Jelemiya 1:16 - Baibo Busansulushi Bwa Libuku Ili

¹⁶ Ndaakupa mulandu bantu bangu ceebo ca bubi bwabo bwakunsuula mukunootentela balesa babo tununkila kabotu amukulambila shakapanga maansaabo beene.

Jelemiya 1:16 교차 참조

Jelemiya 19:4

Ndaakucita boobo mukwiinga bakansuula akulengesha musena uyu kuba wa balesa beensu. Bakatentelamo milambu kubalesa abo balo, bamashali babo bakulukulu nabi bamaami bene Juda mbobatakalinga kwishi. Musena uno bausushabo bulowa bwa bantu batacite milandu.

Jelemiya 7:9

Mwebo muleepa, mulacaya bantu, mulacita bulale, mulabeca nabi mwashomesha cakulumbila, mulatentela Baali tununkila kabotu akulambila balesa abo mbomwatakalinga kwishiiwo.

Milimo ya Batumwi 7:41

Ici nceciindi ncebakabumba cibumbwabumbwa cakalinga kukoshanya amucende mwaana. Bakatalika kubenga milambu akubamba shakulya shakusekelela mukulemeka ceeco ncebakalipangila beene.

Isaya 2:8

Cishi cabo ciliswitebo shibumbwabumbwa. Balalambila shintu nshebakalipangila amaansaabo beene.

Dutolonomi 28:20

“Na munoocita shibiibi mukukaka Mwaami Lesa, kulaakumuletelela shiyoosha, shimfulunganya, alimwi amapensho mushintu shoonse nsheshi mukanoocita, kushikila mukafwambaane kunyonyooka cakumaninina.

Osiya 11:2

Sombi bweenka mankanda ngondakalinga kumwiita mbwaakalinga kuya cifula, mbweeke ubo alakwe mbwaakalinga kuya citalamuka kuswa kuli ndime. Bantu bangu bene Isilaeli bakalinga kubenga milambu kuli Baali akutenta tununkila kabotu kushibumbwabumbwa.

Osiya 8:6

Cibumbwabumbwa ico ngumwine Isilaeli wakacibumba. Aboobo teshi lesa, sobwe! Cibumbwabumbwa cine Samaliya ico cilaakupwayoolwa mutupanshapansha!

Jelemiya 44:17

Sombi ndushinisho swebo tunanoocita shoonse nshetwakaamba. Tunanootentela Mwaami mwanakashi Wakwiculu tununkila kabotu akumupa shipo sha shakunwa bweenka swebo abamashali besu bakulukulu, bamaami abacinenenene besu mbobakalinga kunoocita mumandabala a kuJuda amumikwakwa ya muJelusalemu. Paciindi ico twakalinga kucite shakulya shiinji alimwi katushiite kabotu. Taaku acakalinga kutupensha.

Jelemiya 17:13

Nobaami baLesa mwebo muli lulangilo lwa bene Isilaeli. Boonse abo bamusuula, balaakulenshekwa nsoni. Boonse abo balaakushiminganabo anga ngameena alembwa mubulongo ceebo bakamufutatila mwebo nokantupu ka buumi.

Jelemiya 4:12

Sombi ngumuuwo wiindaawo nkusu uyo uswa kuli ndime. Nebo neMwaami Lesa ntoobapa milandu.”

Isaya 37:19

Bakatenta balesa babo boonse mukwiinga tebakalinga balesa bancinencine. Sombi bakalinga nshisamu shakabeswa amabwe akabeswa amaansa a bantu.

2 Baami 22:17

Bakankaka alimwi bakalinga kubenga milambu kubalesa bamwi, ono bulya basonkomona bukali bwangu ceebo ca shintu nshebakacita. Bukali bwangu pandabala ya Jelusalemu mbunene abuumbi alimwi teshi bukamaane.

Joshuwa 24:20

Na mukafutatile Mwaami Lesa akusebensela balesa beensu, ulaakukalala akucita cintu ciyoosha pali ndimwe. Ulaakumunyonyoola nakubi kwaamba ayi lyoonse wakalinga kumucitila shintu shibotu.”

