Isaya 45:20 - Baibo Busansulushi Bwa Libuku Ili

²⁰ Mwaami Lesa waamba ayi, “Amuyoboloke akwisa. Ee, amuyoboloke mwebo nomwakalobokela pakati ka mishobo imwi. Batacite lushibo mbaabo banyamuna balesa ba shisamu, ee, abo bapaila kubalesa batakoonshi kubapulusha.

Isaya 45:20 교차 참조

Jelemiya 10:5

Shibumbwabumbwa isho shilibo anga ncakukongeshaako mumuunda wa banamunwa. Tashaambi alimwi shilanyamunwabo ceebo tasheendi. Mutashiloondi, sobwe. Teshi shikamupenshewo nabi kumucitilawo shintu shibotu.”

Isaya 43:9

Mishobo imwi yoonse aibungane beepushikwe. Ngani pakati ka balesa babo wakaambawo sheshi shikacitike kunembo? Ngani wakaambaawo ayi ishi shitoocitika bulya shilaakucitika? Abese balesa abo bape bukamboni bwabo, kwaamba ayi tubone ayi bakaamba lushinisho. Lyalo bantu bamwi banyumfwe akwaamba ayi, ‘Ncalushinisho.’ ”

Isaya 46:1

Ono aya ngomeelelesho a balesa ba bene Babiloni! Ncakwiila Belo aNebo mbalesa balinga kulambilwa, sombi sunu banyamwitwa pambongolo. Baba mukuli pamisana ya shifubwa shilemete.

Kulumbaisha 115:8

Abo bababumba balikoshenye ambabo, ee, abaabo boonse bacinkite manungo muli mbabo.

Bene Efeso 2:16

Klistu wakafwa pamucilingano ayi amanishe lupato lwakalingaawo pakati ka mishobo yobilo ilya ayi apange mubili womwi. Mukucita boobo, wakababoosha pantu pomwi aLesa.

Bene Efeso 2:12

Ono amuyeeye ayi paciindi ico mwakalinga bantu bateshi Klistu. Mwakalinga baswamashi batasalitwe aLesa. Temwakalingaako lubasu kushipangano Lesa nshaakapanga abantu bakwe isho shakalinga kwiimfwi pasheesho Lesa nshaakabashomesha. Mwakalinga kushiitebo mucishi ca panshi kwakubula ancemwakalinga kulangila, kamuteshi aLesa.

Jelemiya 50:28

“Amunyumfwe kubaabo bakacica nkondo kuBabiloni mbobatokwaambilisha kuSiyoni ayi nebo neMwaami Lesa, Lesa wabo ndaboosha cishole ee, kuboosha cishole ceebo ca Ŋanda yangu.

Jelemiya 10:14

Boonse mbaluya alimwi tabacite lushibo. Beshikufula golodi boonse balicite nsoni ceebo ca shibumbwabumbwa shabo. Balesa babo mbabubeshi alimwi tabayooyi.

Jelemiya 10:8

Boonse tabacite maano alimwi mbaluya. Anu inga beeyanshi kushibumbwabumbwa isho shakapangwabo kushisamu?

Isaya 41:21

Mwaami Lesa, Mwaami wa bene Isilaeli waamba ayi, “Tetetete, kamwisa mulyaambilile nobalesa ba bakunsengwe, amwise mupe bukamboni bunyumfwika.

Isaya 4:2

Ciindi cilaakushikila Musampi wa Mwaami Lesa ndyeshi ukabote akuba abulemu. Lyalo nsheshi shikanooswa mubulongo bwa cishi ico, shilaakusangalasha akuletela bulemu bene Isilaeli abo beshi bakacaale mboomi.

Isaya 48:14

“Amuyoboloke noonse mwise mukutike! Taaku cibumbwabumbwa cakalalukaawo ayi musankwa ngondakasala inga wesa mukulwana cishi ca Babiloni. Ee, taaku wakalalukaawo ayi musankwa uyo inga wacita nceensuni ayi acite.

2 Makani 25:15

Mwaami Lesa wakakalalila Amasiya. Lyalo wakatuma mulaluki kuli nguwe mukumwaambila ayi, “Ino utoolambililanshi balesa ba bantu abo, balesa abo batakwe kukonsha kupulusha bantu babo kuswa mumaansaako?”

2 Makani 28:23

Wakabenga milambu kubalesa ba bene Damasikasi abo bakamukoma mukwiinga wakayeeya ayi, “Balesa ba bamaami bene Silya bacafwa bantu aba, aboobo ntoobenga milambu kuli mbabo kwaamba ayi anebo bancafweeko.” Sombi ici cakaleta mapensho pali nguwe apabene Isilaeli boonse.

Isaya 44:9

Anu boonse bapanga shibumbwabumbwa taaku mbobabete ashalo shintu nshibabikaako maano tashicite mpindu. Bantu abo banyamuka akushimikila pali nshisho balitulookite meenso. Ncakwiila kubula lushibo kwabo kwabasebaanya.

Isaya 44:10

Mwebo nobantu, ngani ubumba golodi akupanga cibumbwabumbwa ico citacitewo mpindu kuli nguwe?

Isaya 57:13

Ee, atukabone na shibumbwabumbwa shanu shilaakumucafwa mwaakushililila lucafwo! Ncakwiila muuwo ulaakushitola shoonse, ee, shilaakuululukabo kukuyoya kwa linkanda lyomwi. Sombi muntu uyo woonse uyubila muli ndime ulaakupekwa cishi ici pantu pomwi akalundu kangu kasalalite.”

Jelemiya 48:13

Lyalo bene Moabu balaakulisenda kuli Kemoshi lesa wabo bweenka mbuli bene Isilaeli mbobakalisenda ndibakalinga kucinkite manungo muli Betelo.

Jelemiya 48:47

“Nakubi boobo ndaakulengesha bene Moabu kuswitilila alimwi munshiku shitoosa. Nebo neMwaami Lesa ndaamba.” Anu peenka apa mpopeela makani akoomboloshekwa kwa cishi ca Moabu.