21 Mwaami Lesa ndyaakatanjilila bantu bakwe kwiinda muluyanga, tabakwe kupengawo kunyotwa. Wakalengesha maanshi kukunka kuswa mumwaandami. Ncakwiila wakapasula mwaandami akulengesha maanshi kukunka.
Nebo ntokwiimikana kunembo lyako kumwaandami wa kuKalundu ka Sinayi. Uume nkoli yako mumwaandami uyo, lyalo maanshi atooswa muli nguwo kwaamba ayi bantu banwe.” Aboobo Mose wakacita mbomunya ubo pameenso a bamatanjilili ba bene Isilaeli.
Wakacalula mwaandami, lyalo maanshi akaswa. Akakunka anga ngumulonga kuya muluyanga.
Ono bushiku balwani banu baakucaikwa, maandaabo alaamfu a beshikulindila aakuwa, tulonga tulaakukunka kuswa mutulundu toonse, tunene atuniini.
Ndyaakooma pamwaandami maanshi akaswa, alimwi tulonga twakakunka abuumbi. Ono sa inga watupa cakulya bulya? Sa inga watupa anyama sobantu bakwe?”
Kuswawaawo Mose wakatambika nkoli mwiculu akuuma mumwaandami mankanda obilo. Mpeeke maanshi aanji abuumbi akakunka kuswa mumo, alimwi bantu boonse bakanwa pantu pomwi ashifubwa shabo.
Teshi bakanyumfweewo nsala nabi nyotwa. Lisuba nabi ceeselela ca muluyanga teshi cikabaciseewo mukwiinga balaakutanjililwa awooyo ubasuni. Ncakwiila ulaakubatola kutuntupu twa maanshi.
“Ndibakafwa nsala mwakabapa cakulya kuswa kwiculu. Ndibakafwa nyotwa mwakabapa maanshi kuswa mumwaandami. Mwakabaambila ayi baye mukubwesa cishi ico ncemwakabashomesha kubapa.
Balaakunoosa bulila alimwi balaakunoosa bupaila ndaakunoobaboosha. Ndaakubatanjilila mweela milonga ya maanshi, munshila ibotu umo mobatakoonshi kulisuntula. Ndaakucita boobo ceebo ndi anga ngumushali musankwa kubene Isilaeli alimwi bene Efuleemu bali anga ngumwanaangu musankwa wakwiiya.
Wakapwaya myaandami muluyanga, akubapa maanshi maanji ali anga nga mulweenge.
Ndimwe mwakacalula tuntupu atulonga, ndimwe mwakayumya milonga inene ikunka.
Wakalengesha tulonga kuswa mumyaansha ya mwaandami, akulengesha maanshi kukunka anga ngumulonga.
Mwakabapa Mushimu wanu ubotu ayi unoobeeisha shakucita. Mwakabapa mana ayi balye akubapa maanshi ayi banwe.
