Isaya 57:13 - Baibo Busansulushi Bwa Libuku Ili

¹³ Ee, atukabone na shibumbwabumbwa shanu shilaakumucafwa mwaakushililila lucafwo! Ncakwiila muuwo ulaakushitola shoonse, ee, shilaakuululukabo kukuyoya kwa linkanda lyomwi. Sombi muntu uyo woonse uyubila muli ndime ulaakupekwa cishi ici pantu pomwi akalundu kangu kasalalite.”

Isaya 57:13 교차 참조

Kulumbaisha 37:9

Ceebo bamucita shibi balaakunyonyoolwa. Sombi abo balangila lucafwo kuswa kuMwaami Lesa balaakubwesa cishi.

Kulumbaisha 37:3

Cinka manungo muMwaami Lesa akucita shibotu. Lyalo ulaakukonsha kwikala mucishi ici kakutaaku cakulisukama.

Isaya 65:25

Muciindi ico baumpe balaakunoolyabo pantu pomwi ambelele. Inkalamu shilaakunoolya bwiisu anga niŋombe sombi yalo nsoka ilaakunoolya bulongo ono teshi shikanoolumaawo. Ncakwiila pakalundu kangu kasalalite teshi pakabewo ciluma nabi cinyonyoola.” Mwaami Lesa waamba.

Isaya 56:7

Mwaami Lesa waamba ayi, “Ndaakumuleta kuSiyoni, pakalundu kangu kasalalite. Lyalo ndaakumulengesha kusangalala muŊanda yangu ya mipailo akutambula milambu yanu njeshi mukanoobenga pacipaililo cangu. Ceebo Ŋanda yangu ilaakunookwiitwa ayi ŋanda ya kupaililaamo ya mishobo yoonse.”

Sekaliya 7:13

Tabakwe kunyumfwa ndindakalinga kubaambila. Aboobo anebo nshikwe kubakumbulaawo ndibakalinga kupaila kuli ndime.

Jowelo 3:17

Mwaami Lesa waamba ayi, “Ono nobene Isilaeli mulaakwishiba ayi ndimebo Mwaami Lesa, Lesa wanu. Ndekala paKalundu kasalalite ka Siyoni. Ndabala ya Jelusalemu ilaakuba ndabala isalalite. Baswamashi teshi bakeekomeewo, sobwe.

Esekelo 20:40

Mucishi ico, pakalundu kangu kasalalite, ee, kalundu kalaamfu ka Isilaeli, mwebo nobene Isilaeli noonse mulaakunambila. Uko ndaakusangalala pali ndimwe alimwi uko mulaakunooyandika kuleta shipo shimwi, shipo shanu shipuseneeko alimwi amilambu yanu isalalite.

Isaya 66:20

“Balaakuleta bene mishaanu boonse bali mushishi shoonse kukalundu kangu kasalalite muJelusalemu ayi ncipo kuli ndime neMwaami Lesa. Balaakwisa kabatantite pamaaki, shifubwa shili anga nimbongolo, ngamela, mushikoci alimwi amumaŋoola. Bweenka bene Isilaeli mbobaleta shipo sha shili anga ngamaila kuŊanda yangu mushakunyamwitaamo shisalalite kweelana aMilawo, mbweeke ubo abalo mbweshi bakaletwe.

Isaya 65:9

Ndaakuleta bamulunyungu lwakwe Jakobo, ndaakuleta bamumukowa wakwe Juda abo beshi bakese mukwikala mutulundu twangu. Tulundu twangu uto tulaakuba twa bantu bangu bakasalwa. Ncakwiila basebenshi bangu nkweshi bakekaale uko.

Isaya 11:9

Ncakwiila paSiyoni kalundu kasalalite ka Mwaami Lesa, teshi pakabeewo cintu cikali alimwi teshi pakabeewo bubi. Mucishi ca panshi coonse bantu balaakunooswitebo lushibo lwa Mwaami Lesa, bweenka lweenge mboluswite maanshi.

Kulumbaisha 125:1

Abo bacinkite manungo muMwaami Lesa, bali anga nKalundu ka Siyoni, kalundu ako katakoonshi kutenkaana, sombi kananooliko kwalyoonse alyoonse.

Boomboloshi 10:14

Kamuya mulilile balesa mbomwakalisalila. Balesa abo mbobeelete kumucafwa muciindi ca mapensho.”

Osiya 13:3

Paceebo ceeco balaakuba anga ngushikunku wa macuunsa, ee, anga ngumume uyo upalangana na lwabala. Ncakwiila balaakuba anga mbuungu butolwa amuuwo kulubansa lwakulupwitaawo nabi anga mbwiishi butooswita pambwelyo.

Jelemiya 22:22

Bamatanjilili banu boonse balaakuululushikwa amuuwo. Abo mbomucafwanaabo munkondo balaakutolwa busha. Lyalo mulaakusebaana akulenshekwa nsoni ceebo ca bubi bwanu boonse mbomwakacita.

Jelemiya 22:20

Ono nobene Jelusalemu kamuya kuLebanoni mukaliile. Ee, maswi anu aye anyumfwike kuBashani, mulilile kuAbalimu ceebo mbomwalinga kucafwanaabo bakomwa cakumaninina.

