Isaya 65:9 - Baibo Busansulushi Bwa Libuku Ili

⁹ Ndaakuleta bamulunyungu lwakwe Jakobo, ndaakuleta bamumukowa wakwe Juda abo beshi bakese mukwikala mutulundu twangu. Tulundu twangu uto tulaakuba twa bantu bangu bakasalwa. Ncakwiila basebenshi bangu nkweshi bakekaale uko.

Isaya 65:9 교차 참조

Isaya 27:6

Muciindi citoosa bamulunyungu lwakwe Jakobo balaakushimpa anga ncisamu catola miyanda panshi. Ee, bene Isilaeli balaakushalana anga ncisamu casapuka maluba akucata shisepo. Aboobo balaakwisusha cishi coonse ca panshi ashisepo shabo.

Bene Loma 11:28

Ono mukwiinga baJuda balakaka Makani Abotu, mbalwani bakwe Lesa. Ici calengesha kwaamba ayi mwebo nobaswamashi bakunsengwe mupulushikwe. Ceebo Lesa wakabasala, balisunikwi kuli nguwe, mukwiinga wakapangana abamashali babo bakulukulu.

Mateyo 24:22

Nshiku isho sha mapensho neshitakwe kufwimpishikwa, naakwiinga taaku muntu nabi womwi wakacaala kaali muumi. Sombi ceebo ca baabo basalitwe, inshiku isho shilaakufwimpishikwa.

Sefaniya 3:20

Paciindi ico ndaakubunjika bantu bako akuboosha bantu bako bakapalanganishikwa kucishi cine mishaabo. Ndaakulengesha bantu ba mucishi ca panshi coonse kukulemeka akukulumbaisha. Ndaakukulengesha kuswitilila alimwi. Nebo neMwaami Lesa ndaamba.”

Esekelo 36:24

“ ‘Ndaakumukusha mushishi sha mishobo imwi akumuboosha mucishi cine mishaanu.

Isaya 65:22

Cilaakumana cakwaamba ayi bayaka ŋanda, sombi besa mukwikalaamo mbambi, nabi cakwaamba ayi balo bashanga, sombi besa mukulya mbambi. Bantu bangu balaakunookala buumi bulaamfu anga ncisamu. Ncakwiila bantu mbondakasala balaakunoolya nkasaalo yabo cakwiishishaawo.

Isaya 65:15

Bantu bangu mbondakasala balaakunosebensesha liina lyanu pakushingana. Nebo neMwaami Lesa Shinkusu shoonse ndaakubanyonyoola. Sombi basebenshi bangu balo ndaakubapa liina limwi.

Isaya 45:19

Ndakaambilabo limwi cakutashisa. Nshikwe kwaambila mucishi cicitebo munshinshe. Nshikwe kwaambila bamulunyungu lwakwe Jakobo ayi banoonangoola cakubula kumucana. Nebo neMwaami Lesa ndaamba lushinisho alimwi ndaamba shintu shiluleme.”

Isaya 32:18

Lyalo bantu bangu balaakwikala mumaanda a luumuno, mutaamu cakulisukama alimwi mutaamu cibapilinganya.

Isaya 30:19

Mwebo nobantu ba muSiyoni, ee, mwebo nomwikala muJelusalemu, teshi mukalilewo tubili sobwe. Mwaami Lesa ulaakumunyumfwila luse bushiku mbweshi mukamulilile ayi amucaafwe. Ncakwiila aakunyumfwabo kusenga kwanu, ulaakumukumbula.

Isaya 45:25

Balo bamulunyungu lwakwe Jakobo, nebo neMwaami Lesa ndaakubalulamika alimwi balaakunoonumbaisha.

Isaya 49:8

Mwaami Lesa utokwaambila bantu bakwe ayi, “Ciindi caakushikila cakumupulusha, ndaakumunyumfwila nkumbu akukumbula kusenga lucafwo kwanu. Ndaakumulama akumutabilila alimwi kwiinda muli ndimwe ndaakupanga cipangano abantu boonse. Ndaakumusuminisha kwikala alimwi mushipansha shanu sha cishi ico bulya cili mumatongo.

Isaya 57:13

Ee, atukabone na shibumbwabumbwa shanu shilaakumucafwa mwaakushililila lucafwo! Ncakwiila muuwo ulaakushitola shoonse, ee, shilaakuululukabo kukuyoya kwa linkanda lyomwi. Sombi muntu uyo woonse uyubila muli ndime ulaakupekwa cishi ici pantu pomwi akalundu kangu kasalalite.”

Isaya 60:21

Lyalo bantu bako boonse balaakutalika kucita shiluleme. Acalo cishi cilaakuba cabo kwalyoonse alyoonse. Bantu bako nshishango shangu. Ncakwiila nebo nemwiine ndime ndakabalenga kwaamba ayi batondeshe bulemu bwangu.