6 Mulaakunokwiitwa ayi bapailishi ba Mwaami Lesa, ncakwiila basebenshi bakwe Lesa wesu. Buboni bwa mishobo imwi ndimwe mweshi mukanoobulya alimwi mulaakunoosangalala kwaamba ayi buboni ubo mbwanu.
Mulaakuba bantu balibengetebo muli ndime neenka, alimwi mulaakusebenselabo ndime milimo ya bupailishi.”
Amwebo mube anga ngamabwe oomi ayo Lesa ngweshi ayakishe ŋanda yakwe ya mushimu. Muŋanda iyo mweshi mukasebensele mbuli bapailishi basalalite mukubenga milambu ya mushimu itambulwa kuli Lesa kwiinda muli Jesu Klistu.
Sombi mwebo muli bantu basalitwe, bapailishi ba bwaami, mushobo usalalite alimwi bantu bakwe Lesa. Wakamusala kwaamba ayi mukashimikile shamicito yankusu ya wooyo wakamwiita kuswa kumunshinshe akumwinjisha mumumuni wakwe ukankamika.
Ndaakusaloolaamo bamwi kuba bapailishi abamwi kucita mulimo wa bene Lefi.” Mwaami Lesa waamba.
Balicite coolwe alimwi balisalalite abo beshi bakataangune kubushikwa kuswa kubafu. Kuli mbabo, lufu lwabili talucite nkusu, sombi balaakuba bapailishi bakwe Lesa alimwi aKlistu. Lyalo balaakweendelesha pantu pomwi anguwe kwamyaaka ili cuulu.
Wakalengesha kwaamba ayi babe bamaami, kwaamba ayi basebensele Lesa wesu anga mbapailishi, aboobo balaakweendelesha mucishi ca panshi.”
Sa mbasebenshi bakwe Klistu? Nebo ndeendaawo. Ndaamba anga ngumuntu ucinkukite. Nebo ndeendaawo kusebensa ankusu, mankanda akwaangwa, mankanda akukwipwa cakutasekana, amankanda akuboolela pakalindi.
Mwebo mulyeelete kutubona ayi tuli basebenshi bakwe Klistu abo bakapekwa kweendelesha mumakani abushishi akwe Lesa.
Sombi mushintu shoonse tulalitondesha ayi tuli basebenshi bakwe Lesa, kwiinda mukutolelela kushoma mushiindi sha mapensho apusenepusene.
Anu Apolosi ngani? Alakwe Paulo ngani? Swebo tulibo basebenshi bakwe Lesa abo bakamulengesha ayi mushome. Womwi awomwi pakati kesu ulasebensa ncito iyo yakamupa Mwaami Lesa.
Ono nobamakwesu ceebo Lesa wakatunyumfwila nkumbu abuumbi, ndamusenga kwaamba ayi mulibeenge amyoyo yanu yoonse ayi mube mulambu uumi kuli Lesa, usalalite alimwi umusangalasha. Iyi njenshila yancinencine yakulambililaamo Lesa.
Ndaakucita boobo kwaamba ayi bene Isilaeli bakabule kunshiya akulibisha tubili ceebo ca shibiibi shabo. Balaakuba bantu bangu anebo ndaakuba Lesa wabo. Nebo neMwaami Lesa Shinkusu shoonse ndaamba.’ ”
Mwaami Lesa wakaamba ayi, “Ndaakumulengesha kuba ashintu shiinji anga ngumulonga wa maanshi uteeli. Buboni bwa mishobo imwi bulaakunoomushikila anga ngamaanshi a mumulonga wasefuka. Mulaakuba anga ngukateta uyamwa uyo ufukatwa abanyina alimwi utondeshekwa lusuno.
Maali ngweshi bakanoocana balaakwaabika mumaansa a Mwaami Lesa. Ncakwiila teshi bakanoosunga beene, sombi abo beshi bakanoosebensela Mwaami Lesa mbweshi bakanokwaasebensesha kukuula shakulya ashakufwala shabo.
Lakwe wakatulengesha kuba bamaami ayi tusebensele Lesa Ishi anga mbapailishi. Jesu Klistu apekwe bulemu alimwi ankusu lyoonse alyoonse. Ameni.
Kubaswamashi abo bakenjila mulikoto lya bantu, abo basuni Mwaami Lesa alimwi basuni akumusebensela, balama bushiku bwakookesha bwa Cibelu alimwi balama cipangano cakwe cakushomeka.
Teshi bakapekweewo cipansha ca cishi mbuli mikowa imwi yoonse. Balo ncebakapekwa ncoolwe cakuba bapailishi ba Mwaami Lesa, Lesa wanu kweelana ambwaakashomesha.
Nyinsa kumbasu shoonse ncakwiila ulaakushisenya. Bantu bako balaakubwesa cishi ico cili mumaansa a mishobo imwi bulya. Ee, mandabala anene ayo alinga mumatongo alaakusula bantu alimwi.
Kulaakunooba abapailishi bene Lefi beshi banoonsebensela lyoonsebo mukunoobenga milambu yakutenta, shipo sha fulaulo amilambu imwi.”
