Isaya 9:14 - Baibo Busansulushi Bwa Libuku Ili

¹⁴ Pabushiku bomwi Mwaami Lesa ulaakutondesha bukali bwakwe kubamatanjilili ba bene Isilaeli abantu babo. Ulaakusutula mutwi amucila wabo.

Isaya 9:14 교차 참조

Ciyubululo 18:8

Paceebo ceeco, mubushiku bomwibo, ulaakupolelwa myaalu iyi, malwashi, buumba alimwi ansala. Ulaakutentwa mumulilo mukwiinga Mwaami Lesa umoombolosha ulicite nkusu shiinji.”

Isaya 19:15

Taaku nabi womwi muIjipiti, mubile nabi mukandu, ulemekwa nabi utacite mpuwo, ukonsha kupa lucafwo.

Ciyubululo 18:17

Ndushinisho muawala yomwi iyi wasowekelwa bubile bwakwe boonse!” Boonse beendelesha maato anene alimwi abantu batantaamo, basebenshi beshikubona maato alimwi abamwi boonse abo bacanina mpindu mulweenge, bakeemikanabo palaale.

Ciyubululo 18:10

Balaakwiimikana palaale kuloonda kwaamba ayi inga baakupekwa mulandu abalo. Balaakwaamba ayi, “Mapensho, mapensho kundabala inene ya Babiloni! Ncakwiila muawala yomwibo iyi wapekwa mulandu!”

Amosi 7:17

“Paceebo ceeco pali ndiwe Mwaami Lesa waamba ayi, ‘Mukaako ulaakuba mufuule mundabala inene. Abalo bana bako basankwa abanakashi balaakufwa kunkondo. Cishi cako cilaakutimboolwa akubaanishikwa alimwi webo ulaakufwita mucishi ca bakunsengwe. Ncakwiila bene Isilaeli boonse balaakutolwa busha kuswa mucishi cabo kuya mucishi citeshi cinebo.’ ”

Amosi 6:11

Ceebo Mwaami Lesa wakashomesha kale. Ndushinisho ulaakupwayoola ŋanda inene mutupanshapansha ayalo ŋanda iniini ulaakwiilengesha kuba matongo.

Amosi 3:12

Mwaami Lesa waamba ayi, “Bweenka mweembeshi kuswa mukanwa ka nkalamu mbwaapulushakobo mafuwa akumyeendo yobilo ya mbelele nabibo kapansha ka kutwi, mbweeke ubo bene Isilaeli mbweshi bakapulushikwe. Ncakwiila mbweshi bakapulushikwe abo bashiite kweela malo abo muSamaliya ee, abaabo bashiite pashuuna shabo shibotu kuDamasikasi.”

Osiya 13:3

Paceebo ceeco balaakuba anga ngushikunku wa macuunsa, ee, anga ngumume uyo upalangana na lwabala. Ncakwiila balaakuba anga mbuungu butolwa amuuwo kulubansa lwakulupwitaawo nabi anga mbwiishi butooswita pambwelyo.

Osiya 10:15

Ico nceshi cikacitike kuli ndimwe nobene Betelo mukwiinga bubi bwanu mbunene abuumbi. Nkondo yaakutalikabo, mwaami wa bene Isilaeli ulaakunyonyoolwa cakumaninina.”

Osiya 8:8

Bene Isilaeli bamana ncito, bababo anga njimishobo imwi. Tabacite incito balibo anga nshikaye.

Osiya 4:5

Mulawa mashiku amalumwi, abalo balaluki ngumushobo womwibo. Paceebo ceeco ntoonyonyoola nyinawanu, ee, mushobo wa Isilaeli.

Osiya 1:9

Lyalo Mwaami Lesa wakaŋambila ayi, “Mwaana uyo mutumbe ayi Lo Ami mukwiinga bene Isilaeli tabacibete bantu bangu alimwi nebo nshicibete Lesa wabo.

Osiya 1:6

Goma wakamita alimwi akushala mwaana mwanakashi. Lyalo Mwaami Lesa wakaŋambila ayi, “Mwaana uyo mutumbe ayi Lo Luyama mukwiinga teshi nkatondeshewo bene Isilaeli tubili lusuno nabi kulekelela shibiibi shabo.

Osiya 1:4

Lyalo Mwaami Lesa wakaŋambila ayi, “Mwaana uyo mutumbe ayi Jesiliilu mukwiinga coonoonobo ndaakupa mulandu bamulunyungu lwakwe Jeyu. Ndaakucita boobo ceebo bantu baanji mbwaakacaya kuJesiliilu. Munshila iyo ndaakumanisha bulelo bwa Isilaeli.

Isaya 30:13

cibiibi canu ici cilaakumubeta anga ndubumbu lulaamfu lucite mwaansha utooya cilakamuka. Lubumbu ulo lulawa cakufwambaana alimwi cakuteengashila.

Isaya 10:17

Lesa, ee, Mumuni wa bene Isilaeli ulaakuba mulilo. Ncakwiila Usalalite wa bene Isilaeli ulaakuba kubilima kwa mulilo uko kukonsha kutenta shoonse mubushiku bomwibo. Kutenta nabi myuumfwa ashisonsoonya.

Jelemiya 6:21

Paceebo ceeco Mwaami Lesa utookwaamba ayi, “Ndakubika shakulisuntulako kunembo lya bantu aba. Bamashali basankwa abana babo balaakuwa, abalo beshimukobonyinaabo ababyaabo balaakumana kuloba.”

Jelemiya 8:12

Sa bakafwa nsoni ceebo ca micito yabo ilensha bunya? Nabi na tabanyumfwiiwo nsoni napaceyi. Tabacite acoomba nkoye nabibo paniini. Paceebo ceeco balaakuwa bweenka mbuli bamwi. Ndaakumana kubapa mulandu, cilaakuba ngomeelelesho abo. Nebo neMwaami Lesa ndaamba.”

Malilo 4:16

Mwaami Lesa mwiine ngowakabapalanganya, taababikiiko amaano, sobwe. Bapailishi taabapiwo bulemu, abalo bamaloba babo taabanyumfwiliwo nkumbu.