Isaya 57:4 - Baibo Busansulushi Bwa Libuku Ili

⁴ Anu mutooyeeya ayi ngani ngomutoosekanya? Anu mutooyeeya ayi ngani ngomutoowela? Sa te mwebo noonse tamubete bamulunyungu lwa baashu ee, baana ba babalya babeshi?

Isaya 57:4 교차 참조

2 Pita 2:13

Balaakupenshekwa ceebo bakalengesha bamwi kupenshekwa. Cibabotela balo nkucita shintu shisangalasha mibili yabo lumwi lubala. Bali anga ngamatombe mukwiinga ndibalya amwebo, balasangalala mububeshi bwabo.

Isaya 1:4

Ono mapensho kuli ndiwe omushobo ushipite, ee, kuli ndiwe omushobo olemenetwe milandu, webo omushobo wa bamucita shibi. Wakakaka Mwaami Lesa, ncakwiila wakafutatila Usalalite wa bene Isilaeli.

Kulumbaisha 35:21

Balambekesha cakoolobesha ayi, “Ee, ncaakacita twakacibona ameenso esu!”

Kulonga 9:17

Nacibi boobo webo ucicitebo cimpamya alimwi ucikaka kuleka bantu bangu ayi baye.

Bene Kolose 3:6

Ceebo ca shintu sha mushobo wooyu, bukali bwakwe Lesa bulaakuba pabantu abo batamunyumfwili.

Bene Efeso 5:6

Mutaleeki muntu nabi womwi ayi amucenjeeke kwiinda mumaswi atacite ncito mukwiinga sheenka shintu ishi nsheshilengesha Lesa kuba abukali pabantu abo batamunyumfwili.

Milimo ya Batumwi 9:4

Mpeeke wakawita panshi akunyumfwa liswi lyakwaamba ayi, “Saulo, Saulo! Ino utoompensheshanshi?”

Luka 10:16

Jesu wakaambila bashikwiiya bakwe ayi, “Uyo woonse unyumfwila ndimwe ulanyumfwila ndime, uyo ukaka ndimwe ulakaka ndime, alakwe uyo woonse ukaka ndime wakaka awooyo wakantuma.”

Mateyo 27:29

Bakapanga mushini wa myuumfwa babika pamutwi wakwe akumufumbatisha litete mulyaansa lyalulyo. Lyalo bakafukama kunembo lyakwe akumwaansha anga nkumulemeka ayi, “Waboneka omwaami wa baJuda!”

Mateyo 13:38

Muunda uyo ncishi ca panshi. Maila mbantu ba muBweene bwa kwiculu, ayalo misonde mbantu ba Mubiibi.

Osiya 10:9

Mwaami Lesa waamba ayi, “Bene Isilaeli tabakwe kucilekaawo kubisha kuswa kuciindi ca Gibiya. Aboobo nkondo ilaakubapolela alimwi balaakukomwa kuGibiya kweenka uko.

Esekelo 2:4

Bantu abo tabanyumfwi alimwi mbeshicimpamya. Ono uye ubalwiitebo nebo neMwaami Lesa Shinkusu shoonse nsheshi nkaambe.

Isaya 37:29

Ono ceebo cakwaamba ayi wancobola alimwi ndanyuumfwa shakubula bulemu kwako, ntoobika ndobo munshono yako alimwi anshimbi yangu mukanwa mwako. Lyalo ndaakukulengesha kuboola kumishaanu anshila yeenka njewakesitaamo.’ ”

Isaya 37:23

Ngani ngowalinga kutukana akucobola? Ngani ngootookalookila akusaamuna meenso cakulisumpula? Sa te ngooyo Usalalite wa bene Isilaeli?

Isaya 30:9

Bantu aba mbaashu, mbabeshi mbaana batalibambite kunyumfwila milasho ya Mwaami Lesa.

Isaya 30:1

Mwaami Lesa waamba ayi, “Mapensho kubaabo beshicimpamya, ee, kubaabo bacita shamumiyeeyo yabo beene kuleka yaangu. Balapanga shipangano, sombi cakutatanjililwa aMushimu wangu. Mukucita boobo balalundika shibiibi peculu lya shibiibi.

Isaya 10:15

Sombi Mwaami Lesa waamba ayi, “Ono sa keembe inga keenda wooyo ukasebensesha? Sa cakutimbusha mapulanga inga calisumpula kuwooyo ucisebensesha? Sa mpimfwa njeenyamuna muntu na ngumuntu unyamuna mpimfwa?”

Kulumbaisha 69:12

Ndime ndaba mubandi wa batooya ceenda mumikwakwa, abalo bacakolwa ndime batoobika munyimbo nshebatoopanga.

Kulumbaisha 22:17

Ndakonsha kubelenga mafuwa angu oonse. Balwani bangu ndibambona balanjebela akunseka.

Kulumbaisha 22:13

Bandakamina anga ninkalamu itoobulumina munyama ayi imulume.

Kulumbaisha 22:7

Boonse bambona balancelebula, balancobola akunoopukumunabo mitwi yabo.

Joshuwa 10:21

Lyalo bashilumamba boonse bakaboolabo kabotu kuli Joshuwa uyo wakalinga kumisumba ya kuMakeda. Kuswawaawo taaku nabi womwi wakalinga kutongookela bene Isilaeli.

Shakubelenga 16:11

Na mutootongooka pali Aloni, nkokwaamba ayi nguMwaami Lesa uyo webo alimwi abaabo batookukonkela ngomutoobukila.”

Isaya 48:8

Tamuna kushinyumfwaawo nabi kushishibisha kuswabo lili alili. Ncakwiila kuswabo kale kale matwi akalinga kushinkite. Kutashomeka kwanu nebo ndikwishi, kuswabo ndimwakashalwa balamwaamba bwaashu.

Isaya 57:5

Mwebo mulasanina meenshanyama anu munshaashisamu sha mibanga, ee, kulila munshaacisamu cicite cimfule cibotu cifungulukite. Mulabenga abana banu muya tulonga kushibumbwabumbwa amunshaamabwe acengeme cakupanga cimfule cibotu.

2 Makani 36:16

Sombi balo bakalinga kuseka beshinkombe bakwe, kusebaanya maswi akwe akucobola balaluki bakwe kushikila basonkomona bukali bwakwe cakwaamba ayi kwakabula apakucicila.

Jelemiya 20:8

Ciindi coonse na ndaamba, ndoolobesha kwaambilisha makani a kupenshekwa alimwi akunyonyoolwa. Aboobo maswi a Mwaami Lesa anengesha kucobolwa akusekwa lilaya mukwipila.