Jelemiya 22:14 - Baibo Busansulushi Bwa Libuku Ili

¹⁴ Mapensho kuli wooyo waamba ayi, “Ndaakuliyakila ŋanda ya bwaami inene abuumbi, ŋanda icite shipinda sha peculu shinene shinene. Munshila iyo ulabikaamo mbwelyo shinene shinene, wayala tupulanga twa sida kulubumbu akwiibotesha ashisalala.

Jelemiya 22:14 교차 참조

2 Samwelo 7:2

Mpeeke wakaambila Natani mulaluki ayi, “Nebo bona ntookala muŋanda ya bwaami yakayakwa kabotu ashisamu sha sida. Sombi Libokoshi lya Cipangano lilishiitebo mutente.”

Agayi 1:4

“Mwebo nobantu bangu, inga kamwikala buyani mumaandaanu ngomwakayaka kabotu, sombi Ŋanda yangu keelibo matongo?

Malaki 1:4

Ono bamulunyungu lwakwe Esau, bene Edomu, inga baamba ayi, “Nacibi kwaamba ayi mandabala esu anyonyoolwa, tulaakwaayaka alimwi.” Sombi Mwaami Lesa Shinkusu shoonse ulaakwaamba ayi, “Nabi bakayake, nebo ndaakwaanyonyoola. Cishi cabo cilaakunokwiitwa ayi, ‘Cishi cabubi’, alimwi balaakuba ‘mushobo uyo Lesa ngweshi akape mulandu wamuyayaya.’ ”

Danyelo 4:30

wakalyaamboosha ayi, “Amubone kukomena ndabala inene ya Babiloni iyo njendakayaka kutondesha nkusu shangu shoonse, bulemu bwangu alimwi abwaami!”

Isaya 9:9

Ncakwiila bene Isilaeli boonse, abo bekala mundabala inene ya Samaliya balaakwishiba kwaamba ayi Lesa ngowacita boobo. Ono balo balalisumpula akwaamba ayi,

Lwiimbo lwakwe Solomoni 1:17

Masondo a ŋanda yesu alaakuba a shisamu sha sida. Ashalo mbaalo shilaakuba sha shisamu sha mapaini.

Tushimpi 24:27

Ulyeelete kutaanguna kumana milimo yako imwi yoonse, bunene bunene yakubamba myuunda yako, pesule ndyeenga wayaka ŋanda yako.

Tushimpi 17:19

Uyo usuni bunene kwaambana ulisuni kubisha. Uyo ulisumpula ingayi utoolitambila kunyonyoolwa.

2 Makani 3:5

Kulubumbu lwa cipinda cinene bayalaako tupulanga twa sida akutunanika golodi wiine wiine. Bakatubotesha kwiinda mukutalaamo tupukupuku alimwi ancetani.

Esekelo 23:14

“Lakwe wakatolelela bufuule. Wakabona basankwa bakalinga kutalitwe palubumbu bene Babiloni abo bakalinga kutalitwe mumushobo usalala,

Amosi 6:8

Mwaami Lesa Shinkusu shoonse washomesha cakulumbila ayi, “Ndipatite kulisumpula kwa bene Isilaeli, Maandaabo abo abotu anene ndyaacimitwe. Ncakwiila ndaakwaaba ndabala yabo inene pantu pomwi ashintu shoonse shiliimo mumaansa a balwani babo.”