Jelemiya 11:19 - Baibo Busansulushi Bwa Libuku Ili

¹⁹ Ndakalingabo anga ngumwanaambelele mubombu utootolwa mukucaikwa. Nshindakalinga kwishiiwo ayi batoopinga kuncaya. Bakalinga kwaamba ayi, “Atunyonyoole cisamu ashisepo sha ncico. Atumukushe mucishi ca bantu boomi kwaamba ayi liina lyakwe litakayeeyekwiwo tubili.”

Jelemiya 11:19 교차 참조

Jelemiya 20:10

Nebo ndanyumfwa maswi aanji kaatepeta ayi, “Kuli mapensho ayoosha kumbasu shoonse! Aaluulwe! Ee, atumuluule!” Beensuma boonse batoolindilila ayi ndubye akwaamba ayi, “Mpashi inga weendwa kumaano, lyalo inga twamucata akumubooshesha cishole.”

Jelemiya 18:18

Mpomunyaawo balo bakaamba ayi, “Kamwisa, tulifuuyefuye akubona mbweenga twacita Jelemiya. Bapailishi beshi banootwiisha milawo, basongo beshi bakanootupandako maano alimwi abalaluki beshi bakanootulwiitako maswi a Mwaami Lesa nkobali. Aboobo amwise, tumubekeshe milandu akutakutika sheesho nsheshi anokwaamba.”

Kulumbaisha 83:4

Batokwaamba ayi, “Tunyonyoole mushobo wabo, kwaamba ayi liina lya Isilaeli litakanyumfwiki tubili.”

Kulumbaisha 31:13

Ndanyuumfwa balwani baanji kabatepeta. Shiyoosha shilinshingulukite uku akooku. Balwani abo, batoopinga ndime, ee, batoopangana ayi bancaaye.

Jobo 28:13

Busongo tabucanikwi kubantu alimwi taaku ukonsha kwishiba makwebo a mbubo.

Kulumbaisha 27:13

Ndishinishite kwaamba ayi ndaakubona bubotu bwa Mwaami Lesa mumusena wa boomi.

Shakubelenga 1:14

Gadi Eliyasafu mwanaakwe Dewelo

Isaya 38:11

Ndakalinga kuyeeya ayi bulya nebo taaku kubonanaawo aMwaami Lesa, ee, kubonanaawo anguwe mucishi cino ca boomi. Abalo bantu bacili boomi nebo taaku kubonanaabo tubili nabi kwikala pakati kabo mucishi cino.

Isaya 32:7

Nshila sha muntu ushishimfulunganya nshabubi alimwi ulapanga miyeeyo ibiibi. Lakwe ncaapingabo, nkunyonyoola bakandu kwiinda mubunkulwe bwakwe nakubi kwaamba ayi shaamba bakandu shililuleme.

Tushimpi 10:7

Bantu baluleme balayeeyekwa anga ncoolwe, sombi lakwe mucita shibi ulaakufwambaana kulubwa.

Tushimpi 7:22

Peenkabo apo musankwa uyo wakamukonkela cakukulikwabo anga niŋombe itooya mukucaikwa. Ndushinisho cakubabo anga ngumunyama utooya mukucatwa mumwaando

Kulumbaisha 116:9

Aboobo ndeenda pameenso a Mwaami Lesa mucishi cino ca bantu boomi.

Kulumbaisha 109:13

Bamulunyungu lwakwe boonse abamane kufwa, cakwaamba ayi kutakabi wiibaluka liina lyakwe mulishalane litoosa.

Danyelo 9:26

Kumeelelesho a ciindi ico, Mutanjilili Usalitwe wakwe Lesa ulaakucaikwa kwakubula mulandu. Lyalo ndabala iyo aŊanda yakwe Lesa shilaakunyonyoolwa alikoto lya bashilumamba ba muleli ucite nkusu shiinji. Meelelesho a nshisho alaakupolabo anga ngamaanshi asefuka kuswa mumulonga. Nkondo akunyonyoolwa isho Lesa nshaakabamba, shilaakutolelela tibili akumeelelesho ayo.

Kulumbaisha 142:5

NoBaami baLesa, ndamulilila ayi muncaafwe. Ndaamba ayi, “Ndimwe ciyubilo cangu, ndimwe buboni bwangu boonse mubuumi bwangu buno.”

Kulumbaisha 112:6

Ndushinisho teshi akatenkaanishikwewo, sobwe. Muntu ululeme ulaakunokwiibalukwa lyoonse alyoonse.

Kulumbaisha 52:5

Paceebo ceeco, Lesa ulaakunyonyweetabo limwi. Ulaakukucata akukukusha muŋanda yako. Ncakwiila ulaakukunonkolaamo mucishi ca boomi.

Kulumbaisha 35:15

Sombi nebo ndindakalisuntula, balo bakatalika kusekelela. Bakabungana akutalika kungweluluka. Bantu mbondatakalinga kwishi bakandwana, bakamfuya cakutaboolaawo pesule nabi paniini.

Jelemiya 26:8

Sombi ndindakamanishabo kwaambila bantu shoonse shakaŋambila Mwaami Lesa, balaluki, bapailishi abantu boonse bakancata akwaamba ayi, “Webo ulyeelete kucaikwa!

Malilo 3:60

Mulishi balwani bangu mbobampatite alimwi ambobapingite kucita pali ndime.

Esekelo 32:24

“Ilamu alakwe nkwaabete ashuumbwe sha bashilumamba bakwe shilishingulukite cuumbwe cakwe. Boonse abo bakacailwa munkondo. Boonse bakalinga kuloondesha bamwi mucishi ca boomi bakaya cakubula kupalulwa mumusena wa bafu. Bulya balifwite munsoni shabo beene.

Tushimpi 24:15

Utanooyubilila ŋanda ya muntu ululeme anga ngumucita shibi. Ncakwiila tooelete kusaala ŋanda yakwe napaceyi.

Jelemiya 1:19

Balaakukulwana sombi teshi bakakukomeewo ceebo ndi awebo alimwi ndanookufuna. Nebo neMwaami Lesa ndaamba.”

Osiya 9:8

Nobene Isilaeli bantu bakwe Lesa, Mwaami Lesa wakantuma ayi mucenjeshe. Nakubi boobo munshila shangu shoonse muliteyetemo toose. Balwani bangu balambelamina amuŊanda yakwe Lesa moonse.