Isaya 51:16 - Baibo Busansulushi Bwa Libuku Ili

¹⁶ Ndakafungulula liculu akuyaka lwiimbi lwa cishi ca panshi. Bene Jelusalemu ndabaambila ayi, ‘Mwebo muli bantu bangu! Ndakamupa milawo yangu alimwi ndamutabilila alyaansa lyangu.’ ”

Isaya 51:16 교차 참조

Isaya 59:21

“Ndaapanga cipangano ambabo cakwaamba ayi, ‘Mushimu wangu uli muli ndimwe, maswi angu ngondamupa teshi mukaalubeewo sobwe, nabi bana banu nabibo bamulunyungu lwabo kuswa sunu kushikila muyayaya.’ ”

Isaya 49:2

Mpeeke wakalengesha maswi kukola anga ngumupeeni. Wakandama alyaansa lyakwe mwiine. Wakansemuna bweenka bucitwa mufwi akunengesha kulibambila kusebenseshekwa.

Joni 17:8

Ceebo ndakabeeisha maswi ayo ngomwakandasha alimwi bakaatambula. Balishi kwaamba ayi ncakwiila ndakaswa kuli ndimwe, alimwi balashoma ayi ndimwe mwakantuma.

Dutolonomi 18:18

Ndaakubatumina mulaluki uli mbuli ndiwe kuswa mulikoto lyabo. Ndaakunoomulwiita shakwaamba, mpeeke ulaakunoobalwiita shoonse nsheshi nkanoomulwiita.

Jelemiya 31:33

Ono nebo neMwaami Lesa mbulya mbweshi nkapangane abene Isilaeli munshiku shitoosa. Ndaakubika milawo yangu mumiyeeyo yabo alimwi akwiilemba mumyoyo yabo. Ndaakuba Lesa wabo abalo balaakuba bantu bangu.

Isaya 66:22

“Ono bweenka liculu lipya acishi ca panshi cipya isho nsheshi nkalenge mbweshi shikabe shamuyayaya, mbweeke ubo bamulunyungu lwanu aliina lyanu mbweshi shikabule kuloba.

Sekaliya 13:9

Bamucipansha comwi ico ceshi cikacaale, ndaakubasalasha. Ncakwiila ndaakubasalasha mumulilo bweenka silifa mbooboteshekwa. Ndaakubeelesha bweenka golodi mbooweeleshekwa mumulilo. Balaakumpaila anebo ndaakubakumbula. Ndaakunoobeeta ayi, ‘Bantu bangu.’ Abalo balaakunokwaamba ayi, ‘Mwaami Lesa ngoLesa wesu.’ ”

Isaya 50:4

Mwaami Lesa wanjiisha bwakwaamba kwaamba ayi nooyumyayumya balefukite. Kulila bwaca ulansengusha kumoyo kwaamba ayi nsunishe kunyumfwila nsheshi anjiishe.

Isaya 48:13

Lwiimbi lwa cishi ca panshi ndakalupanga amaansaangu. Ndime ndakafungulula liculu kwaamba ayi likwane koonse. Na liculu nabi cishi ca panshi ndashiita shilesa mpomunyaawo kunembo lyangu.

2 Pita 3:13

Sombi swebo tutoolindila liculu lipya alimwi acishi ca panshi cipya, kweelana aLesa mbwaakashomesha, umo mweshi mukanoolibo bululami.

Isaya 65:17

Mwaami Lesa waamba ayi, “Ntoolenga liculu lipya acishi ca panshi cipya. Shintu shikulukulu shilaakulubwa alimwi teshi shikeebalukweewo napaceyi.

Bene Ebulu 8:10

Ono nebo neMwaami Lesa mbulya mbweshi nkapangane abene Isilaeli munshiku shitoosa. Ndaakubika milawo yangu mumiyeeyo yabo akwiilemba mumyoyo yabo. Ndaakuba Lesa wabo abalo balaakuba bantu bangu.

Joni 3:34

Ee, uyo Lesa ngwaakatuma ulaamba maswi akwe Lesa ceebo ulamupa Mushimu Usalashi cakuteeleka.

Isaya 49:8

Mwaami Lesa utokwaambila bantu bakwe ayi, “Ciindi caakushikila cakumupulusha, ndaakumunyumfwila nkumbu akukumbula kusenga lucafwo kwanu. Ndaakumulama akumutabilila alimwi kwiinda muli ndimwe ndaakupanga cipangano abantu boonse. Ndaakumusuminisha kwikala alimwi mushipansha shanu sha cishi ico bulya cili mumatongo.

