Jelemiya 22:9 - Baibo Busansulushi Bwa Libuku Ili

⁹ Kukumbula kulaakuba kwakwaamba ayi, ‘Nceebo cakusuula cipangano ca Mwaami Lesa, Lesa wabo akutalika kulambila balesa bamwi akunoobasebensela.’ ”

Jelemiya 22:9 교차 참조

2 Makani 34:25

Bakankaka alimwi bakalinga kubenga milambu kubalesa bamwi, ono bulya basonkomona bukali bwangu ceebo ca shintu nshebakacita. Bukali bwangu pandabala ya Jelusalemu mbunene abuumbi alimwi teshi bukamaane.

2 Baami 22:17

Bakankaka alimwi bakalinga kubenga milambu kubalesa bamwi, ono bulya basonkomona bukali bwangu ceebo ca shintu nshebakacita. Bukali bwangu pandabala ya Jelusalemu mbunene abuumbi alimwi teshi bukamaane.

Jelemiya 50:7

Ncakwiila uyo woonse wakabacana wakabanyonyoola. Balwani babo bakalinga kwaamba ayi, ‘Swebo tatucitewo mulandu ceebo bakabishisha Mwaami Lesa uyo wakalinga kubalama, ee, Mwaami Lesa uyo bamashali babo bakulukulu, ngobakalinga kucinkitemo manungo.’

1 Baami 9:8

Iyi Ŋanda yangu ilaakuba litongo alimwi muntu woonse weshi akeendileeko ulaakukankamana abuumbi cakufwa aboowa akwiipusha ayi, ‘Ceebonshi Mwaami Lesa wakacita bobulya cishi ici aŊanda yakwe iyi?’

Jelemiya 9:13

Mwaami Lesa waamba ayi, “Ishi shakacitika ceebo ca kusuula milawo yangu iyo ngondakabapa. Tabakwe kunyumfwila nabi kukonkela milawo yangu.

Jelemiya 11:3

Ubaambile ayi nebo neMwaami Lesa, Lesa wa bene Isilaeli waamba ayi, ‘Ulishingenwe uyo utakonkeli maswi a mucipangano cangu.

Jelemiya 16:11

Lyalo ukabakumbule ayi, ‘Nceebo ca bamashali banu bakulukulu bakansuula akukonkela balesa bamwi, bakabasebensela akubalambila. Bakamfutatila alimwi tabakwe kunyumfwila kwiisha kwangu.

Esekelo 5:15

Ncakwiila ndaakumulengesha kuba cintu ceelete kucobolwa akucelebulwa. Mulaakuba cintu cakucenjesheshaako alimwi cintu ciloondesha kumishobo imushingulukite. Ishi shilaakucitika bushiku ndaakumupa mulandu mubukali bwangu, ee, mubukali buyoosha alimwi amukumukalalila cankusu. Nebo neMwaami Lesa ndaamba.

Esekelo 12:16

Ndaakupulushawo bamwi baniini kuswa kunkondo, nsala akumwaalu kwaamba ayi ciindi baakunooli pakati ka mishobo imwi bakanokwiibaluka shintu shilensha bunya shoonse isho nshebakalinga kucita. Lyalo ndyeshi bakeshibe ayi nebo ndi Mwaami Lesa.”

Esekelo 14:23

Ulaakusumina waakubona mibo amicito yabo ibiibi ceebo cakwishiba kwaamba ayi anu nshikwe kubafumbukabo pakubapa mulandu. Nebo neMwaami Lesa Shinkusu shoonse ndaamba.”

Esekelo 39:23

Mishobo iyo ilaakwishiba ayi bene Isilaeli bakaya mushishi sha busha ceebo ca shibiibi shabo mukutashomeka kuli ndime. Aboobo ndakabafutatila akubaaba kubalwani babo cakwaamba ayi baanji bakamana kucaikwa munkondo.

Dutolonomi 29:24

Lyalo bantu ba mucishi coonse ca panshi balaakwiipusha ayi, ‘Nciinshi Mwaami Lesa ncaakacitila bobulya cishi cabo? Nciinshi ncaakalalila bobulya?’

Jelemiya 11:10

Bakapilukila kushibiibi sha bamashali babo bakulukulu abo bakalinga kukaka kunyumfwila maswi angu. Bakakonkela akusebensela balesa bamwi. Bene Isilaeli abene Juda boonse bakakaka kukonkela cipangano ncendakapanga abamashali babo bakulukulu.