Jelemiya 12:10 - Baibo Busansulushi Bwa Libuku Ili

¹⁰ Bamatanjilili baanji bakanyonyoola muunda wangu wa minyansa. Bakalyatoola mumuunda wangu ubotu akuulengesha kuba luundu lutacite ncito.

Jelemiya 12:10 교차 참조

Jelemiya 23:1

Mwaami Lesa waamba ayi, “Mapensho kubeembeshi abo batoonyonyoola akupalanganya mbelele sha mumafulo angu!”

Isaya 63:18

Kwaciindi ciniini musena wanu usalalite wakalinga mumaansaanu sombi bulya balwani banu balyatoola musena wanu uyo.

Jelemiya 6:3

Bamaami balaakwisa amakoto abo a bashilumamba mukulwana. Balaakuyaka matente abo kushingulusha ndabala. Womwi awomwi ulaakuyaka pamusena mpwaasuni.”

Jelemiya 3:19

Mwaami Lesa waamba ayi, “Ndakalinga kukondetwe abuumbi kunoomulama anga mbana bangu. Ndakakondwa kumupa cishi cikondelesha, ee, cishi ciindaawo kubota mucishi coonse ca panshi. Ndakalinga kusuni ayi munoonjita ayi, ‘Ta,’ cakubula kumfutatilawo tubili.

Ciyubululo 11:2

Sombi utapimi musena uli kunsengwe lya Ŋanda yakwe Lesa mukwiinga wakapekwa kubaswamashi bakunsengwe, abo mbweshi bakalyatoole Ndabala inene Isalalite kwamyeenshi ili makumi one alimwi ayobilo.

Luka 21:14

Ono mutakalisukami mumyoyo kuyeeya mbweshi mukaambe

Jelemiya 39:3

Lyalo bacinenenene ba mwaami wa bene Babiloni bakesa mukwikala pashuuna sha kuMwinjililo wa Pakati. Bacinenenene abo nguNegali Shalesa mwine Shamuga, Nebo Sasekimu mutanjilili wa bashilumamba, Negali Shalesa umwi munene wa bacinenenene alimwi abacinenenene ba mwaami wa bene Babiloni bamwi boonse.

Jelemiya 25:9

ndaakwiita bantu ba kumatwa amusebenshi wangu Nebukadinesa mwaami wa bene Babiloni. Ndaakubalengesha kulwana cishi ca Juda abantu boonse bekalaamo pantu pomwi amishobo yoonse ibashingulukite. Ndaakubanyonyoola cakumaninina akubalengesha kuba cintu ceelete kuloondwa, kushibulukwa alimwi akunyonyooka kwamuyayaya. Nebo neMwaami Lesa ndaamba.

Isaya 43:28

Abalo baleli banu bakabisha musena wangu usalalite. Paceebo ceeco ndakalengesha bene Isilaeli kunyonyoolwa. Ncakwiila ndakalekelesha bantu bangu ayi bacobolwe.”

Jelemiya 9:10

Ndaakulila buumpute akulila cakooloma kulilila tulundu, akulila cabuumba pamafulo ceebo shililishiitilebo alimwi taaku abeendaninaamo. Kulila kwa ŋombe takunyumfwikiimo. Bayuni abanyama bamuluundu bakacicaamo.

Esekelo 34:2

“Webo omuntu, Laluka mapensho pabeembeshi ba bene Isilaeli akubalwiita ayi nebo neMwaami Lesa Shinkusu shoonse ndaamba ayi, ‘Mapensho kubeembeshi ba bene Isilaeli abo balilama beene beenka! Sa beembeshi tabeelete kulama litanga?

Danyelo 8:13

Lyalo ndakanyumfwa usalalite umwi kaamba aumwi usalalite wakamwaambila ayi, “Citooba ciindi cilaamfu buyani cili anga nciloto ici kacitana kucitika cancinencine? Citooba ciindi cilaamfu buyani bubi ubo bulensha bunya kabushinkila kubengwa kwa milambu ya bushiku abushiku? Citooba ciindi cilaamfu buyani likoto lya nyenyeenshi sha kwiculu kalilyatililwa pantu pomwi aŊanda yakwe Lesa?”

Sekaliya 7:14

Lyalo bucita cipuupu ndakaboolulushila mushishi sha baswamashi. Munshila iyo cishi cino cibotu cakashiikwabo akuba matongo kwakubula awiindaamo.”

Isaya 3:14

Mwaami Lesa waleta bamaloba abamatanjilili ba bantu bakwe mukoomboloshekwa. Utoobashinina ayi, “Mwasaala myuunda yangu ya minyansa alimwi mumaandaanu muliswitebo shintu nshimwakanyaya bakandu.

Jelemiya 25:37

Cishi canu ca luumuno cilaakunyonyoolwa ceebo ca bukali buyoosha bwa Mwaami Lesa.

Jelemiya 25:38

Mwaami Lesa ulaakushiyabo bantu bakwe bweenka nkalamu mboishiya cimfwengo ca njiyo. Cishi cabo cilaakuba matongo ceebo cakulwanikwa abaabo beshi kubalyatilila alimwi abukali buyoosha bwa Mwaami Lesa.

Esekelo 34:5

Aboobo shakapalangana mukwiinga kwakabula mweembeshi. Ono ndishakapalangana shakaba cakulya ca banyama ba muluundu.