Jelemiya 2:25 - Baibo Busansulushi Bwa Libuku Ili

²⁵ Utacici kushikila shimpanta shako shikamaninine mukati akuyuma panshingo kunyotwa. Sombi webo ulaamba ayi, ‘Tacicite mulandu. Nebo ndisuni balesa beensu, aboobo ndyeelete kubakonkela.’ ”

Jelemiya 2:25 교차 참조

Dutolonomi 32:16

Bakakalasha Mwaami Lesa ceebo cakulambila balesa bamwi, wakabakalalila ceebo ca shibumbwabumbwa shabo shimulensha bunya.

Jelemiya 18:12

Sombi balo balaakukumbula ayi, ‘Tacicite mulandu. Tutootolelela amiyeeyo yesu sobeene. Womwi awomwi unanookonkela bushicimpamya bwa moyo wakwe ubiibi.’ ”

Jelemiya 3:13

Citooyandikabo nkusumina mulandu wako. Webo wakaashukila ndime neMwaami Lesa, Lesa wako. Wakalinga kubikila maano balesa beensu munshaashisamu shoonse shicite shimfule shibotu. Mukucita boobo tewakalinga kunyumfwila. Nebo neMwaami Lesa ndaamba.’ ”

Bene Loma 8:24

Mukwiinga kwiinda mulushomo ulu twakapulushikwa. Ono na twacibona ameenso ico ncetutoolangila, sa inga katucilangilabo? Sa kuli muntu ulangila ncaabwene kale? Taaku.

Malilo 4:4

Mukwiinga wa nyotwa milaka ya bakateta babo yacatilila kwiculu lya milomo yabo. Baana balasenga shinkwa, sombi taaku nabi womwi ubapaawo.

Jelemiya 14:10

Mwaami Lesa waamba makani aya pabantu aba ayi, “Balisuni bunene kwiingaila. Tabalitibukiiwo napaceyi. Aboobo nebo neMwaami Lesa ndabakaka. Ono ntokwiibaluka bubi bwabo akubapa mulandu ceebo ca shibiibi shabo.”

Jelemiya 13:22

Na mwaliipusha mumyoyo yanu ayi, “Ceebonshi shintu sha mushobo uyu shatucitikila?” Shintu ishi shamucitikila ceebo cakufula kwa shibiibi shanu. Ncecalengesha ayi shifunga shanu shikwamunwe akukumanishikwa cakukakatishikwa.

Isaya 57:10

Isho nshemucita shilamulemya, sombi taaku ndyemusuminaawo ayi taaku mboshibete. Mulayeeya ayi balesa banu balamupa nkusu, aboobo tamulefukiiwo.

Isaya 2:6

NobaLesa mwafutatila bantu banu bamulunyungu lwakwe Jakobo! Amubone cishi cabo cesulabo kwishibila kwa bakwicwe abuŋanga anga mbene Filisiti. Bantu banu balanyumfwana abaswamashi.

2 Makani 28:22

Ono Aasi ndyaakalinga mumapensho anene, wakeendilisha kubisha kuMwaami Lesa.

Dutolonomi 28:48

mulaakusebensela balwani abo Mwaami Lesa mbweshi akatume ayi bamulwaane. Mulaakubula cakulya, maanshi alimwi ashakufwala, taaku cintu nabi comwi nceshi mukabaaco. Mwaami Lesa ulaakumupensha abuumbi kushikila akamunyonyoole.

Luka 16:24

Lyalo wakoolobesha ayi, ‘Ta Abulaamu, amunyumfwileeko nkumbu. Amutume Lasalo kwaamba ayi asumpebo munwe mumaanshi ese atontoshe mulaka wangu mukwiinga ndapya abuumbi mumulilo muno.’

Luka 15:22

Sombi baishi bakaambila basebenshi babo ayi, ‘Amufwambaane! Amulete cakufwala cibotu afwale. Mumufwalike ninga kumunwe ansapato.