Kulumbaisha 92:13

Bali anga nshisamu shishangitwe muŊanda ya Mwaami Lesa. Ncakwiila shilakula kabotu mulubansa lwa Ŋanda yakwe Lesa wesu.

Dutolonomi 33:27

Lesa ngoomufuna lyoonse, maansaakwe amuyayaya ngaamulama. Ulatanda balwani kunembo lyanu, akumwaambila ayi mubanyonyoole.

Kulonga 33:22

Ono na bulemu bwangu bunokwiinda, ntookubika mucimfwengo ca mulibwe, akukufweka lyaansa lyangu kushikila nyinde.

Ciyubululo 1:1

Libuku ili lilaamba pashintu Lesa nshaakayubulwita Jesu Klistu. Lesa wakamuyubulwita shintu ishi kwaamba ayi akaboneshe basebenshi bakwe sheelete kucitika cakufwambaana. Alakwe Klistu wakeshibisha Joni musebenshi wakwe kwiinda mumunjelo ngwaakatuma.

Sekaliya 8:8

Ndaakubaboosha kwaamba ayi bakanookala muJelusalemu alimwi. Balaakuba bantu bangu anebo ndaakuba Lesa wabo ubalela cakushomeka alimwi cabululami.”

Jelemiya 32:38

Lyalo balaakuba bantu bangu, anebo ndaakuba Lesa wabo.

Isaya 60:21

Lyalo bantu bako boonse balaakutalika kucita shiluleme. Acalo cishi cilaakuba cabo kwalyoonse alyoonse. Bantu bako nshishango shangu. Ncakwiila nebo nemwiine ndime ndakabalenga kwaamba ayi batondeshe bulemu bwangu.

Isaya 45:18

Mwaami Lesa wakalenga liculu, ncakwiila lakwe ngoLesa mwiine! Wakalenga acishi ca panshi, kucipanga cakutateenkaana kwaamba ayi cinoolikobo. Taakwe kucilenga ayi cinooli luundubo lulibo bwaashi, sombi kwaamba ayi ube musena bantu ngobeelete kwikalaamo. Uyo wakacita boobo ulaamba ayi, “Nebo ndime Mwaami Lesa alimwi taaku lesa aumwi.

Kulumbaisha 75:3

Paciindi cishi ca panshi ndicitenkaana, pantu pomwi asheesho shoonse shiliimo, nebo ndime ncatilila macinko a ncico.

Isaya 61:3

Wakantuma kucafwa baabo balila muSiyoni, kubafwalika ngala yakukondwa kuteshi milota ya buumba. Kubapa mafuta atondesha kusangalala kuteshi mapensho aleta minsonshi. Kubalengesha kwiimba nyimbo shakulumbaisha kuteshi buumba. Balaakunokwiitwa ayi mibanga yabululami iyo Mwaami Lesa njaakashanga kwaamba ayi atondeshe bulemu bwakwe.

Kulonga 4:15

Inga wabandikaakwe akumulwiita shakwaamba. Noonse nobilo ndaakumucafwaako kwaamba alimwi ndaakumulwiita shakucita.

Kulumbaisha 91:4

Ulaakumufwekelela mumapapaminwa akwe, ee, mumapapaminwa akwe mweshi mukabe ciyubilo canu. Kushomeka kwakwe kulaakumutabilila anga ndiyawo nabi lubumbu lwa ndabala.

Isaya 57:19

Ndaakulengesha batoolila muIsilaeli kutalika kulumbaisha. Ncakwiila ndaakuleta luumuno kubaabo bali pafwaafwi akubaabo bali kulaale. Ee, boonse ndaakubashilika.” Mwaami Lesa waamba.

Jelemiya 1:9

Mpomunyaawo Mwaami Lesa wakatambika lyaansa lyakwe, wancata pamulomo akundwiita ayi, “Bona, ndabika maswi angu mumulomo wako.

Jelemiya 24:7

Kuswawaawo ndaakubapa moyo wakunshiba ayi ndi Mwaami Lesa. Balaakuba bantu bangu, anebo ndaakuba Lesa wabo, ceebo balaakupilukila kuli ndime amyoyo yabo yoonse.