Isaya 65:10 - Baibo Busansulushi Bwa Libuku Ili

¹⁰ Cinyika ca Shaloni cilaakuba mafulo a mbelele, acalo cinyika ca Akoli cilaakuba mulela wa ŋombe, ee, kuba misena ya shifubwa sha bantu bangu abo banambila.

Isaya 65:10 교차 참조

Isaya 35:2

Luyanga lulaakwiimba cakusangalala. Lulaakubotabo anga ntulundu twa Lebanoni akuba amboleshi anga njimyuunda ya kuKamelo nabi kuShaloni. Bantu boonse balaakubona bulemu bwa Mwaami Lesa, ee, balaakwishiba nkusu abulemu nshaacite.

Isaya 33:9

Myuunda ya cishi yacaala ilishiitebo alimwi mumatongo. Misaansa ya Lebanoni yamana kuyuma Cinyika ca mboleshi ca Shalino cababo anga nduyanga. MuBashani apaKalundu ka Kamelo matewu atoolukumukaako kushisamu.

Osiya 2:15

Lyalo uko ndaakubabooshesha myuunda yabo ya minyansa alimwi ndaakulengesha Cinyika ca Ako kuba mulyango wakulangila. Muluyanga umo balaakutalika kunkonkela bweenka mbobakalinga kucita kale kale, ee, ndibakaswabo mucishi ca Ijipiti.

Isaya 51:1

Mwaami Lesa waamba ayi, “Amukutike nsheshi ŋambe mwebo nomusuni kupulushikwa, ee, mwebo nomwisa kuli ndime ayi mucaafwe. Amuyeeye mwaandami ulya ngomwakaswaako, muyeeye cikaanda ca mabwe akuyakisha nkondakamukaba.

Milimo ya Batumwi 9:35

Mpeeke bantu boonse bakalinga kwikala muLida amuShaloni ndibakabona Enisi, abalo bakasanduka akushoma muMwaami Jesu.

1 Makani 5:16

Bene Gadi bakalinga kwikala mucishi ca Bashani alimwi aca Gilyadi, mumandabala a kooko amumafulo oonse a muShaloni.

Isaya 55:6

Amulangoole Mwaami Lesa kaacicanika. Amupaile kuli nguwe cino ciindi kaacili pafwaafwi.

Jelemiya 33:12

Mwaami Lesa Shinkusu shoonse waamba ayi, “Mucishi cino ico cili anga nduyanga umo mutekaali bantu nabi banyama, cilaakuba amafulo abotu umo beembeshi mweshi bakanokweembelela alimwi.

Jelemiya 50:19

Sombi ndaakuboosha bene Isilaeli kucishi cabo. Lyalo balaakunoolya sha paKalundu ka Kamelo asha mucishi ca Bashani. Balaakunoolya kweelana ambobasuni shakulya isho sheshi shikanooswa patulundu twa Efuleemu alimwi aGilyadi.

1 Makani 27:29

Shitilayi wa kuShaloni wakalinga kweendelesha ŋombe shakalinga kulita kuShaloni. Shafati mwanaakwe Adilayi wakalinga kweendelesha ŋombe shakalinga kulita kushinyika.

Jelemiya 29:13

Mulaakunyandoola akuncana ceebo mulaakunyandoola camoyo woonse.