Jelemiya 2:37 - Baibo Busansulushi Bwa Libuku Ili

³⁷ Kumusena uyo ulaakuswaako koolicatite kumutwi ceebo Mwaami Lesa ulibakakite abo mbooshoma. Ncakwiila teshi bakakucafwewo napaceyi.”

Jelemiya 2:37 교차 참조

2 Samwelo 13:19

Lyalo Tama wakalibika milota mumutwi akukwamuna cakufwala ico ncaakalinga kufwete. Mpeeke wakalikumbata kumutwi akuya cilila cakooloma nshila yoonse.

Jelemiya 17:5

Mwaami Lesa utokwaamba ayi, “Ulishingenwe uyo ucinka manungo mumuntunyina, ee, uyo ushoma mumuntubo ayi inga wamucafwa ncakwiila uyo ufutatila Mwaami Lesa.

Jelemiya 32:5

Sedekiya ulaakutolwa kubabiloni uko nkweshi akanooshiite kushikila nkamoomboloshe. Nabi akalwane abene Babiloni, teshi akabakomeewo, sobwe. Nebo neMwaami Lesa ndaamba.’ ”

Jelemiya 2:36

Ino utoopampookilanshi bobulya munshila shako? Bene Ijipiti balaakukulensha nsoni bweenka bwakakucita bene Asilya.

Isaya 10:4

Ncakwiila mulaakucaikwa munkondo nabi kutolwa busha. Nakubi boobo bukali bwakwe teshi bukamaane, sombi lyaansa lyakwe lilaakunoocitandabete mukubapa mulandu.

2 Makani 13:12

Lesa mwiine ngomutanjilili wesu, anaaba bapailishi mpobali amapeenga. Batookwaalisha kwaamba ayi tumulwaane. Nobene Isilaeli tabalwaani Mwaami Lesa, Lesa wa bamashali banu bakulukulu! Inga tamuswitililiiwo, sobwe!”

Shakubelenga 14:41

Sombi Mose wakaamba ayi, “Ino tamutoonyumfwililanshi Mwaami Lesa bulya? Teshi mubakoome!

Jelemiya 14:3

Bacinenenene balatumaako basebenshi babo mukuteka maanshi, sombi mumikalo tabacaniimo maanshi, sobwe. Balaboolamobo anongo shabo shitacite maanshi. Lyalo balalifweka pameenso ceebo ca nsoni akutyongola.

Jelemiya 14:4

Bulongo bwamana kupasooka myaansha ceebo cakubula mfula mucishi. Balimi baciswa mumyoyo akulitintilila kumitwi.

Jelemiya 22:30

Mwaami Lesa waamba ayi, “Lemba muntu uyu anga ngumuntu utacitewo mwaana, ee, anga ngumuntu uyo eshi akabule kuswitilila mubuumi bwakwe ceebo taaku wamulunyungu lwakwe weshi akaswitilile. Taaku nabi womwi pakati kabo weshi akekale pacuuna ca bwaami bwakwe Defedi nabi kulela tubili mucishi ca Juda.”

2 Samwelo 11:12

Lyalo Defedi wakamwaambila ayi, “Anu kalaako bushiku abumwi bomwi, nkokwaamba ayi ciilo ndaakukusuminisha ayi uboolele.” Mpeeke Uliya wakekala muJelusalemu ubo bushiku abwakaboolaawo.

Isaya 28:18

Cipangano canu alufu cilaakubula nkusu, ncakwiila kusuminishanya kwanu amusena wa bafu kulaakumana ncito. Shiyoosha shaakumupolela, shilaakumana kumulobya.

Jelemiya 22:20

Ono nobene Jelusalemu kamuya kuLebanoni mukaliile. Ee, maswi anu aye anyumfwike kuBashani, mulilile kuAbalimu ceebo mbomwalinga kucafwanaabo bakomwa cakumaninina.

Malilo 4:17

Meenso esu akalema kulangila lucafwo, sombi talukwe kuboneka. Kuswa kumaanda alaamfu twakalindila mushobo umwi wa bantu abo batakalinga kukonsha kutupulusha.