4 Balaakuyakulula shakanyonyoolwabo kale kale, ee, kuyakulula misena iyo yalinga mumatongo kwaciindi cilaamfu. Balaakuyakulula mandabala ayo akalinga kupwayookite alimwi alinga kucaalite cisuukila kwamashalane maanji.
Bantu banu balaakuyakulula shoonse shikulukulu shakalinga kupwayookite. Ncakwiila kuyakulula matongo palwiimbi lweenka lukulukulu. Mulaakunokwiitwa ayi beshikuyakulula mumbu shakakulooka, mikwakwa alimwi amaanda shakanyonyoolwa.”
Kamwisa mubone Mwaami Lesa nshaakacita, ee, mubone shintu shikankamika nshaakacita pacishi ca panshi.
Amwise mubone matongo aya. Balwani besu banyonyoola Ŋanda yanu. Ncakwiila shoonsebo muŊanda yanu.
Amusangalale akwiimba nyimbo noonse pantu pomwi nomatongo a ndabala ya Jelusalemu. Mwaami Lesa woombulusha bantu bakwe kwiinda mukufuna ndabala ya Jelusalemu.
Lyalo munjelo wakandwiita ayi, “Ambilisha kubantu ayi, ‘Mwaami Lesa waamba ayi mandabala anene akwe alaakuswitilila alimwi. Ulaakucafwa Jelusalemu akwiisaala ayi ibe ndabala yakwe mwiine.’ ”
Twakalinga basha sombi tamukwe kutulekelaamo. Mwakalengesha bamaami bene Pesha kutusuna, kutusuminisha kwikala akuyaka alimwi Ŋanda yanu nobaLesa iyo yakalinga yaba matongo. Mwakasuminisha ayi tuboole akwikala muluumuno muJuda alimwi aJelusalemu.
Nobene Jelusalemu, bushiku bwakuyakulula lubumbu lwa ndabala yanu inene bulaakwisa. Ncakwiila bushiku bwakukomenesha manyinsa a cishi canu bulaakwisa.
