Jelemiya 2:35 - Baibo Busansulushi Bwa Libuku Ili

³⁵ webo ulaamba ayi, ‘Nshicitewo mulandu alimwi Mwaami Lesa taatucitile bukali.’ Sombi nebo neMwaami Lesa ndaakukupa mulandu ceebo ulaamba ayi, ‘Nshina kucitawo cibiibi.’

Jelemiya 2:35 교차 참조

Tushimpi 28:13

Uyo ushisa shibiibi shakwe tabiiwo acoolwe, sombi uyo ulyaambilila shibiibi shakwe akushileka, ulaakulekelelwa.

Bene Loma 7:9

Kaantana kwishiba bwaamba Milawo ndakalinga muumi, sombi ndindakeshiba shaMilawo kuyandishisha kubisha kwakakomena, kweelana ambocibete ndakafwa.

Jelemiya 25:31

Ciyobeyobe ico cilaakunyumfwika akweela cishi ceebo Mwaami Lesa ulaakupa mulandu mishobo ya bantu. Ulaakoombolosha mishobo ya bantu yoonse akucaisha bamucita shibi munkondo. Mwaami Lesa waamba.’ ”

Jelemiya 2:29

Ono Mwaami Lesa waamba ayi, “Ceebonshi mutoompa milandu? Sa te noonsebo mwakangashukila?

Jelemiya 2:23

Ino inga waamba buyani ayi, ‘Nshisalalite, nshina kukonkelaawo ba Bali.’ Bona mbuli mbowakacita kooli mucinyika, yeeya nshewakacita. Ulibo anga ningamela yanakashi iya bucicabo uku akooku.

Jelemiya 2:9

Ono Mwaami Lesa waamba ayi, “Mwebo ntoomupa mulandu alimwi. Abalo bamulunyungu lwa bana banu ndaakubapa mulandu bweenka mbuli ndimwe.

Isaya 58:3

“Baleepusha ayi, ‘Ceebonshi twakalikasha, kulya sombi mwebo nobaLesa cakutabona ncetwakalinga kucita? Ceebonshi twakalibombya pameenso anu, sombi mwebo cakutabikaako amaano?’ ” Mwaami Lesa wakumbula ayi, “Mwebo paciindi ndimulikasha kulya mulacita shimusangalasha akulita masuku basebenshi banu pamitwi.

Jobo 33:9

‘Nebo ndisalalite, nshicitewo cibiibi, tau. Ndiluleme, nshikwe kubishawo, sobwe.

Esekelo 17:20

Ndaakumuteya koombe kangu akumucatishaamo. Ndaakumutola kucishi ca Babiloni akumupa mulandu uko ceebo taakwe kushomeka kuli ndime.

Jelemiya 16:10

“Bantu aba waakubaambila maswi aya oonse, abalo baakukwiipusha ayi, ‘Ino ceebonshi Mwaami Lesa waamba ayi swebo tupolelwe mapensho a mushobo wooyu? Ino swebo twakabishanshi? Anu ncibiibinshi ncetwakacitila Mwaami Lesa, Lesa wesu?’