Isaya 53:1 - Baibo Busansulushi Bwa Libuku Ili

¹ Bantu bakakumbula ayi, “NoBaami baLesa, ngani wakashoma makani ngotwakashimikila? Ino nkusu shanu noBaami baLesa shakayubulwitwa baani?”

Isaya 53:1 교차 참조

Joni 12:38

Ici cakacitika kweelana abwakaamba mulaluki mukulukulu Isaya ayi, “NoBaami baLesa, ngani wakashoma makani ngotwakashimikila? Anu nkusu shanu noBaami baLesa shakayubulwitwa baani?”

1 Bene Kolinto 1:18

Makani aamba shalufu lwakwe Klistu pamucilingano taaku mbwaabete kubantu basowekete, sombi kuli ndiswe sotuli munshila yakupulushikwa, ninkusu shakwe Lesa.

Joni 1:12

Sombi kubaabo boonse bakamutambula akumushoma, wakabapa nkusu shakuba bana bakwe Lesa.

Mateyo 16:17

Mpeeke Jesu wakamukumbula ayi, “Ulicite coolwe Simoni omwanaakwe Jona! Teshi muntu wakuyubulwiita ceeci, sombi mbaTa ba kwiculu.

Mateyo 11:25

Paciindi ceenka ico Jesu wakapaila ayi, “Ndamulumba Ta, noBaami ba kwiculu acishi ca panshi mukwiinga mwayubulwita bantu bateeite shintu nshemwakashisa kubantu basongo abeeite.

1 Bene Kolinto 1:24

Nakubi boobo kubaabo Lesa mbwaakeeta, baJuda nabi baswamashi bakunsengwe, balishi kwaamba ayi Klistu nshenkusu alimwi abusongo bwakwe Lesa.

Isaya 40:5

Lyalo bulemu bwa Mwaami Lesa bulaakuyubululwa. Mpeeke mishobo yoonse ilaakububona. Ee, ceebo Mwaami Lesa mwiine mbwaamba ubo.”

Isaya 52:10

Mwaami Lesa ulaakusebensesha nkusu shakwe shisalalite pakupulusha bantu bakwe. Bantu boonse pacishi ca panshi balaakushibona.

Isaya 51:9

NoBaami baLesa, amunyamuke, amunyamuke! Amunyamuke mutupulushe alyaansa lyanu. Amunyamuke bweenka mbomwakalinga kucita kunshiku shakeenda, ee, bweenka mbomwakalinga kucita kuciindi ca mashalane akulukulu. Sa te ndimwe mwakatimboola Laabu shinshimwe ulya mutupanshapansha?

Joni 1:7

Uyo wakesa mukuba kamboni wa Mumuni, kwaamba ayi bantu boonse banyumfwe makani akwe akwaashoma.

Isaya 62:8

Mwaami Lesa wakashomesha cakulumbila kucita cintu cimwi. Ulaakucicita kwiinda mulyaansa lyakwe lya nkusu. Wakashomesha ayi, “Teshi nkapewo tubili shili anga ngamaila shako kubalwani bako ayi shibe shakulya shabo. Alimwi teshi nkasuminishewo baswamashi kunwa waini upya uyo webo omwiine ngowakayuwila.

Luka 18:31

Jesu wakatola bashikwiiya bakwe bali likumi abobilo palubasu akubalwiita ayi, “Tutooya kuJelusalemu uko shoonse shakalemba balaluki bakulukulu isho shaamba paMwanaaMuntu nkweshi shikacitikile.

Isaya 59:16

Wakabona kwaamba ayi tepakalinga nabi womwi wakalinga kukonsha kucitaawo cimwi cintu pacikani ico. Aboobo wakayeeyabo ayi abapulushe lakwe mwiine ankusu shakwe. Mukucita boobo wakatanjisha bululami bwakwe.