluki.

Malaki 2:6

Bakalinga kwiisha shalushinisho, kakutaaku cakubeca nabi comwi. Bakalinga kwikala anebo muluumuno amubululami, alimwi akucafwa baanji ayi basanduke kuswa kushibiibi shabo.