Jelemiya 2:14 - Baibo Busansulushi Bwa Libuku Ili

¹⁴ “Sa Isilaeli ngumusebenshi? Sa ngumusha kuswabo kukushalwa kwakwe? Ino nceeboonshi waba cintu cakusaala kubalwani bakwe?

Jelemiya 2:14 교차 참조

Kulonga 4:22

Anu webo ulyeelete kumulwiita ayi nebo neMwaami Lesa ndaamba ayi, ‘Isilaeli ngomwanaangu musankwa wakwiiya.

Isaya 50:1

Mwaami Lesa waamba ayi, “Sa mutooyeeya ayi bantu bangu ndakabatanda ayi batolwe busha? Sa mutooyeeya ayi ndakabatanda anga ngumuntu waleka mukaakwe? Ono na mbondakacita ubo ino mapepa eemikanina kulekana ali kuli? Sa mutooyeeya ayi ndakamuulisha busha bweenka muntu mbwaaulisha bana bakwe ayi babe basha? Sobwe, mwebo mwakatolwa busha ceebo ca shibiibi shanu. Ncakwiila nceebo ca milandu yanu ncemwakalekelwa ayi muye mubusha.

Shikushimikila 2:7

Ndakoola basha basankwa abanakashi kubikaawo abasha bamwi bakashalilwa muŋanda yangu. Ndakalinga kucite ŋombe ambelele kwiinda bamaami bakataanguna kulela muJelusalemu.

Matalikilo 15:3

Tamukwe nkupaawo baana, aboobo womwi pabasha bangu ulaakubwesa buboni bwangu ndaakufwa.”

Kulonga 12:49

Milawo njemunya iyi njeyeelete kukonkelwa kumwine Isilaeli alimwi amuswamashi woonse ukala pakati kanu.”

Jelemiya 5:19

Ono na bantu bakeepushe ayi, ‘Ceebonshi Mwaami Lesa, Lesa wesu ncaacitila bobulya kuli ndiswe?’ Ukabalwiite ayi, ‘Bweenka mbomwakansuula akusebensela balesa beensu mucishi canu, mbweeke ubo mbweshi mukasebensele beensu mucishi citeshi canu.’ ”

Jelemiya 17:4

Kubisha kulaakumulengesha kunyaikwa cishi ico ncendakamupa. Ndaakumulengesha kuba basha kubalwani banu mucishi ico ncemuteshi ceebo cakwaamba ayi mwanyansha mulilo wa bukali bwangu alimwi ulaakunoonyakabo kwalyoonse alyoonse.”