25 Mutulundu moonse umo mwakalinga kulimwa teshi mukanooshikwa ceebo ca myuumfwa ashisonsoonya. Mulaakubabo mwakulita ŋombe ambelele.”
Cishi canu mulombe lwa lweenge cilaakusanduka cikabe musena wa beembeshi alimwi ashimpati sha mbelele.
Mandabala anene a Silya alaakucaala matongo kwamuyayaya. Ncakwiila alaakubabo mafulo a mbelele aŋombe umo mweshi shikanoolita kwakubula ushitandaamo.
Mbelele shilaakunoolya bwiisu mumafulo a nshisho. Ncakwiila bana ba mbelele balaakunoolya mumatongo a mandabala anene a babile.
Ashalo shilaakwisa akwikala mushinyika, mushimfwengo sha mumabwe, pacikupu coonse ca myuumfwa alimwi amumafulo oonse.
Bantu pakunooya cifwima balaakunoonyamuna buta amifwi mukwiinga cishi coonse cilaakusulabo myuumfwa ashisonsoonya.
Bene Isilaeli mbeshicimpamya anga ngumucongoshi, ino ono bantu ba mushobo uyo inga ndabasanina buyani anga mbana ba mbelele?
