18 Miyeeyo yabo alimwi amicito yabo ndiishi. Ono ntoosa mukubunganya bantu ba mumishobo yoonse. Lyalo baakubungana, balaakubona shikonsha kucita nkusu shangu
NoBaami baLesa, mishobo yoonse njemwakalenga ilaakwisa mukumufukamina, alimwi balaakulumbaisha bulemu bwa liina lyanu.
Kuswawaawo munjelo wasanu abobilo wakalisha lupeenga lwakwe. Lyalo kwakanyumfwika maswi akoolobeshekwa kuswa kwiculu ayi, “Nkusu shakweendelesha cishi shili mumaansa a Mwaami Lesa aUsalitwe wakwe alimwi balaakweendelesha kwamuyayaya!”
Munshiku shakumamanino, kalundu ka Ŋanda ya Mwaami Lesa kalaakupusha nsonga indilila tulundu tumwi toonse. Kalaakusumpulwa kwiinda tulundu tumwi toonse, lyalo mishobo yoonse ilaakuwuumukila nkuko.
Utokwaamba ayi, ‘Ndishi nkookala. Ulekala kumusena Satana nkwaaendelesha. Ulashomeka kuli ndime alimwi tookwe kusowa lushomo lwako muli ndime nabi paciindi Antipasi, kamboni wangu ushomeka, ndyaakacaikwa. Wakacaikwa kumusena nkomunya kwikala Satana.
Utokwaamba ayi, ‘Mapensho ako ndyeeshi alimwi ndishi kwaamba ayi uli mukandu, nakubi boobo uli mubile. Ndishi shoonse shibiibi nshebakubekesha bantu abo balibanda ayi mbaJuda kabateshi mbabo, sombi mbamulikoto lyakwe Satana.
Utokwaamba ayi, ‘Milimo yako ndiishi ambuli mboosebensa cankusu alimwi akutaboola pesule ceebo ca mapensho. Ndishi alimwi kwaamba ayi inga toolangibo bamucita shibi. Abo balibanda ayi mbatumwi, wakabeelesha akucana ayi mbabeshi.
Mukwiinga maswi akwe Lesa ali anga ncintu cuumi alimwi alicite nkusu. Alikolete kwiinda mupeeni ukolete koonse kobilo. Alatimbula pakati kushikila apali moyo amuuya alimwi apali shifuwa alimwi amoomo. Maswi akwe Lesa alayubulula sheesho bantu nshebayeeya alimwi anshebasuni.
Aamwi Malembo alaamba ayi, “Mwaami Lesa ulishi kwaamba ayi miyeeyo ya basongo taaku mboibete.”
Sombi bulya shakalemba balaluki bakulukulu shalengesha kwaamba ayi bantu beshibe lushinisho. Aboobo Lesa utafwi wakashomesha ayi mishobo yoonse ya bantu ilyeelete kwishiba lushinisho ulo ayi boonse bashome akukonkela Lesa.
“Ta, ndisuni kwaamba ayi abo mbomwakampa bakabe anebo uko nkweshi nkabe. Ndisuni kwaamba ayi bakabone bulemu bwangu ubo mbomwakampa mukwiinga mwakansuna cishi ca panshi kacitana kulengwa.
Sombi ndimwishi kwaamba ayi mwebo tamusuni Lesa.
Lyalo Jesu wakeshiba ncibakalinga kuyeeya mumyoyo yabo wakabeepusha ayi, “Ino mutooyeeyelanshi shintu sha mushobo uyu mumyoyo yanu?
Jesu wakalinga kwishi miyeeyo yabo, lyalo wakabaambila ayi, “Buleelo boonse bweenga bwabukilana akutalika kulwana, buleelo ubo bulamwaika. Na bantu ba mundabala nabi muŋanda yomwi babukilana, ndabala nabi ŋanda iyo ilawa.
Sombi Jesu wakeshiba ncebakalinga kuyeeya, lyalo wakaamba ayi, “Mutooyeeyelanshi shintu shibiibi mumyoyo yanu?
Mukwiinga nebo ndishi milandu yanu njemucite alimwi ndishi shibiibi shanu mboshibete kukomena. Mulalyatilila baluleme akutambula makulo akunyengelela bakandu nabi kabaluleme munkuta.
Ndaakubunganya mishobo yoonse akwiileta muCinyika ca Koombolosheshaamo. Lyalo nebo ndaakuboombolosha ceebo ca shintu nshebakacitila bantu bangu bene Isilaeli. Bakapalanganya bantu bangu pakati ka mishobo imwi akubaana cishi cangu coonse ca Isilaeli.
Kuswawaawo Mwaami Lesa wakaamba ayi, “Ndaakutondesha bulemu bwangu pakati ka mishobo alimwi yoonse ilaakubona mboonsebensesha nkusu shangu kupingula cakutanyengelela.
Mwaami Lesa Shinkusu shoonse waamba ayi, “Bushiku ubu ulaakuba amuyeeyo ubiibi.
