12 Lyalo bantu ba mumandabala a muJuda abene Jelusalemu balaakuya mukulilila balesa abo mbobatentela tununkila kabotu. Sombi balesa aba teshi bakabapulushewo mapensho aakubapolela.
Ino ono balesa banu mbomwakalipangila bali kuli? Kabesa bamufuune na inga bacikonsha kumufuna ndyemuba amapensho. Sa te mwebo nobene Juda mulicitebo balesa baanji anga ngamandabala anu?”
Lyalo Mwaami Lesa ulaakwiipusha bantu bakwe ayi, ‘Bali kuli balesa ba nkusu mbomwakashoma?
Mwaami Lesa waamba ayi, “Amuyoboloke akwisa. Ee, amuyoboloke mwebo nomwakalobokela pakati ka mishobo imwi. Batacite lushibo mbaabo banyamuna balesa ba shisamu, ee, abo bapaila kubalesa batakoonshi kubapulusha.
Ono Aasi ndyaakalinga mumapensho anene, wakeendilisha kubisha kuMwaami Lesa.
Kamuya mulilile balesa mbomwakalisalila. Balesa abo mbobeelete kumucafwa muciindi ca mapensho.”
Mwakabatebeta mafuta a milambu yanu akubapa cipo ca waini ayi banwe. Abese bamucaafwe bulya! Abacice kwaamba ayi bamufuneeko!
Ino ceebonshi mutoosonkomona bukali bwangu ceebo cakulambila shibumbwabumbwa akunootenta tununkila kabotu kubalesa bamwi ba muIjipiti umo momwakesa mukwikala? Mutoolinyonyweshabo nobeene akulilengesha kuba cintu ceelete kushinganwa akusekwa pakati ka mishobo yoonse ya mucishi ca panshi.
Balamubika pacifushi akumunyamuna. Lyalo balamwiimika pamusena wakwe, kwiimikana cakutakonsha kusena pamusena apo mpwaabikwa. Na muntu wapaila kuli nguwe, taakoonshi kukumbula nabi kupulusha muntu uyo kuswa kushintu shiyoosha.
Nakubi boobo bantu bangu nebo banduba. Balatentela shibumbwabumbwa shitacite ncito tununkila kabotu. Shibumbwabumbwa isho shakabalengesha kulisuntula munshila shabo akuleka kweendela munshila shikulukulu. Shalo shakabalengesha kweendela mutushilambali amunshila shitana kweepwa.
