21 Lyalo Mwaami Lesa wakaamba ayi, “Basankwa bamwi ba kuAnatoti batooyandoola buumi bwako akunokwaamba ayi, ‘Utanoolalukila muliina lya Mwaami Lesa, sombibo na koosuni kufwita mumaanseesu.’ ”
“Sombi mwebo mwakalengesha baNasili kunwa waini alimwi akukasha balaluki kulaluka.
Nebo ndanyumfwa maswi aanji kaatepeta ayi, “Kuli mapensho ayoosha kumbasu shoonse! Aaluulwe! Ee, atumuluule!” Beensuma boonse batoolindilila ayi ndubye akwaamba ayi, “Mpashi inga weendwa kumaano, lyalo inga twamucata akumubooshesha cishole.”
Balaambila beshikubona ayi, ‘Amucileeke kubona shili anga nshiloto!’ Ee, balaambila balaluki ayi, ‘Amucileeke kutulwiita shili anga nshiloto shaamba shintu shiluleme!’ Kamutwaambila shintu sheenga shatusangalasha. Kamulaluka shintu shakuyeeyelabo.
Wakabaambila alimwi ayi, “Ncakwiila ntoomwaambila ayi taakuuwo mulaluki ulemekwa mucishi cine mishaabo.
Ono bamwi bakacaala, bakacata basebenshi bamwaami babapensha akubacaya.
Sombi balimi balya bakacata basebenshi bakwe akuumawo womwi, umwi bakamucaya alakwe umwi bakamuwaala mabwe.
“Muntu ulaakubenga mukwabo wa lifumo lyomwi ayi acaikwe, abalo bamaishiwabo balaakubenga bana babo. Abalo baana balaakubukila bamashali babo, akubacaisha.
ceebo ciindi cino mwaana musankwa utoonyansha baishi. Mwaana mwanakashi utoobukila banyina, alakwe mulokashi utoobukila bapongoshi bakwe banakashi. Ono nkokwaamba ayi balwani ba muntu mbaabo beenka mbwaakalaabo paŋanda.
Sombi ndindakamanishabo kwaambila bantu shoonse shakaŋambila Mwaami Lesa, balaluki, bapailishi abantu boonse bakancata akwaamba ayi, “Webo ulyeelete kucaikwa!
Aya ngamaswi akaamba Jelemiya mwanaakwe Ilikiya mupailishi wa kuAnatoti mucishi ca Benjameni.
“Anamelo, mwanaabo bashimishaanu baShalumu, ulaakwisa mukukubona akwaamba ayi, ‘Ula muunda wangu uli kuAnatoti mucishi ca Benjameni ceebo ndiwe shikamukowa wangu uli pafwaafwi nooelete kuwuula kweelana amulawo wesu.’ ”
Ono bantu abo boonse ndaakubaaba kubalwani baabo abo bafwima buumi bwabo. Mituntu yabo ilaakuba shakulya sha bayuni alimwi abanyama ba muluundu.
Balaakukulwana sombi teshi bakakukomeewo ceebo ndi awebo alimwi ndanookufuna. Nebo neMwaami Lesa ndaamba.”
