Isaya 5:24 - Baibo Busansulushi Bwa Libuku Ili

²⁴ Ono aboobo bweenka mile ya bwiisu mboipya cakumaninina ee, bweenka bwiisu buyumu mbobululuma pakupya, mbweeke ubo muyanda wabo ulaakubola. Aalo maluba abo alaakuululuka anga ndusuko ceebo bakaka milawo ya Mwaami Lesa Shinkusu shoonse, ee, ceebo basuula maswi a Usalalite wa bene Isilaeli.

Isaya 5:24 교차 참조

Isaya 30:12

Sombi Usalalite wa bene Isilaeli waamba ayi, “Ono ceebo cakwaamba ayi mwakaka nshendamulwiita akucinka manungo munkondo abubeshi,

Jobo 18:16

Miyanda ya buumi bwakwe ilaakuyuma. Ayalo misampi ilaakunyana akuyuma.

Luka 3:17

Lakwe ulicite kale acakuululushishako maila kwaamba ayi akaaululushe akwaalongela mubutala. Lyalo ulaakutenta buungu boonse mumulilo utashimiki.”

Jowelo 2:5

Cisoshi citoosotooka peculu pakalundu akupanga coongo cili anga nca shikoci. Citootolooka bweenka bucita mulilo mubwiisu buyumu. Caliyala bweenka bucita bashilumamba balibambila kulwana.

Isaya 47:14

“Bantu abo balaakubabo anga mbwiisu butyolookite. Aboobo mulilo ulaakubamana kubatenta. Tabakoonshi akulipulusha kuswa mumulilo utoonyaka. Ncakwiila tabakoonshi kulipulusha kuswa kunkusu sha mulilo. Makalangasha a nguwo teshi akulikasaasha, ee, teshi mulilo wakuya mukwikala pafwaafwi ayi uyote.

Isaya 30:9

Bantu aba mbaashu, mbabeshi mbaana batalibambite kunyumfwila milasho ya Mwaami Lesa.

Kulonga 15:7

Mubulemu bwa bwaami bwanu, mulawisha balwani banu panshi. Ee bukali bwanu bulanyaka akubatenta anga mbwiisu buyumu.

1 Bene Tesalonika 4:8

Ono aboobo uyo woonse ukaka kwiisha uku taakakilibo muntu, sombi Lesa uyo umupa Mushimu wakwe Usalashi.

Milimo ya Batumwi 13:41

‘Amubone, mwebo nomucobola maswi akwe Lesa! Mulaakukankamana akufwitilila! Mukwiinga ndaakucita cintu munshiku shanu, ico nceshi mukabule kushoma, nabi muntu umwi akamusansulwite!’ ”

Joni 12:48

Uyo woonse ukaka ndime amaswi angu ulicite umwi eshi akamoomboloshe. Maswi ayo ngondaamba ngweshi akamoomboloshe pabushiku bwakweelaako.

Luka 10:16

Jesu wakaambila bashikwiiya bakwe ayi, “Uyo woonse unyumfwila ndimwe ulanyumfwila ndime, uyo ukaka ndimwe ulakaka ndime, alakwe uyo woonse ukaka ndime wakaka awooyo wakantuma.”

Luka 7:30

Sombi baFalisi abafundishi ba Milawo mukukaka kubombekwa aJoni, bakakaka muyeeyo wakwe Lesa ngwaakabamba.

Mateyo 3:12

Lakwe ulicite kale acakuululushishako maila. Ulaakululusha maila akwe akwaalongela mubutala. Lyalo ulaakutenta buungu boonse mumulilo utashimiki.”

Malaki 4:1

Mwaami Lesa Shinkusu shoonse utokwaamba ayi, “Ncakwiila bushiku bulaakushikila balisumpula abamucita shibi ndyeshi bakapye anga mbwiisu. Pabushiku ubo balaakulokota cakutacaalaako.

Naamu 1:10

Balaakucatwa mumyuumfwa akukolwa waini wabo. Balaakutentwabo anga mbwiisu buyumu.

Amosi 2:9

“Nakubi boobo ndakanyonyoola bene Amoli ceebo cabo. Bene Amoli bakalinga balaamfu anga nshisamu sha sida, alimwi bayumu anga njimibanga. Ndakanyonyoola shisepo shabo akunyonyoola miyanda yabo panshi peene.

Osiya 9:16

Bene Isilaeli balibo anga ncisamu cacatwa bulwashi, ee, balibo anga ncisamu cayuma miyanda ico citakoonshi kucata shisepo. Nabi bakashale baana, ndaakucaya bana babo abo basunikwi.”

Osiya 5:12

Ndaakunyonyoola bene Isilaeli bweenka muswa mboonyonyoola shakufwala. Ndaakuba anga ncipwalonda kubene Juda.

Jelemiya 8:9

Basongo banu balaakulenshekwa nsoni. Balaakulenshekwa buumba akucatwa. Abo bakakaka maswi a Mwaami Lesa, ino mbusongonshi mbobacite?

Jelemiya 6:19

Nyumfwa ocishi ca panshi, ntooletela bantu aba mapensho. Ici nceshi cikatumbukwe mumiyeeyo yabo ibiibi ceebo bakakaka kunyumfwa maswi angu alimwi amilawo yangu.’

