Isaya 8:18 - Baibo Busansulushi Bwa Libuku Ili

¹⁸ Ono bulya ndime abaana Mwaami Lesa mbwaakampa. Mwaami Lesa Shinkusu shoonse ucite cuuna ca bwaami paKalundu ka Siyoni, watutuma kwaamba ayi tube nkombe yakwe yuumi kubene Isilaeli.

Isaya 8:18 교차 참조

Luka 2:34

Mpeeke Simyoni wakabapa coolwe akulwiita Maliya banyina Jesu ayi, “Uyu mwaana wasalwa aLesa kwaamba ayi awishe akubusha baanji pakati ka bene Isilaeli. Ulaakuba citondesho cakuswa kuli Lesa ico baanji nceshi bakakake.

Sekaliya 8:3

“Ndaakuboola kuSiyoni alimwi akwikala muJelusalemu. Lyalo ndabala ya Jelusalemu ulaakunokwiitwa ayi, ‘Ndabala ya Lushinisho,’ akalo kalundu kangu nebo neMwaami Lesa Shinkusu shoonse kalaakunokwiitwa ayi, ‘Kalundu Kasalalite.’ ”

Kulumbaisha 71:7

Bantu baanji balakankamana pabuumi bwangu, sombi ndimwe beshikunjimikanina beshinkusu.

Sekaliya 3:8

“ ‘Ono kutika omupailishi munene Joshuwa pantu pomwi abapailishinyoko abo bashiite kunembo lyako. Bapailishi abo batokwiimikanina shintu shitoosa kunembo. Ndaakuleta musebenshi wangu wiitwa ayi Musampi.

Isaya 53:10

Mwaami Lesa waamba ayi, “Sombi wakalinga ngumuyeeyo wangu neMwaami Lesa wakwaamba ayi alyatilililwe akumulengesha ayi apenge munshila iyo. Nebo neMwaami Lesa ndakacita boobo kwaamba ayi buumi bwakwe bube mulambu wakumana milandu. Nakubi boobo bamulunyungu lwakwe ulaakubabona alimwi ulaakwikala buumi bulaamfu. Kwiinda muli nguwe lusuno lwangu neMwaami Lesa lulaakuswitilila.

Kulumbaisha 22:30

Bacishalwa balaakunoosebensela Mwaami Lesa. Bantu balaakulwiita baabo bacisa shaMwaami Lesa uyo.

Kulumbaisha 9:11

Amulumbaishe Mwaami Lesa uyo ulela muSiyoni, mwaambe milimo yakwe ikankamika kumishobo yoonse.

Bene Ebulu 12:22

Sombi mwebo mwesa kuKalundu ka Siyoni alimwi akundabala inene yakwe Lesa muumi, njeJelusalemu ya kwiculu umo muli baanjelo bali shuulu ashuulu.

Isaya 24:23

Mweenshi ulaakushiya, alyalo lisuba lilaakucileka kubala ceebo Mwaami Lesa Shinkusu shoonse ngweshi akanoolela paKalundu ka Siyoni muJelusalemu. Ulaakulela cabulemu kunembo lya bamaloba ba bantu umo.

Isaya 12:6

Amoolobeshe akwiimba ceebo cakusangalala nobene Siyoni! Mukwiinga Usalalite wa bene Isilaeli uli pakati kanu ulicite nkusu.”

Isaya 7:16

Sombi ico kacitana kushikila, shishi sha bamaami bobilo aba mbootooloonda shilaakucaalabo mumatongo.

Isaya 14:32

Anu tutoobakumbula ayinshi beshinkombe bene Filisiti? Tutoobaambila ayi, “Mwaami Lesa weemika ndabala ya Siyoni kwaamba bantu bakwe batoopenga bakapulukile nkuko.”

1 Makani 23:25

Ceebo Defedi wakaamba ayi, “Mwaami Lesa, Lesa wa bene Isilaeli wapa luumuno kubantu bakwe alimwi lakwe mwiine ulanookala muJelusalemu lyoonse alyoonse.

Bene Ebulu 10:33

Cimwi ciindi mwakalinga kucobolwa alimwi akupenshekwa pameenso abantu. Ciindi cimwi alimwi mwakalinga kupenga pantu pomwi abaabo bakalinga kupenshekwa munshila iyi.

Isaya 7:3

Lyalo Mwaami Lesa wakaambila Isaya ayi, “Webo amwanaako Shiya Jashubu muye mukakumane aAasi. Mulamucana munshila ilya kusebensela beshikutunga shisani, pafwaafwi amufolo uleta maanshi aswa mulishiba lya peculu.

Esekelo 14:8

Muntu uyo ndaakumupata akumusandula kuba citondesho kubamwi alimwi akuba kashimi. Ndaakumukusha pakati ka bantu bangu. Lyalo ndyeshi mukeshibe ayi nebo ndi Mwaami Lesa.

Isaya 8:3

Mukuya kwanshiku bakaangu bakamita akushala mwaana musankwa. Mpeeke Mwaami Lesa wakaamba ayi, “Mutumbe ayi Maa Shalali Ashi Basi.

Matalikilo 33:5

Esau ndyaakacebooka akubona balutundu alimwi abaana wakeepusha ayi, “Mbaani bantu aba mbooli abo?” Jakobo wakakumbula ayi, “Nkambo, aba mbaana abo Lesa mbwaakampa ceebo ca luse lwakwe.”

Dutolonomi 28:46

Mapensho aya alaakuba mbobukamboni bwa boomboloshi bwakwe Lesa pali ndimwe alimwi abamulunyungu lwanu kwamuyayaya.

Isaya 20:3

Ndabala ya Ashidodi ndiyakakomwa, Mwaami Lesa wakaamba ayi, “Bweenka Isaya musebenshi wangu mbwaalinga kuya ceendabo matakosha alimwi amyeendobo kwamyaaka yotatwe ayi ncitondesho cakucenjesha bene Ijipiti abene Kushi,

Jelemiya 44:29

“ ‘Ici cilaakuba ncitondesho cakwaamba ayi ndaakumupa mulandu kumusena uno alimwi ayi kushomesha kwangu kwakumunyonyoola, ncakwiila kulaakucitika.’

Esekelo 4:3

Kuswawaawo ubwese cikaye ca nshimbi ucibike ciboneke anga ndubumbu lwa nshimbi luli pakati lyako andabala. Lyalo ulange nkweshi cinoobetele. Ndabala iyo itooshingulukwa. Webo ndiwe weshi wiishinguluke. Ici citooba citondesho kumushobo wa bene Isilaeli.

Esekelo 12:6

Ushibike pacifushi kabakubwene akushitola ciindi camumuntu ngulya. Ono ukalifwekeleshe kumeenso ayi utakeshibi nkootooya ceebo webo ndaakulengesha kuba cakucenjesheshako mushobo wa bene Isilaeli.”

Kulumbaisha 9:12

Mukwiinga Lesa ulabona bapenga, Taasuuli kulila kwa bali mumapensho, alimwi ulapa mulandu abo bababishisha.

Luka 2:18

Mpeeke boonse ndibakacinyumfwa cikani ici cakaamba beembeshi bakakankamana abuumbi.