Isaya 51:20 - Baibo Busansulushi Bwa Libuku Ili

²⁰ Bana banu basankwa bamana kuwisooka mupetookila mikwakwa. Balibo kampa kampa anga ninsefu shacatwa mposhakateyekwa. Bukali bwa Mwaami Lesa bwabakola. Ncakwiila bacinyumfwa cilemeneshi ca bukali bwakwe.

Isaya 51:20 교차 참조

Ciyubululo 14:10

ulaakunwa waini wa bukali bwakwe Lesa, uyo ngweshi ukatiilwe munkomeshi ya bukali bwakwe cakutatilako cakubombya bukali. Boonse bacita sheeshi balaakupenshekwa mumulilo alimwi asalufa pameenso abaanjelo basalalite alimwi aMwanaambelele.

Esekelo 39:19

Mulambu uyo ngoontoomubambila, mulaakulya mafuta akushimbililwa alimwi mulaakunwa bulowa kushikila mukakolwe.

Esekelo 17:20

Ndaakumuteya koombe kangu akumucatishaamo. Ndaakumutola kucishi ca Babiloni akumupa mulandu uko ceebo taakwe kushomeka kuli ndime.

Esekelo 12:13

Ndaakufungulula koombe kangu umo mweshi akacatwe akumuleta kundabala inene ya Babiloni. Sombi lakwe teshi akeeboneewo, nakubi boobo ulaakufwita nkomunya uko.

Malilo 5:13

Bacikula bwangu basankwa batoopenga kupelela busu. Abalo banike basankwa balaya citalantanta ceebo cakulemenwa mile ya nkuni.

Malilo 4:2

Amubone basankwa bacikula bwangu bene Siyoni abo bakalinga kusunikwi anga ngugolodi kuli ndiswe kalekale bulya bababo anga ninongo, ee, mulimo wa maansa a mubumbi.

Malilo 1:19

“Ndakeeta mboocafwanaabo pakulwana, sombi balo bakangaba. Bapailishi abamaloba bangu bakalobela mundabala inene. Ncakwiila bakaloba ndibakalinga kuyandoola cakulya ayi babe abuumi.

Malilo 1:15

“Mwaami Lesa wakaseka bashilumamba bangu boonse bacibwene kulwana. Wakanjitila likoto lya bashilumamba ayi bese bandwaane akupwayoola bacikula bwangu bangu. Wakalyatooka bantu bangu bweenka butyanwa minyansa mucilindi.

Jelemiya 14:18

Na ndaya muluundu ndabona bakacaikwa munkondo. Na ndaya mundabala, ndabona batoofwa kunsala. Balo balaluki abapailishi balacita ncito yabo cakuteshiba ancebatoocita.’ ”

Jelemiya 14:16

Lyalo abantu abo mbobatoolalukilaako balaakuwaalwa mumikwakwa ya muJelusalemu ceebo ca nsala ankoondo. Teshi kukabeewo shikubabika nabi shikubika bamakaabo, bana babo basankwa nabi banakashi. Ndaakubapoomweta mapensho ayo abeelete.”

Isaya 51:21

Ono anu amukutike mwebo nomutoopenshekwa, ee, mwebo nomukoletwe, sombi kuteshi kuwaini.

Isaya 51:17

Amubuke, Amubuke! Ee, amunyamuke mwebo nobene Jelusalemu! Mwebo mwakanwa munkomeshi ya bukali bwa Mwaami Lesa cakutabushiyaamo. Mwakanwa munkomeshi yabukali bwakwe iyo ilengesha bantu kutalantanta.

Isaya 49:26

Ndaakulengesha baabo bamulyatilila kulya nyama ya mibili yabo beene. Ee, balaakubunwa bulowa bwabo beene akukolwa anga banwa waini. Lyalo bantu boonse balaakwishiba ayi ndime Mwaami Lesa, Mupulushi wanu, Shikumulubula, Lesa Shinkusu shoonse wa bamulunyungu lwakwe Jakobo.”

Isaya 29:9

Amutolelele kuba baluya! Amutolelele kuba boofu! Kamukoletwe, sombi kuteshi ceebo ca waini. Kamutalantanta, sombi kuteshi ceebo ca bwalwa.

Isaya 8:21

Ono bantu balaakwiingaila mucishi ca panshi kabatyongwete akufwa nsala. Muciindi ico balaakushingana mwaami wabo aLesa wabo ceebo ca nsala abukali. Balaakunoolanga kwiculu

Isaya 5:25

Paceebo ceeco Mwaami Lesa wakalalila bantu bakwe akutandabika lyaansa lyakwe ayi abape mulandu. Tulundu twatenkaana. Mituntu ya bantu ilaakunooli anga ngamatombe mumikwakwa. Nakubi boobo bukali bwakwe teshi bukamaane, sombi lyaansa lyakwe lilaakunoocitandabete mukubapa mulandu.

Dutolonomi 14:5

koonse, nsefu, balukokamabwe alimwi abapelembe.

Isaya 40:30

Amubone, nabi bacikula bwangu balakopoka. Ncakwiila nabi bacikula bwangu basankwa balalisuntula akuwa.

Dutolonomi 28:20

“Na munoocita shibiibi mukukaka Mwaami Lesa, kulaakumuletelela shiyoosha, shimfulunganya, alimwi amapensho mushintu shoonse nsheshi mukanoocita, kushikila mukafwambaane kunyonyooka cakumaninina.

Isaya 66:15

Amubone Mwaami Lesa waashika amulilo! Cikoci cakwe ca nkondo cilibo anga nkapupuulwa. Utoosa calunteente mukutondesha bukali bwakwe ee, kukalooka kwakwe kulaakuba anga nkwa mulilo.

Malilo 2:19

Nyamuka ulile mashiku, ulile ciindi beshikulindilila mashiku ndibatalika kusebensa. Lilila Mwaami Lesa amoyo wako woonse. Ee, umulilile akumukombelela ayi bana bako abo batoowisooka kunsala kweela mikwakwa yoonse bapuluke.

Malilo 4:11

Mwaami Lesa wakusha bukali bwakwe boonse, ee, wapoomona bukali bwakwe buyoosha. Wakanyansha mulilo mundabala ya Siyoni uyo wakeetenta cakushika akulwiimbi lwa njiyo.