Isaya 65:11

“Sombi mwebo nomufutatila ndime neMwaami Lesa akusuula kalundu kangu kasalalite, ee, mwebo nomulambila Gadi aMeni balesa baleta coolwe amalwesa,

Isaya 41:16

Lusuko ulo mulaakulutukwita mwiculu mumuuwo awalo muuwo ulaakulutola. Ncakwiila cipuupu cinene cilaakulupalanganya. Aboobo mwebo mulaakusangalala muli ndime neMwaami Lesa ee, mulaakunumbaisha nebo neUsalalite wa bene Isilaeli.

Isaya 40:24

Ndibabikwabikwabo pabwaami, ee, ciindi ndibasalwasalwabo, bwaami bwabo kabutana kushimpa bunene, ulabafulita muuya wakwe, lyalo balamana nkusu anga mbwiisu. Ncakwiila kapupuulwa kalaboolulusha anga mbuungu.

Tushimpi 28:25

Muntu mulyabi ngushikubalamuna nkondo, sombi uyo ucinkite manungo muMwaami Lesa ulaakuba acoolwe.

Kulumbaisha 84:12

NoBaami baLesa Beshinkusu shoonse, balicite coolwe abo bacinkite manungo muli ndimwe.

Kulumbaisha 58:9

Lesa aabalobye cakufwambaana bweenka bushimika mulilo wa mabuba, Walo ulashimikabo nabi shiliiwo tashina kubila.

Kulumbaisha 1:4

Sombi kubeshikubisha tabwishi mbocibete ubo! Mukwiinga balo bali anga mbuungu ubo buyabo amuuwo.

Jobo 21:18

Ngamankanda ongaye ndibapepelushikwa kumuuwo anga mbwiisu? Ee, ngamankanda ongaye ndibaba anga mbuungu buya acipuupu cinene?

2 Baami 3:13

Mpeeke Elisha wakaambila mwaami wa bene Isilaeli ayi, “Ceebonshi mwesa kuli ndime? Tamukwe kuyitanshi kubalaluki ba baishiwanu abanyinawanu?” Jolamu wakakumbula ayi, “Sobwe, Mwaami Lesa ngoweeta swebo sobamaami sotatwe ayi atwaabe mumaansa a bene Moabu.”

Kulumbaisha 118:8

Ncibotu kuyuba muMwaami Lesa, kwiinda kucinka manungo mumuntu.

Isaya 14:32

Anu tutoobakumbula ayinshi beshinkombe bene Filisiti? Tutoobaambila ayi, “Mwaami Lesa weemika ndabala ya Siyoni kwaamba bantu bakwe batoopenga bakapulukile nkuko.”

Isaya 25:4

Bakandu kuli ndimwe nkobacicila, ndimwe mubafuna mumapensho abo. Ndimwe ciyubilo cabo kucipuupu, Ndimwe cimfule cabo kulumwi lukali. Ncakwiila bantu batacite nkumbu bali anga ncipuupu citokuuma kulubumbu,

Isaya 49:8

Mwaami Lesa utokwaambila bantu bakwe ayi, “Ciindi caakushikila cakumupulusha, ndaakumunyumfwila nkumbu akukumbula kusenga lucafwo kwanu. Ndaakumulama akumutabilila alimwi kwiinda muli ndimwe ndaakupanga cipangano abantu boonse. Ndaakumusuminisha kwikala alimwi mushipansha shanu sha cishi ico bulya cili mumatongo.

Isaya 60:21

Lyalo bantu bako boonse balaakutalika kucita shiluleme. Acalo cishi cilaakuba cabo kwalyoonse alyoonse. Bantu bako nshishango shangu. Ncakwiila nebo nemwiine ndime ndakabalenga kwaamba ayi batondeshe bulemu bwangu.

Jelemiya 30:14

Boonse abo bakalinga kumusuni, bakamulubako. Ncakwiila bulya tabamubikiiko maano napaceyi. Ndakamuuma anga ngumulwani wanu akumupa mulandu anga ngumuntu shilunkutwe ceebo mulandu wanu ngunene abuumbi alimwi shibiibi shanu nshiinji.

Kulumbaisha 37:11

Sombi balibombya balaakwikala mucishi cakashomeshekwa, kwikala cakusangalala muluumuno akuswitilila.

Kulumbaisha 37:22

Ceebo abo bapetwe coolwe kuMwaami Lesa balaakupekwa cishi. Sombi abo Mwaami Lesa mbwaakashingana balaakutandwaamo.

Kulumbaisha 37:29

Baluleme balaakubwesa cishi ayi ncabo. Balaakunookalaamo kwamuyayaya.

Kulumbaisha 37:34

Amube alulangilo muMwaami Lesa akukonkela milawo yakwe. Ulaakumusumpula kwiinda mukumupa cishi. Balo bamucita shibi mulaakubabona kabatandwaamo.

Isaya 45:20

Mwaami Lesa waamba ayi, “Amuyoboloke akwisa. Ee, amuyoboloke mwebo nomwakalobokela pakati ka mishobo imwi. Batacite lushibo mbaabo banyamuna balesa ba shisamu, ee, abo bapaila kubalesa batakoonshi kubapulusha.

Jelemiya 2:28

Ino ono balesa banu mbomwakalipangila bali kuli? Kabesa bamufuune na inga bacikonsha kumufuna ndyemuba amapensho. Sa te mwebo nobene Juda mulicitebo balesa baanji anga ngamandabala anu?”