Jelemiya 22:5 - Baibo Busansulushi Bwa Libuku Ili

⁵ Sombi mutanookonkela milawo iyi nebo neMwaami Lesa ndalumbila ayi ŋanda ya bwaami iyi ilaakunyonyoolwa. Nebo neMwaami Lesa ndaamba.’

Jelemiya 22:5 교차 참조

Amosi 6:8

Mwaami Lesa Shinkusu shoonse washomesha cakulumbila ayi, “Ndipatite kulisumpula kwa bene Isilaeli, Maandaabo abo abotu anene ndyaacimitwe. Ncakwiila ndaakwaaba ndabala yabo inene pantu pomwi ashintu shoonse shiliimo mumaansa a balwani babo.”

Bene Ebulu 6:13

Ono Lesa ndyaakashomesha kupa Abulaamu cintu cimwi, wakalumbila ayi ulaakucita kweelana akushomesha kwakwe. Ono mukwiinga tekwakalinga umwi munene kwiinda pali nguwe, Lesa wakasebensesha liina lyakwe mwiine pakulumbila.

Jelemiya 17:27

Sombi na mukabule kunyumfwila akusalasha bushiku bwakookesha bwa Cibelu mukutanoonyamuna mikuli ili yoonse pakwiinda paminjililo ya ndabala ya Jelusalemu pabushiku ubo, ndaakunyansha mulilo utashimiki paminjililo ya ndabala iyo, uyo weshi ukateente shiyubilo sha njiyo.’ ”

Matalikilo 22:16

“Mwaami Lesa waamba ayi, ‘Ndashomesha akulumbila ayi paliina lyangu ndaakukupa shoolwe shiinji abuumbi mukwiinga wacita ceeci alimwi kumamatisha mwaana eenkabo kwaamba ayi utamubengi kuli ndime.

Jelemiya 39:8

Mpomunyaawo bene Babiloni bakatenta ŋanda ya bwaami amaanda a bantu akupwayoola lubumbu lwa Jelusalemu.

Isaya 1:20

Sombi na kamukaka akungalookila, inkondo ilaakumulobya. Nebo neMwaami Lesa ndaamba.”

Bene Ebulu 6:17

Lesa wakayanda kubonesha baabo beshi bakatambule sheesho nshaakashomesha ayi ulaakucita kweelana akubamba kwakwe. Nceceeco ncaakalumbilila akukonkomesha mukushomesha kwakwe.

Bene Ebulu 3:18

Ono Lesa ndyaakaamba cakushinisha ayi, “Teshi bakeenjileewo mucishi umo mondalinga kweelete kubapa kookesha,” mbaani mbwaakalinga kwaambila? Mbantu abo bakamubukila.

Mika 3:12

Paceebo ceeco, ceebo ca ndimwe Siyoni ulaakushabwa anga ngumuunda. Jelusalemu ulaakuba matongo. Kalundu ka Ŋanda yakwe Lesa kalaakuba musaansa.

Kulumbaisha 95:11

Ndakakalala akushomesha cakulumbila ayi, “Teshi mukenjileewo mucishi umo mondalinga kweelete kumupa kookesha.”

2 Makani 7:22

Bantu balaakunookumbula ayi, ‘Mukwiinga bakafutatila Mwaami Lesa, Lesa wabo uyo wakakusha bamashali babo bakulukulu kuswa muIjipiti. Bakatalika kulemeka balesa bamwi akubalambila. Nceceeco Mwaami Lesa ncaalengeshela ayi kunyonyooka uku kucitike pali mbabo.’ ”

2 Makani 7:19

Sombi na webo nabi bamulunyungu lwako bakacileeke kunyumfwila, ee, kucileka kukonkela milawo amilasho njindakakupa nabi kutalika kulambila balesa bamwi,

Mateyo 23:38

Aboobo Ŋanda yakwe Lesa ili muli ndiwe, yaba litongo.

Jelemiya 26:4

Mwaami Lesa wakandwiita kwaambila bantu ayi, “Nebo neMwaami Lesa ndaamba ayi, ‘Mulyeelete kunyumfwila ndime mukukonkela milawo yangu iyo njendakamupa

Jelemiya 44:26

Ono amukutike liswi lya Mwaami Lesa, mwebo nobaJuda noonse nomuli muIjipiti. Waamba ayi, ‘Ndashomesha cakulumbila muliina lyangu linene ayi taaku nabi womwi wakaswa kuJuda ushiite kuli koonse muIjipiti weshi akasebenseshe tubili liina lyangu mukushomesha cakulumbila ayi, Bweenka mbocibete lushinisho ayi Mwaami Lesa Shinkusu shoonse ngumuumi.

2 Makani 7:21

“Bulya Ŋanda yakwe Lesa ilalemekwa abuumbi, sombi bantu boonse beshi bakanokwiinda pafwaafwi anjiyo balaakunookankamana akwiipusha ayi, ‘Ceebonshi Mwaami Lesa wakacita bobulya cishi ici aŊanda yakwe iyi?’

Jelemiya 12:7

Mwaami Lesa waamba ayi, “Ndafutatila bene Isilaeli. Ndakaaka bantu mbondakasala. Ncakwiila ndaaba bantu aba mboonsuni munkusu sha balwani babo.