Jelemiya 15:5 - Baibo Busansulushi Bwa Libuku Ili

⁵ Mwaami Lesa waamba ayi, “Mwebo nobene Jelusalemu, anu ngani weshi akamufwite nkumbu? Anu ngani weshi akamulilileeko? Anu ngani weshi akeemikanewo ciindi cilaamfu cakwiipusha mbomutoobuka?

Jelemiya 15:5 교차 참조

Isaya 51:19

Mapensho aya esa camambili pali ndimwe. Anu ngani weenga wamuumbulushaako? Kunyonyooka kwamupolela, ncakwiila nsala ankoondo shenjila. Anu ngani weenga wamuumbulushaako?

Naamu 3:7

Boonse beshi bakakuboone balaakukucica akwaamba ayi, ‘Ndabala ya Ninife yanyonyoolwa! Anu ngani weshi akeelileeko? Ngani weshi akasune kuyuumbulushaako?’ ”

Jelemiya 21:7

Kuswawaawo ndaakwaaba ndiwe Sedekiya omwaami wa bene Juda, bacinenenene bako abantu bamundabala ino abo beshi bakapuluke kumwaalu, nkondo alimwi ansala kuli Nebukadinesa mwaami wa kuBabiloni akubalwani banu basuni kumucaya. Nebukadinesa ulaakubacaya munkondo, teshi akabafwitewo luse nabi nkumbu.’ Nebo neMwaami Lesa ndaamba.”

Kulumbaisha 69:20

Matushi apensha moyo wangu abuumbi alimwi ndi mubuumba. Ndakalinga kulangila kunyumfwilwa nkumbu, sombi napaceyuubo. Ndakalinga kulangila kuyuminishikwa, sombi nakuceyuubo.

Jelemiya 16:5

“Kuteelesha kwinjila muŋanda umo mubete shakulya sha pamalilo. Tooelete kuyaamo mukulila nabi kuungumana ambabo ceebo ndacileka kupa coolwe bantu aba, kubatondesha lusuno nabi kubafwita nkumbu. Nebo neMwaami Lesa ndaamba.

Jelemiya 13:14

Kuswawaawo ndaakumana kubapwayoola anga ninongo mukuboomanya, bamanene abanike bweenka. Teshi nkabafwitewo nkumbu nabi paniini shakunkasha kubanyonyoola. Nebo neMwaami Lesa ndaamba.’ ”

Jobo 19:21

“Mwebo muli beensuma, ndapapaata amunyumfwileko nkumbu. Lesa wantula lyaansa lyakwe lya mapensho.

1 Samwelo 25:5

Mpeeke wakatuma basankwa bacikula bwangu bali likumi akubaambila ayi, “Kamuya kuli Nabali kuKamelo, mukaŋashisheeko.

1 Samwelo 17:22

Defedi wakashiya shintu shakwe kuli shikulama shintu sha bashilumamba akucicila kumindando ya nkondo mukwaansha bamanene bakwe.

1 Samwelo 10:4

Batookwaansha alimwi batookutambika shinkwa wobilo ayi ubwese. Shinkwa uyo ulyeelete kuutambula.

Boomboloshi 18:15

Aboobo bantu aba bakapetuka akuya pamaanda akwe Mika apo pakalinga kwikala musankwa ulya mwine Lefi. Bakaya bamwaansha ayi banyumfwe mbwaakalinga kubuka.

Kulonga 18:7

Mose wakamucinsha. Ndibakakumana, Mose wakafukama akumufyonta. Kuswawaawo bakeepushanya mbuli mbobakalinga kubuka, akwinjila mumusumba wakwe Mose.

Malilo 1:17

“Nebo neSiyoni ndatambika maansaangu, sombi taaku nabi womwi usuni kuncafwa. Mwaami Lesa waanga mulasho wakwaamba ayi beshimukoboma babe balwani bangu. Nebo neJelusalemu ndaba musena utasalalite pakati kabo.