Isaya 8:6

“Ceebo cakwaamba ayi bene Isilaeli bakaka maanshi akalikene muKalonga ka Shilowa akusangalala mumwaami Lesini alimwi amuli Peka mwanaakwe Lemaliya,

Kulumbaisha 50:17

Mwebo tamusuni kufundwa kuswa kuli ndime alimwi mulafutatila maswi angu.

Neyemiya 9:26

“Nakubi boobo bakamubukila akukaka kumunyumfwila. Bakafutatila Milawo yanu. Bakacaya balaluki banu abo bakalinga kubacenjesha akubalwiita shakusandukila kuli ndimwe. Bakalinga kumucobola ciindi aciindi.

1 Samwelo 15:26

Sombi Samwelo wakaamba ayi, “Teshi mboole awebo. Webo wakaka liswi lya Mwaami Lesa ono alakwe Mwaami Lesa wakaka ndiwe kunoocili mwaami wa bene Isilaeli!”

1 Samwelo 15:23

Bwaashu bulibo anga ncibiibi cakusonda, akwalo kulisumpula kuli anga mbubi bwakulambila shibumbwabumbwa. Ono mukwiinga wakakaka liswi lya Mwaami Lesa, alakwe wakaka ndiwe kunoocili mwaami.”

2 Baami 19:22

Ngani ngowalinga kutukana akucobola? Ngani ngootookalookila akusaamuna meenso cakulisumpula? Sa te ngooyo Usalalite wa bene Isilaeli?

Isaya 1:4

Ono mapensho kuli ndiwe omushobo ushipite, ee, kuli ndiwe omushobo olemenetwe milandu, webo omushobo wa bamucita shibi. Wakakaka Mwaami Lesa, ncakwiila wakafutatila Usalalite wa bene Isilaeli.

Isaya 1:31

Ono bweenka kalilo kaniini mbokatenta bwiisu buyumu, mbweeke ubo beshinkusu mbweshi bakanyonyoolwe kububi bwabo. Ndushinisho taaku weshi akakonshe kumanisha kunyonyooka kwabo.

Isaya 7:9

Cishi ca Isilaeli taciindiwo nkusu paSamaliya ndabala inene iindaawo ya ncico. Ayalo ndabala ya Samaliya tayiindiwo nkusu pamwaami Peka mwanaakwe Lemaliya. Ono na awebo ubule kuyuma mulushomo, ncakwiila teshi ukakomewo, sobwe.’ ”

Isaya 9:18

Bubi bulanyaka anga ngumulilo, ee, mulilo ukonsha kutenta myuumfwa ashisonsoonya. Ncakwiila bulanyaka anga ngumulilo uli muluundu lunene, ee, mulilo usukumya bwiishi buunji.

Isaya 9:19

Nceceeco bukali bwa Mwaami Lesa Shinkusu shoonse ncebwatentela cishi alimwi bantu baba nsheenkuni shitoobilimya mulilo uyo. Ono taaku nabi womwi weshi akafwite nkumbu mukwabo.

Isaya 24:6

Mwaami Lesa washingana cishi ca panshi. Bantu bekala mumo bapekwa mulandu paceeco ncebakacita. Aboobo bantu bamana kuloba cakwaamba ayi kwacaalabo baniini.

Isaya 26:11

NoBaami baLesa lyaansa lyanu lilitambikitwe, sombi balo tabalibooni. Amubaboneshe lusuno lwanu pabantu banu, bafwe nsoni. Mulilo wanu ngomwakabambila balwani banu aubateente cakubalobya.

Osiya 11:9

Teshi nkacite kweelana abukali bwangu, teshi nkanyonyoolewo Isilaeli alimwi mukwiinga ndi Lesa, kuteshi muntu. Nebo neUsalalite ndi pakati kanu, aboobo teshi nkese kuli ndimwe mubukali bwangu buyoosha.

Kulonga 5:12

Aboobo bantu bakapalanganinamobo muIjipiti kuya ciyandoola bwiisu.

Dutolonomi 28:24

Mumusena wa mfula, Mwaami Lesa ulaakutuma cipuupu ca lusuko alimwi amuseese kushikila mukanyonyooke.

Jobo 8:17

akupombela miyanda ya njiyo kumabwe. Ilacatilila cankusu kulibwe lyomwi alyomwi.

Esekelo 15:6

“Paceebo ceeco, nebo neMwaami Lesa Shinkusu shoonse ndaamba ayi, ‘Bweenka mbuli mbondakapa musampi wa munyansa pashisamu shoonse sha muluundu kuba nkuni mbweeke ubo mbweshi nkacite abantu bekala muJelusalemu.

Amosi 2:4

Mwaami Lesa waamba ayi, “Bene Juda bakalinga kubisha lyobilo lyobilo, aboobo ndushinisho ndaakubapa mulandu. Bakaka kukonkela Milawo yangu nebo neMwaami Lesa akukaka kukonkela milasho yangu. Balesa bakubeca babalengesha kuswa munshila, ee, balesa abo bamashali babo bakulukulu mbobakalinga kukonkela.