10 Wacinka manungo mububi bwako akwaamba ayi, ‘Taaku umbwene.’ Busongo buli muli ndiwe alushibo shakutola kumbi. Webo ulalisumpula mukwaamba ayi, ‘Ndimebo alimwi taaku aumwi kulekabo ndime.’
Mapensho kubaabo baliyeeyela ayi mbasongo, ee, baliyeeyela ayi balicenjete.
Mapensho kuli baabo beelesha cankusu kushisa miyeeyo yabo kuswa kuMwaami Lesa. Ee, kubantu abo bacita milimo yabo mumunshinshe akuyeeya ayi, “Anu ngani weenga watubona? Anu ngani weenga weshiba?”
Balo bakalinga kwaamba ayi, “Tuli basongo,” anu mbaluyabo.
“Amubone anooyu ono musankwa ulya utakwe kuyubila muli Lesa. Sombi lakwe wakacinka manungo mububoni bwakwe buunji, akulipa nkusu kwiinda mukunyonyoola bamwi!”
Mpeeke Lesa wakanjipusha ayi, “Webo omuntu, sa wabona bamaloba ba bene Isilaeli mbobatoocita mubushishi? Womwi awomwi utoolambila cibumbwabumbwa cakwe. Balo balaamba ayi, ‘Mwaami Lesa taatubweneewo, ncakwiila cishi wakacisuula.’ ”
Taaku nabi womwi ulilila koombolosha kululeme alimwi taaku waamba mulandu wakwe kunkuta mulushinisho. Boonse balacinka manungo mukwaamba uko kutaaku mbokubete, kwaamba kwabubeshi. Balamita makatasho akutumbuka bubi.
Ceebo busongo bwa buntu mbuluya mumeenso akwe Lesa. Bweenka bwaamba Malembo akwe Lesa ayi, “Lesa ulacatisha basongo mubucenjeshi bwabo.”
Lyalo wakankumbula ayi, “Shibiibi sha bene Isilaeli abene Juda nshinene abuumbi. Cishi ciliswitebo beshikutila bulowa ayalo ndabala ya Jelusalemu iliswitebo shitaluleme. Balo balaamba ayi, ‘Mwaami Lesa cishi wakacisuula. Ncakwiila nshetutoocita taashibweneewo.’
Sa kuli muntu weenga wayuba cakwaamba ayi nebo ndabula kumubona? Sa tamwishi kwaamba ayi nebo ndibo poonse poonse, kwiculu amucishi ca panshi. Nebo neMwaami Lesa ndaamba.
Sa te ca mushobo uyo cilyeelenebo akulya milota. Ndushinisho maano akwe alisaamite, aboobo taakoonshi kulifuna napaceyuubo. Taakoonshi kwishiba ayi ici cintu nceencite mulyaansa lyangu lyalulyo ncabubeshi.
Taaku muntu ucite nkusu shakwiimika muuwo. Mbweeke ubo taaku muntu ucite nkusu shakukasha lufu lwakwe. Bweenka shilumamba mbwaatakonshi kutandwa muciindi ca nkondo, mbweeke ubo bubi teshi bukafuune baabo babucita.
Balayuminishanya mumiyeeyo ibiibi. Balabandikabo bwakushisa toose twabo akwaamba ayi, “Anu ngani weshi akatuboone?”
Mulalisumpula ayi, “Swebo twapaanga cipangano alufu, ncakwiila twasuminishanya amusena wa bafu. Nabi shiyoosha shatupolela, taaku nceenga shatucitaawo. Ceebo mububeshi momuli ciyubilo cesu, ee, mukubeca motuyubila.”
Lyalo balalilishaanya ayi, “Lesa ndushinisho taatubikiteeko amaano. Washinshibata, aboobo teshi akatuboneewo!”
“Ono kutika webo omukondwa kumangweengwe. Ee, webo nooyeeya ayi toocite cakulisukama alimwi uli muluumuno. Ulalyaamba ayi webo ulicite bulemu anga nguLesa alimwi taaku aumwi uli mbuli ndiwe. Webo wakalinga kuyeeya ayi teshi ukabeewo mukalubinje nabi kufwitwaawo baana.
Mwaami Lesa waamba ayi, “Musongo atalilumbaishi ceebo ca busongo bwakwe. Muntu shinkusu atalilumbaishi ceebo ca nkusu shakwe. Alakwe mubile atalilumbaishi ceebo ca bubile bwakwe.
Paceebo ceeco nobaami amukonkele nsheshi mulwiiteeko. Amuleke kucita shibiibi akutalika kucita shiluleme alimwi musanduke kuswa kububi akutalika kuba ankuumbu kubaabo balyatililwa. Lyalo mpashi mulaakutolelela kuya ciswitilila.”
Iyi njendabala ilisumpula iyo ikala muluumuno. Yakalinga kulyaamboosha ayi, “Ncakwiila taaku ndabala ili mbuli ndime, sobwe.” Bulya yababo matongo mwakuyuba banyama ba muluundu! Abo boonse beendaamo balaakwiiseka akunooitondeka maansaabo.
