Isaya 56:3 - Baibo Busansulushi Bwa Libuku Ili

³ Kutabi muswamashi uyo wakenjila mulikoto lya bantu bakwe waamba ayi, “Ncakwiila Mwaami Lesa ulaakumpatulaawo pabantu bakwe.” Alakwe musankwa wakacaikwa lushalo atatongooki ayi, “Nebo bulya mboontashali nshikoonshi kuba mulikoto lyakwe Lesa.”

Isaya 56:3 교차 참조

1 Bene Kolinto 6:17

Sombi uyo ulyaaba kuMwaami Jesu, ulaba mubili womwi aJesu mumushimu.

Bene Efeso 2:22

Muli nguwe amwebo mutooyakilwa pantu pomwi abashomi bamwi boonse ayi mube mwakwikala Lesa kwiinda muMushimu.

Bene Loma 15:16

Ndintooshimikila Makani Abotu, ntoosebensa anga ngumupailishi kwaamba ayi baswamashi bakunsengwe inga baba anga ncipo citambulwa kuli Lesa, ico Mushimu Usalashi nciwakabenga kuli Lesa.

Milimo ya Batumwi 17:4

Mpeeke bamwi bakashoma akukonkela maswi akaamba Paulo aSailasi pantu pomwi abaGiliki baanji abo bakalinga kulambila Lesa, kubikaawo abanakashi baanji abo bakalinga kushibikitwe.

Milimo ya Batumwi 10:34

Mpomunyaawo Pita wakatalika kubaambila ayi, “Ono ndeshiiba calushinisho ayi Lesa taasalululi,

Sefaniya 2:11

Mwaami Lesa ulaakubaloondesha ndyeshi akanyonyoole balesa boonse ba mucishi ca panshi. Bantu bamumishobo yoonse balaakumulambila, mushobo womwi awomwi mucishi ca nguwo.

Jelemiya 50:5

Balaakwiipusha nshila iya kuSiyoni akululama nkuko. Lyalo balaakupanga cipangano anebo neMwaami Lesa camuyayaya ico ceshi cikabule kulubwaawo.

Isaya 56:5

balaakunookwiibalukwa kwaciindi cilaamfu muŊanda yangu apakati ka bantu bangu kwiinda mbobalinga kweelete kwiibalukwa na kabacite baana. Ndaakubapa liina litakoonshi kulobeshekwa.”

Isaya 39:7

Bamulunyungu lwako bamwi, bulowa bwako omwiine, balaakubatola kuya mukuba basebenshi bakacaikwa lushalo muŋanda ya mwaami wa bene Babiloni.’ ”

Isaya 14:1

Mwaami Lesa ulaakunyumfwila nkumbu bamulunyungu lwakwe Jakobo. Ulaakusala bene Isilaeli alimwi akubaboosha ayi bekale mucishi cabo. Baswamashi balaakwisa mukwikalaabo mucishi cabo akukakatila kuli mbabo.

Shakubelenga 18:7

Sombi webo alimwi abana bako basankwa nweenkabo, ndimwe mweelete kusebensa mulimo wa bupailishi, uyo ukumite kucipaililo alimwi aMusena Usalalite Wiindaawo. Uyu mulimo wa bupailishi ncipo ncendamupa. Uyo woonse umwi weenga wasena pafwaafwi aMusena Usalalite ulyeelete kucaikwa.”

Shakubelenga 18:4

Balyeelete kunoosebensela pantu pomwi amwebo, akusebensa milimo yoonse ya muTente sombi taaku umwi uli woonse weelete kusena pafwaafwi ampweenga kamubete.

1 Pita 1:1

Ndime Pita mutumwi wakwe Jesu Klistu. Ntoolembela kubantu bakwe Lesa mbaakasala abo bakamwaikila kuPontusi, Galatiya, Kapadosiya, Esha alimwi aBitiniya.

Milimo ya Batumwi 18:7

Mpomunyaawo wakabashiya akuya kuŋanda ya musankwa umwi muswamashi wakunsengwe wiitwa ayi Taityasi Jasitasi wakalinga kulambila Lesa. Ŋanda yakwe yakalinga kubambene acoonde ca baJuda.

Bene Efeso 2:12

Ono amuyeeye ayi paciindi ico mwakalinga bantu bateshi Klistu. Mwakalinga baswamashi batasalitwe aLesa. Temwakalingaako lubasu kushipangano Lesa nshaakapanga abantu bakwe isho shakalinga kwiimfwi pasheesho Lesa nshaakabashomesha. Mwakalinga kushiitebo mucishi ca panshi kwakubula ancemwakalinga kulangila, kamuteshi aLesa.

Bene Lefi 21:20

alimwi taaku wacifutu nabi mufwaafwi bunene, taaku mulwashi kumeenso nabi ucite bulwashi bwa mubili alimwi awakatungulwa.

2 Makani 6:32

“Na muswamashi uyo ukala kucishi cakulaale wanyumfwa impuwo yanu ya shintu shinene isho nshemwakacita kubantu banu, ono wesa mukulambila muŊanda yanu,

Isaya 56:6

Kubaswamashi abo bakenjila mulikoto lya bantu, abo basuni Mwaami Lesa alimwi basuni akumusebensela, balama bushiku bwakookesha bwa Cibelu alimwi balama cipangano cakwe cakushomeka.

Bene Lefi 25:45

alimwi inga mwoola abana ba baswamashi mbomushitaabo. Baana ba mbuli baabo bakashalilwa mucishi canu inga baba banenu.

Dutolonomi 23:9

“Ono na mwaya mukulwana abalwani banu akuyaka misumba, mulyeelete kutalamuka kushintu shoonse isho sheenga shamulengesha kutanoosalalite kweelana aMilawo.

Esita 9:27

baJuda bakalipangila mulawo wakwaamba ayi balo, bamulunyungu lwabo alimwi abaabo boonse bakasandukila kukupaila kwabo kabasekelela lyoonse panshiku shobilo isho kweelana amilasho yakwe Modekayi.