4 Lyalo ndaakulengesha bamaami boonse ba pacishi ca panshi kubacimwa ceebo ca ceeco Manase mwanaakwe Esekiya mwaami wa bene Juda ncaakacita muJelusalemu.”
Ndaakubalengesha kuba bantu bapatitwe, batongoolwa kubamaami boonse ba mucishi. Balaakunoosekwa, kusebaanishikwa, kucobolwa akushinganwa kuli koonse uko nkweshi nkabatandile.
Ndaakubatandaanya kunkondo, nsala amwaalu akubalengesha kupatwa kubwaami boonse bwa pacishi ca panshi. Lyalo balaakuba cintu ceelete kushinganwa, kuloondwa, kushibulukwa akusekwa pakati ka mishobo iyo njendakabatandilaako.
Ono Mwaami Lesa Shinkusu shoonse waamba ayi “Amulete likoto lya bashilumamba ayi bese babalwaane akubalengesha kuloonda akusaalwa.
“Mwaami Lesa ulaakulengesha ayi balwani banu bakamukoome. Pakuya mukulwana ambabo mulaakupolela lubasu lomwi, sombi pakubacica mulaakumwaikabo. Lyalo bantu boonse mucishi ca panshi balaakuloonda abuumbi pakubona sheshi shikamucitikile.
Paceebo ceeco nebo neMwaami Lesa ntokwaamba ayi, “Mwebo tamukwe kunyumfwila maswi angu pakukaka kwaangulula bakwabanu baEbulu. Aboobo ntoomwaangulula ayi mukafwe kunkondo, mwaalu alimwi akunsala. Ndaakumulengesha kulensha bunya kubwaami boonse bwa pacishi ca panshi.
Wakabishisha Mwaami Lesa mukukonkela kwishibila kulensha bunya kwa baabo Mwaami Lesa mbwaakatanda mucishi cabo.
Ndaakumuletela nkondo akumupalanganishisha mushishi shimwi. Cishi canu cilaakubula bantu, alimwi mandabalaanu anene alaakucaalabo ngamatongo.
Ndabala ya Jelusalemu yakabisha abuumbi, aboobo teesalalite. Boonse abo bakalinga kwiilemeka, ono baleecobola ceebo yacaala matakosha. Ee, itootongelabo akulanga kulubasu ceebo ca nsoni.
Ndaakubapalanganishisha pakati ka mishobo iyo balo nabi bamashali babo bakulukulu njebatakwe kwishibaawo. Ndaakubatandaanya amakoto a bashilumamba kushikila nkabanyonyoole cakumaninina.’ ”
“Lyalo Mwaami Lesa ulaakumupalanganishisha pakati ka mishobo imwi yoonse, kuswa kweela cishi ankoceela. Nkomunya uko mulaakutalika kulambila balesa bakubesa kushisamu akumabwe, abo mwebo abashali banu bakulukulu mbomutana kulambilaawo.
Manase wakaba mwaami wa bene Juda kaacite myaaka likumi ayobilo. Wakalela muJelusalemu kwamyaaka makumi osanwe amyaaka yosanwe. Banyina bakalinga mbaEfusiba.
Manase wakaba mwaami wa bene Juda kaacite myaaka likumi ayobilo. Wakalela muJelusalemu kwamyaaka makumi osanwe amyaaka yosanwe.
“Nakubi boobo muleepusha ayi, ‘Ceebonshi mwaana ncaatakonshi kupengela shibiibi sha baishi?’ Kukumbula nkwakwaamba ayi mwaana wakacita shintu shakutanyengelela ashiluleme alimwi akulama kabotu milasho yangu yoonse. Ndushinisho lakwe ulaakuba abuumi.
Ndaakucita boobo mukwiinga balambishisha akusonkomona bukali bwangu kuswa bushiku bamashali babo bakulukulu ndibakaswa muIjipiti kushikila asunu.”
