Isaya 45:19 - Baibo Busansulushi Bwa Libuku Ili

¹⁹ Ndakaambilabo limwi cakutashisa. Nshikwe kwaambila mucishi cicitebo munshinshe. Nshikwe kwaambila bamulunyungu lwakwe Jakobo ayi banoonangoola cakubula kumucana. Nebo neMwaami Lesa ndaamba lushinisho alimwi ndaamba shintu shiluleme.”

Isaya 45:19 교차 참조

Isaya 48:16

“Ono amusene pafwaafwi, munyumfwe nshentokwaamba. Kuswabo kumatalikilo nebo ndaambilabo limwi patuba alimwi lyoonse ndalengesha maswi angu kucitika cancinencine.” Ono Mwaami Lesa Shinkusu shoonse wampa Mushimu wakwe akuntuma.

Amosi 5:4

Mwaami Lesa waamba kubene Isilaeli ayi, “Amunangoole, lyalo mulaakuba abuumi.

Joni 18:20

Jesu wakamukumbula ayi, “Ndakalinga kwiishisha pameenso a bantu boonse. Ndakalinga kwiisha mushoonde shanu amuŊanda yakwe Lesa umo mubunganina bantu. Taakuuwo ncendakaambila kumapela.

Tushimpi 30:5

“Maswi a Mwaami Lesa oonse ngalushinisho. Lakwe ndyeliyawo lya baabo bacicila kuli nguwe.

Kulumbaisha 9:10

Boonse abo beshi liina lyanu balamushoma, ceebo mwebo noBaami baLesa tamusuuli besa kuli ndimwe.

Jemusi 4:3

Alimwi nabi mwaseenga inga tamushitambuli ceebo miyeeyo njemucitila boobo njibiibi. Mulasenga shintu kwaamba ayi mushisebenseshe mukulikondelesha mwebo nobeene.

Tushimpi 15:8

Mwaami Lesa ulipatite mulambu wa mucita shibi, sombi mupailo wa muntu ululeme ulamusangalasha.

Kulumbaisha 69:32

Baakubona bobulya abo balyatililwa, balaakusangalala. Abalo abo balambila Lesa, balaakuyuminishikwa.

Isaya 8:19

Sombi bantu balaakumulwiita ayi musenge maswi kuswa kubeshikwaamba abafu alimwi abeshikusonda abo babulubusha akutepeta pakwaamba. Tamweelete kuyaako. Sa te mulyeelete kwiipusha Lesa wanu? Anu inga mweepushanshi kubafu kwiipushisha boomi?

Isaya 1:15

“Mwaakunyamuna maansaanu pakupaila, teshi nkamulangilisheewo, sobwe. Teshi nkanyumfwe nabi mukapaile mankanda aanji buyani mukwiinga maansaanu aliswitebo milandu yakutila bulowa.

Kulumbaisha 69:13

Nakubi boobo nebo ndanoopaila kuli ndimwe noBaami baLesa. NobaLesa, amukankumbule paciindi ncemubambite. Amukankumbule ceebo ca lusuno lwanu lutamaani kwiinda mukumpulusha kweelana akushomeka kwanu.

1 Makani 28:8

“Ono bulya nobantu ba Mwaami Lesa, pameenso akwe Lesa wesu alikoto lyanu ili nobene Isilaeli, ntoomukonkomesha ayi munookonkela milasho yoonse iyo Mwaami Lesa, Lesa wesu njaakatupa kwaamba ayi cishi ici cibotu cikatolelele kunooli caanu alimwi mukacishiile abamulunyungu lwanu ayi ncabo kwalyoonse alyoonse.”

Joni 7:28

Mpomunyaawo Jesu kaaciisha muŊanda yakwe Lesa wakoolobesha ayi, “Ee, mulinshi! Ankondakaswa koonse mulishiiko. Sombi nshikwe kwisabo palwaangu, sobwe. Uyo wakantuma ulashomeka, ono mwebo tamumwishi.

Joni 7:26

Amubone ngooyu utokwaamba patuba alimwi taaku ancebatokwaambaawo. Sa nkokwaamba ayi aba bantu balishi ayi ngoUsalitwe wakwe Lesa?

Isaya 63:1

Anu ngani uyu utooswa kuEdomu ee, utooswa muBosila ashakufwala shisalala? Anu ngani uyu ufwete shakufwala shabulemu utoosa citankaila munkusu shakwe shinene? “Ndime nentokwaamba mubululami ee, nebo neencite nkusu shakupulusha.”