“Amusangalale akukondwa pantu pomwi aJelusalemu mwebo noonse nomusuni ndabala iyi. Amusangalale cankusu mwebo nomwiilililaako mumapensho a njiyo.
“ ‘Sombi mpookala ndishiiwo, ndishi ndyooya nabi ndyoosa alimwi ambooncobola webo.
Amunyamuke nobaLesa, amoomboloshe cishi ca panshi. Mukwiinga mishobo yoonse ili mumaansaanu.
Liina lya mwaami alikakalilile, ee, likanooliikobo bweenka mbuli lisuba. Mishobo imwi yoonse aikalilile kupekwa shoolwe kuswa kuli Lesa, mbweeke mbwaakapa mwaami uyo.
Bamaami boonse balaakufukama kunembo lyakwe. Ncakwiila mishobo yoonse ilaakumusebensela!
kwaamba ayi bamucishi ca panshi coonse beshibe kuyanda kwanu, ee, kwaamba ayi mishobo yoonse ishibe lupulusho lwanu.
“NoBaami baLesa, ndishi kwaamba ayi mwebo mulicite nkusu shoonse alimwi ayi taakuuwo muyeeyo wanu weenga wabula kuswitilila.
Mapensho aanji aakubapolela, lwiimbo ulu lulaakunokwiimbwa akuba bukamboni bwakubashinina, mukwiinga bamulunyungu lwabo teshi bakaluluube. Nebo ndishi shoonse nsheshi bakacite, nacibi kwaamba ayi nshina kubashisha mucishi ico ncendakashomesha cakulumbila kubapa.”
Liculu lyomwi alyomwi lilaambilisha bululami bwakwe. Mishobo yoonse ilabona bulemu bwakwe.
Mulanshiba ndyeenkala nabi ndyeembuka, muleshiba miyeeyo yangu kamuli kooko kulaale.
Ncakwiila paSiyoni kalundu kasalalite ka Mwaami Lesa, teshi pakabeewo cintu cikali alimwi teshi pakabeewo bubi. Mucishi ca panshi coonse bantu balaakunooswitebo lushibo lwa Mwaami Lesa, bweenka lweenge mboluswite maanshi.
“Anu noonse amusandukile kuli ndime, mupulushikwe, ee, noonse kuswa kweela cishi ca panshi ankoceela. Ndimebo neenka neLesa, ndushinisho taaku aumwi.
Mwaami Lesa ulaakusebensesha nkusu shakwe shisalalite pakupulusha bantu bakwe. Bantu boonse pacishi ca panshi balaakushibona.
Mwaami Lesa waamba ayi, “Miyeeyo yangu teebete mbuli yaanu. Ashalo nshila shangu shilipusene ashaanu.
Mwaami Lesa Shinkusu shoonse ee, uyo wakayobolola bene Isilaeli bakalinga mubusha waamba ayi, “Ndaakuyobolola abamwi peculu lya baabo bakesa kale.”
Mwebo mulayeeya ayi ncemutoocita cililuleme, sombi micito yanu ndaakwiiyubulula alimwi shibumbwabumbwa teshi shikamucafweewo.
Myeendo yabo njuubu abuumbi kweendela kucita bubi. Balicabeene abuumbi kuya mukucaya bantu batacite milandu. Miyeeyo yabo njibiibi cilensha boowa. Kunyonyoola abucayi nkokeshibilo ka nshila shabo.
Ciindi coonse ndalinga kulibambite kucafwa bantu beshicimpamya. Ee, bantu beenda munshila shibiibi. Mbantu bakonkelabo shamiyeeyo yabo.
Ciindi ico balaakunookwiita ndabala ya Jelusalemu ayi, ‘Cuuna ca bwaami ca Mwaami Lesa.’ Uko mishobo yoonse nkweshi ikabungane kulemeka liina lya Mwaami Lesa. Lyalo teshi bakakonkele tubili bwaashu bwa myoyo yabo ya bushicimpamya.
Lyalo boonse beshi bakacaaleewo pamishobo iyo yeshi ikalwane Jelusalemu balaakunooya kooko mwaaka amwaaka mukulambila Mwaami, Mwaami Lesa Shinkusu shoonse. Balaakunooya mukucanika kuKusekelela kwa Shimpaka.
Sombi liina lyangu lilaakulemekwa pakati ka mishobo yoonse ya mu cishi ca panshi, kuswa kweela akweela. Kuli koonse balaakunoobenga tununkila kabotu alimwi amilambu yeelete kuli ndime. Nkokwaamba ayi boonse balaakunoondemeka!
Mwaami Lesa ulishi miyeeyo ya bantu, ulishi kwaamba ayi miyeeyo yabo taaku mboibete.
Lyalo bulemu bwa Mwaami Lesa bulaakuyubululwa. Mpeeke mishobo yoonse ilaakububona. Ee, ceebo Mwaami Lesa mwiine mbwaamba ubo.”
Nshila shabo shoonse ndishibwene. Shilibo patuba kuli ndime alimwi taaku shibiibi shabo shiyubite pameenso angu.