Dutolonomi 31:16

Mwaami Lesa wakaambila Mose ayi, “Webo utoofwa onoono, ono na ufwe, bene Isilaeli balaakucileka kushomeka kuli ndime akutalika kulambila balesa beensu ba mucishi ico ncebatooyaamo. Balaakunkaka akupwaya cipangano cili pakati pali mbabo anebo.

Esekelo 24:14

“Nebo neMwaami Lesa ndime ntokwaamba. Ciindi cangu cakucitawo comwi pali ndiwe cashikila. Teshi nkaboolewo pesule, kufwa nkumbu nabi kukulekabo, sobwe. Ulaakupekwa mulandu kweelana abwikaalo bwako alimwi amicito yako. Nebo neMwaami Lesa Shinkusu shoonse ndaamba.”

Jelemiya 51:17

Boonse mbaluya alimwi tabacite lushibo. Beshikufula golodi boonse balicite nsoni ceebo ca shibumbwabumbwa shabo. Balesa babo mbabubeshi alimwi tabayooyi.

Jelemiya 16:11

Lyalo ukabakumbule ayi, ‘Nceebo ca bamashali banu bakulukulu bakansuula akukonkela balesa bamwi, bakabasebensela akubalambila. Bakamfutatila alimwi tabakwe kunyumfwila kwiisha kwangu.

Jelemiya 15:6

Mwebo mwakankaka, ncakwiila mulicitekobo kuboola pesule. Aboobo ndaakumucata akumunyonyoola. Teshi nkamufwitewo nkumbu tubili.

Jelemiya 11:17

“Nebo neMwaami Lesa Shinkusu shoonse uyo wakamushanga ndaamba ayi mukapolelwe mapensho. Ndacita boobo ceebo mwebo nobene Isilaeli anobene Juda mwakacita shibiibi akusonkomona bukali bwangu kwiinda mukutentela Baali tununkila kabotu.”

Jelemiya 11:12

Lyalo bantu ba mumandabala a muJuda abene Jelusalemu balaakuya mukulilila balesa abo mbobatentela tununkila kabotu. Sombi balesa aba teshi bakabapulushewo mapensho aakubapolela.

Jelemiya 10:15

Taakuuwo mbobabete, balyeelete kusuulwa. Ciindi cakoomboloshekwa kwabo caakushikila, balaakumana kuloba.

Jelemiya 5:29

Sa inga nshibapi mulandu pasheeshi? Sa inga nshipilushishi bubi pamushobo uli mbuli wooyu?

Jelemiya 5:9

Sa inga nshibapi mulandu pasheeshi? Sa inga nshipilushishi bubi pamushobo uli mbuli wooyu?

Jelemiya 4:28

Aboobo cishi cilaakulila, alyalo liculu lilaakushiya. Ndakaamba kale, teshi nkaboole pesule. Ici ndakacaamba kale, teshi nkabooshemo moyo, sobwe.”

Jelemiya 2:17

Aya mapensho mwaliletelabo nobene ceebo cakusuula Mwaami Lesa, Lesa wanu uyo wakalinga kumutanjilila munshila shanu shoonse.

Jelemiya 2:13

Bantu bangu bakacita shibiibi shobilo. Bamfutatila nebo nekantupu ka buumi akulikabila mikalo yabo beene, mikalo itakoonshi kusunga amaanshi.

Isaya 65:3

Balatolelela kunkalasha cakutalisendaawo mukuya mukubenga milambu mumyuunda yakapekwa kubalesa babo akutenta tununkila kabotu pashipaililo sha bakunsengwe.

Isaya 44:15

Amubone, muntu kucisamu comwi ulakushaako musampi umwi ayi ndukuni, umwi ulakunkisha mulilo ayi ayote alimwi akupangisha shinkwa. Awalo musampi umwi nkubesaamo lesa kwaamba ayi anoolambila, ee, cibumbwabumbwa ayi anoocifukamina.

