11 Anu noBaami baLesa mashingo aacitike na nshikwe kumukombelelaawo ayi mubanyumfwile nkumbu. Ncakwiila aacitike na nshikwe kusengelaako balwani bangu kuli ndimwe muciindi ca mapensho amuciindi ca buumba.
Na muntu kaaenda munshila isangalasha Mwaami Lesa, ulaakulengesha balwani bakwe kunoonyumfwana anguwe.
Lyalo wakalengesha bantu abo myoyo kubomba, abo bantu bakalinga babacata busha.
Mpeeke mwaami Sedekiya wakatuma Jeukali mwanaakwe Shelemiya amupailishi Sefaniya mwanaakwe Maseiya kuli ndime neJelemiya mukwaamba ayi, “Amutupailileeko kuMwaami Lesa, Lesa wesu.”
Mucita shibi inga wacita milandu ili mwaanda akwikala buumi bulaamfu, nabi bamwi balaamba ayi, “Na muntu walemeka Lesa, shintu shoonse shilaakumweendela kabotu.
Bakaŋambila ayi, “Twapapaata amunyumfwe kusenga kwesu. Amutupailileeko kuMwaami Lesa, Lesa wanu swebo soonse sotwakacaalaawo. Twakalinga baanji, sombi na mwalangilisha bulya, twacaalabo baniini.
“Twaambilileko kuMwaami Lesa ceebo Nebukadinesa mwaami wa kuBabiloni utootulwana. Mpashi Mwaami Lesa inga watucitilawo shaankamiko mbuli mbwaakalinga kucita kale kale kwaamba ayi Nebukadinesa atuleeke.”
Moyo wa mwaami uli mumaansa a Mwaami Lesa. Uloolulamikabo bweenka mbwaalulamika kweenda kwa maanshi a mumulonga.
Ciindi ndindakamulilila, mwebo mwakankumbula. Mwakanjumya moyo akunkalika caamba.
Anu aboobo mutaloondi mukwiinga ndi amwebo. Mutoongumani ceebo ndime Lesa wanu. Ndaakumupa nkusu akumucafwa alimwi ndaakumufuna alyaansa lyalulyo liluleme.
Mpeeke mwaami Sedekiya wakatuma bantu kwisa mukumbwesa ayi bantole kuŋanda yakwe ya bwaami. Lyalo mwaami wakanjipusha kweela ayi, “Sa kuliwo maswi aswa kuMwaami Lesa?” Nebo ndakamukumbula ayi, “Ee, nkwaali. Mwebo mulaakwaabwa mumaansa a mwaami wa bene Babiloni.”
Mpeeke mwaami Sedekiya wakantumina beshinkombe ayi bantole kuli nguwe. Mpeeke bakantola akumbika kumwinjililo watatu uya kuŊanda ya Mwaami Lesa. Kuswawaawo mwaami wakaŋambila ayi, “Ntooyanda kukwiipusha cimwi cikani. Ono utanshisi nabi comwi.”