Isaya 45:23

Ndashomesha cakulumbila muliina lyangu nemwiine. Mulomo wangu waamba cakushinisha, kwaamba maswi eshi akabule kusandulwaawo akwaamba ayi, ‘Linungo lya muntu woonse lilaakufukama kunembo lyangu alimwi mulomo wa muntu womwi awomwi ulaakunoolumbila muliina lyangu.’

Tushimpi 1:21

Butokoolobesha pamampambaanwa a mikwakwa alimwi apaminjililo ya ndabala.

Kulumbaisha 24:6

Bantu ba mushobo uyo mbobasuni kumulambila, ee, mbobaabo basunishi kulambila Lesa wakwe Jakobo.

Kulumbaisha 12:6

Ee, kushomesha kwa Mwaami Lesa takucite kampenda. Kulibo anga ngusilifa wakeenshikwa mumunyumbi mankanda osanwe aobilo.

Esila 8:22

Ndakalisenda kusenga mwaami bashilumamba nabi beshimaaki bakutufuna kubalwani besu munshila, mukwiinga twakaambila mwaami ayi, “BaLesa bali abaabo boonse babashoma, sombi balicite bukali bunene kubaabo babakaka.”

2 Makani 15:2

Lyalo wakaya mukukumana amwaami Asa. Wakamwaambila ayi, “NoBaami baAsa abantu banu bene Juda abene Benjameni amunkutike! Mwaami Lesa unanooli amwebo kulilabo kamuli anguwe. Na mumuyandoole mulaakumucana, sombi na mwamufutatila alakwe ulaakumufutatila.

Dutolonomi 32:4

“NguMwaandami, milimo yakwe teecite kampenda. Nshila shakwe shoonse shililuleme. NguLesa ushomeka utabishi, ulacita shiluleme akoombolosha kabotu.

Dutolonomi 29:29

“Kuli shintu shimwi isho Mwaami Lesa, Lesa wesu nshaakatushisa. Sombi wakatuyubulwita Milawo yakwe kwaamba ayi swebo abamulunyungu lwesu tunooikonkela kwamuyayaya.

Tushimpi 8:6

Amukutike ceebo ntoyanda kumwaambila makani amaano. Nebo shoonse nsheemwaambila shililuleme.

Kulumbaisha 78:34

Ono kulilabo na wacaya bamwi, beenga bacalaawo bakalinga kusandukila kuli nguwe akumulambila.

Isaya 43:12

Amubone, nebo ndakamucenjesha shakunembo. Peculu lya waawo ndakesa mukumucafwa. Taaku lesa mweensu wakacitawo ca mushobo uyu. Mwebo nobeene muli bakamboni bangu kwaamba ayi ndimebo Lesa.

Isaya 44:8

Mutatutumi alimwi mutaloondi. Sa cikani ici nshikwe kucaambilishila limwi kale kaleelyo? Mwebo muli bakamboni bangu. Sa kuliiwo Lesa umwi kulekabo ndime? Ndushinisho taaku Lesa nabi womwi uli mbuli Mwaandami umwi ngoonshi nebo.”

Isaya 45:25

Balo bamulunyungu lwakwe Jakobo, nebo neMwaami Lesa ndaakubalulamika alimwi balaakunoonumbaisha.

Isaya 65:9

Ndaakuleta bamulunyungu lwakwe Jakobo, ndaakuleta bamumukowa wakwe Juda abo beshi bakese mukwikala mutulundu twangu. Tulundu twangu uto tulaakuba twa bantu bangu bakasalwa. Ncakwiila basebenshi bangu nkweshi bakekaale uko.

Jelemiya 2:31

Mwebo nobamulishalane lino, amuyeeye a Mwaami Lesa akwaamba ayi, ‘Sa ndaba anga nduyanga kuli ndimwe nobene Isilaeli? Sa ndaba anga ncishi ca munshinshe ushiya mbi?’ Ino ono ceebonshi nobantu bangu mutokwaamba ayi, ‘Tulyaangulukite kucita cili coonse ncetusuni, teshi tukaboolewo tubili kuli ndiwe.’

2 Makani 7:14

ono na bantu bangu beetwa muliina lyangu balibombya, bapaila, banambila akusanduka kuswa kushibiibi shabo, lyalo nebo ndaakubanyumfwa kwiculu, kulekelela shibiibi shabo akulengesha cishi cabo kubila alimwi.