Isaya 66:4 - Baibo Busansulushi Bwa Libuku Ili

⁴ Paceebo ceeco ndaakubaletela mapensho Ndaakubaletela shintu sheenka nshebaloonda mukwiinga ndindakeeta, taaku wakakumbula. Ndindakamwaambila tamukwe kukutika. Bakacita bubi pameenso angu. Ee, bakasala kucita shintu shitankoondi.”

Isaya 66:4 교차 참조

Isaya 65:12

malwesa anu nkufwa lufu lubiibi. Ncakwiila mulaakumana kufwa kunkondo mukwiinga ndindakeeta tamukwe kukumbula, alimwi ndakaamba, sombi tamukwe kunkutika. Mwakacita bubi mumeenso angu mukusala kucita shitasangalashi ndime.”

Jelemiya 7:13

Ndimwakalinga kucita shintu shoonse ishi, nakubi kwaamba ayi ndakamwaambilaawo pashintu isho mankanda aanji aanji, tamukwe kukutika. Ndakamwiita, sombi tamukwe kukumbula.

Tushimpi 10:24

Bamucita shibi balapekwa shintu isho nshebaloonda, sombi baluleme balatambula shoonse nshebasuni.

Tushimpi 1:24

Ndindakamwiita mwakankakila. Taaku muntu nabi womwi wakanyumfwila ndindakamulabula.

2 Baami 21:6

Wakabenga mwanaakwe musankwa ayi ngumulambu wakutenta. Wakalinga kusonda, kucita buloshi alimwi wakalinga kucebusha akwiipusha kubeshikwaamba abafu. Paceebo ceeco wakabisha abuumbi kuMwaami Lesa akusonkomona bukali bwakwe.

2 Baami 21:2

Wakabishisha Mwaami Lesa mukukonkela kwishibila kulensha bunya kwa baabo Mwaami Lesa mbwaakatanda mucishi cabo.

Kulumbaisha 81:12

Lyalo ndakabaleka acimpamya cabo. Ndakabaleka ayi bakonkele nshila shabo.

Mateyo 24:24

Mukwiinga abo balyaamba cakubeca ayi, ‘Ndi Usalitwe wakwe Lesa,’ nabi ayi, ‘Ndi mulaluki,’ balaakwisa. Balaakucita shitondesho sha nkusu sha kwiculu alimwi ashaankamiko kwaamba ayi bacenjeeke, na kacikonsheka, abaabo boonse mbwaakasala Lesa.

Isaya 65:3

Balatolelela kunkalasha cakutalisendaawo mukuya mukubenga milambu mumyuunda yakapekwa kubalesa babo akutenta tununkila kabotu pashipaililo sha bakunsengwe.

Isaya 50:2

“Anu ndindakesa kwakabulilanshi nabi womwi wakalingaako? Ceebonshi taaku nabi womwi wakakumbula ndindakeeta? Sa nceebo cakwaamba ayi lyaansa lyangu lyalela uko kwaamba ayi mupulushe? Sa nceebo cakwaamba ayi nshicite nkusu shakumupulusha? Amubone, nebo ndaambabo liswi, lweenge lwamana kuyuma. Ndaambabo liswi milonga ilamana kuyuma cakubabo anga nduyanga. Inswi shilamana kufwa akuboolabo nununu ceebo cakubula maanshi.

1 Samwelo 8:19

Bantu abo tabakwe kumunyumfwila Samwelo, sombi bakatolelela kwaamba ayi, “Sobwe, swebo tulisunibo mwaami,

Isaya 59:7

Myeendo yabo njuubu abuumbi kweendela kucita bubi. Balicabeene abuumbi kuya mukucaya bantu batacite milandu. Miyeeyo yabo njibiibi cilensha boowa. Kunyonyoola abucayi nkokeshibilo ka nshila shabo.

Isaya 65:7

Ndaakuboosha cishole pabubi bwabo abwakacita bamashali babo bakulukulu. Mukwiinga bakalinga kubenga milambu pamisena yakulambililaawo ya patulundu akubisha liina lyangu patulundu uto, ndaakubapa mulandu, ee, mulandu weelete pashintu shoonse nshebakacita kale kale.” Mwaami Lesa waamba.

Jelemiya 7:30

Mwaami Lesa waamba ayi, “Bene Juda bacita shintu shibiibi pameenso angu. Bakabika shibumbwabumbwa shabo shilensha bunya muŊanda yangu akwiibisha.

Jelemiya 35:17

Paceebo ceeco nebo neMwaami Lesa Shinkusu shoonse, Lesa wa bene Isilaeli ndaakuletela nobene Juda anobene Jelusalemu mapensho ayo oonse ngondakashomesha kucita. Ndaakucita boobo ceebo tamukwe kunyumfwila ndindakalinga kumwaambila alimwi tamukwe kukumbula ciindi ndindakalinga kumwiita.’ ”

Esekelo 11:8

Mwebo mulaloonda nkondo, ono nkondo yeenka iyo njeshi nkamuletele. Nebo neMwaami Lesa Shinkusu shoonse ndaamba.

Esekelo 14:4

Paceebo ceeco ubalwiite ayi nebo neMwaami Lesa Shinkusu shoonse waamba ayi, ‘Na mwine Isilaeli watalika kulambila shibumbwabumbwa nakubi kwaamba ayi ulishi ayi shilaakuba mfumpu kunembo lyakwe, ono pesule wesa mukwiipusha kumulaluki, nebo neMwaami Lesa ndimeshi nkamukumbule kweelana akulambila shibumbwabumbwa kwakwe.

Esekelo 20:25

“ ‘Kuswawaawo ndakabapa milasho ibiibi amilawo italeteli buumi.

Isaya 59:15

Ncakwiila lushinisho taaku nkolucibeteewo alimwi uyo woonse weenga wafutatila bubi, ingayi waliletelela.” Mwaami wakalangilisha panshi akubona ayi taapu koombolosha kululeme.

Isaya 65:2

Ciindi coonse ndalinga kulibambite kucafwa bantu beshicimpamya. Ee, bantu beenda munshila shibiibi. Mbantu bakonkelabo shamiyeeyo yabo.