2 Makani 34:25

Bakankaka alimwi bakalinga kubenga milambu kubalesa bamwi, ono bulya basonkomona bukali bwangu ceebo ca shintu nshebakacita. Bukali bwangu pandabala ya Jelusalemu mbunene abuumbi alimwi teshi bukamaane.

2 Makani 15:2

Lyalo wakaya mukukumana amwaami Asa. Wakamwaambila ayi, “NoBaami baAsa abantu banu bene Juda abene Benjameni amunkutike! Mwaami Lesa unanooli amwebo kulilabo kamuli anguwe. Na mumuyandoole mulaakumucana, sombi na mwamufutatila alakwe ulaakumufutatila.

2 Makani 7:19

Sombi na webo nabi bamulunyungu lwako bakacileeke kunyumfwila, ee, kucileka kukonkela milawo amilasho njindakakupa nabi kutalika kulambila balesa bamwi,

Jowelo 2:11

Mwaami Lesa ngowatanjilila likoto lyakwe lya bashilumamba. Bashilumamba bakwe abo bacita ncaasuni, mbaanji abuumbi cakutabelengeka alimwi mbeshinkusu. Bushiku bwa Mwaami Lesa mbunene alimwi bulayoosha. Anu ngani weenga wacaala pabushiku ubo?

Ciyubululo 9:20

Ono bantu boonse abo bakacaala, abo batakwe kucaikwa amyaalu yotatwe iyi, tabakwe kusanduka kuswa kushintu isho nshebakalipangila beene. Tabakwe kucileka kulambila bashikaswa, shibumbwabumbwa sha golodi, sha silifa, sha bulonse, sha mabwe alimwi asha shisamu. Shintu ishi tashiboni, kunyumfwa nabi kweenda.

Jelemiya 2:28

Ino ono balesa banu mbomwakalipangila bali kuli? Kabesa bamufuune na inga bacikonsha kumufuna ndyemuba amapensho. Sa te mwebo nobene Juda mulicitebo balesa baanji anga ngamandabala anu?”

Jelemiya 10:3

Kwishibila kwa bantu aba taaku mbokubete. Balatema cisamu muluundu ico shikubesa ncaabesa ambeso yakwe.

2 Makani 28:2

Wakakonkela bwakacita bamaami bene Isilaeli. Wakapangisha shibumbwabumbwa sha sheela shakwe Baali.

Jelemiya 2:19

Bubi bwanu nobeene butoomupa mulandu. Kumfutatila kwanu kutoomuletela bukali bwangu. Lyalo mulaakwishiba mbocibica alimwi mbocilubite kusuula ndime nebo neMwaami Lesa, Lesa wanu akucileka kushomeka kuli ndime. Nebo neMwaami Lesa, Lesa Shinkusu shoonse ndaamba.”

Jelemiya 7:17

Sa shintu nshebatoocita mumandabala a mucishi ca Juda amumikwakwa ya ndabala inene ya Jelusalemu tooshibwene?

Jelemiya 7:18

Baana batootepa nkuni. Bamashali babo batookunka mulilo. Abalo banakashi batookanda fulaulo akupanga shinkwa wa mise wakupa lesa umwi mwanakashi wiitwa ayi Mwaami mwanakashi wa Kwiculu. Batoopa shipo sha shakunwa balesa bamwi kwaamba ayi bankalashe.

Jelemiya 18:15

Nakubi boobo bantu bangu nebo banduba. Balatentela shibumbwabumbwa shitacite ncito tununkila kabotu. Shibumbwabumbwa isho shakabalengesha kulisuntula munshila shabo akuleka kweendela munshila shikulukulu. Shalo shakabalengesha kweendela mutushilambali amunshila shitana kweepwa.

Esekelo 16:18

Wakabwesa shakufwala shako shakatungwa shakubotesha akushifwalika alimwi akushipa shipo sha mafuta atununkila kabotu ayo ngondakakupa.