Osiya 2:3

Na babule kucita boobo, ndaakubafuula akubashiyabo matakosha mbobakalinga pakushalwa. Ndaakubalengesha kuba anga nduyanga, ee, ndaakubasandula kuba anga ncishi citacite maanshi. Lyalo ndaakubacaya kunyotwa.

Jelemiya 44:17

Sombi ndushinisho swebo tunanoocita shoonse nshetwakaamba. Tunanootentela Mwaami mwanakashi Wakwiculu tununkila kabotu akumupa shipo sha shakunwa bweenka swebo abamashali besu bakulukulu, bamaami abacinenenene besu mbobakalinga kunoocita mumandabala a kuJuda amumikwakwa ya muJelusalemu. Paciindi ico twakalinga kucite shakulya shiinji alimwi katushiite kabotu. Taaku acakalinga kutupensha.

Jelemiya 2:31

Mwebo nobamulishalane lino, amuyeeye a Mwaami Lesa akwaamba ayi, ‘Sa ndaba anga nduyanga kuli ndimwe nobene Isilaeli? Sa ndaba anga ncishi ca munshinshe ushiya mbi?’ Ino ono ceebonshi nobantu bangu mutokwaamba ayi, ‘Tulyaangulukite kucita cili coonse ncetusuni, teshi tukaboolewo tubili kuli ndiwe.’

Jelemiya 13:21

Ino mulaakwaamba ayinshi Mwaami Lesa aakulengesha baabo mbomwakalinga kuyeeya ayi mbabyaanu kumweendelesha? Sa te mulaakunyonwabo anga ngumwanakashi uli pankata?

Jelemiya 22:20

Ono nobene Jelusalemu kamuya kuLebanoni mukaliile. Ee, maswi anu aye anyumfwike kuBashani, mulilile kuAbalimu ceebo mbomwalinga kucafwanaabo bakomwa cakumaninina.

Malilo 1:2

Mashiku ilalila cakulicaya, minsonshi ilakunka kumacili. Pakati ka basuniki ba njiyo, taaku uliiwo ayi ayuumbulushe Shibusa sha njiyo shoonse shayaaba, ncakwiila shoonse shaba balwani ba njiyo.

Esekelo 20:32

Mwebo nobeene mulisuni kuba mbuli mishobo imwi, ee, mbuli bantu ba mushishi shimwi abo balambila shisamu amabwe. Sombi miyeeyo yanu iyo teshi ikacitikewo, sobwe.’

Osiya 2:5

Banyinawanu tebakalinga kushomeka alimwi bakalinga kuliletela musebaanyo. Balo bakaamba ayi, ‘Ntooya kubasunikwi bangu, abo beshi bakampe shakulya, shakunwa, shakufwala sha booya bwa mbelele, nsalu shiteshimite, mafuta a olifi alimwi awaini.’

Malaki 3:14

Mwebo mulaamba ayi, “Taaku mbocibete kusebensela Lesa. Anu muli mpindunshi mukucita kuyanda kwakwe nabi kuliswangata ceebo ca sheesho nshetwakacita pameenso a Mwaami Lesa Shinkusu shoonse?

2 Makani 28:23

Wakabenga milambu kubalesa ba bene Damasikasi abo bakamukoma mukwiinga wakayeeya ayi, “Balesa ba bamaami bene Silya bacafwa bantu aba, aboobo ntoobenga milambu kuli mbabo kwaamba ayi anebo bancafweeko.” Sombi ici cakaleta mapensho pali nguwe apabene Isilaeli boonse.

Jelemiya 22:21

Ndakamucenjesha ndyemwatakalinga kucite cakulisukama, sombi mwebo mwakaamba ayi, “Swebo twakaaka.” Ubo mbobuumi bwanu kuswabo kale kale, ncakwiila tamunyumfwiliiwo napaceyi.