Isaya 43:24 - Baibo Busansulushi Bwa Libuku Ili

²⁴ Tamukwe kungulilaawo mafuta anunkila kabotu eetwa ayi kalamasi, nabi kunkwanisha mafuta aswa kumilambu yanu. Sombi mwebo mwakampa mukuli wa shibiibi shanu, ncakwiila shilubo shanu shandemya abuumbi.

Isaya 43:24 교차 참조

Isaya 7:13

Mpomunyaawo Isaya wakaamba ayi, “Kutika ono webo owamulunyungu lwakwe Defedi! Sa kupensha bantu uku nkomucita teshi kuunji? Ono sa utooyanda kupensha aLesa wangu?

Jelemiya 6:20

Anu nimpindunshi iliimo mutununkila kabotu pakutenta twa kuSheba nabi tununkila kabotu mubuyani tuswa kucishi cakulaamfu? Milambu yanu yakutenta nshiitambuliiwo, sobwe. Ncakwiila milambu yanu teensangalashiiwo.”

Isaya 1:14

Ncakwiila kusekelela kwanu kwa bushiku butaanshi bwa mweenshi anshiiku shanu shimwi shisalalite ndishipatite. Shoonse shababo anga cintu cilemu ncindalemenwa kunyamuna.

Esekelo 6:9

Lyalo mumishobo iyo mweshi bakatolwe busha, balaakunjeeya akwishiba kwaamba ayi ndime ndabapa mulandu akubalensha nsoni. Ndaakucita boobo ceebo myoyo yabo itashomeki yamfutatila akusandukila kushibumbwabumbwa. Balaakulipata beene ceebo ca bubi bwabo ashintu shilensha bunya isho nshebacita.

Isaya 63:10

Nakubi boobo bakamwaashukila akukalasha Mushimu wakwe Usalashi. Aboobo wakabaalookila akuba mulwani wabo ncakwiila wakabalwana mwiine.

Kulumbaisha 95:10

Ndakalinga kukalalite pabantu abo kwamyaaka makumi one. Ndakaamba ayi, “Aba bantu tabashomeki abuumbi! Bakaka kukonkela milawo yangu.”

Malaki 1:14

“Mashingo kuli wooyo mubeshi, uyo weenga kaacite munyama musankwa weelete mulitanga lyakwe, akulasha ayi ulaakumubenga kuli ndime, pesule wabenga ucite kampenda. Nebo ndi mwaami wiindaawo, aboobo bantu bamishobo yoonse balyeelete kundemeka.” Mwaami Lesa Shinkusu shoonse mbwaamba ubo.

Amosi 2:13

“Ono ndaakumupwayoola bweenka cikoci mbocipwayoola na calemenwa mancebele.

Esekelo 16:43

“ ‘Ono mukwiinga tamukwe kwiibaluka nshiku sha bucikula bwangu bwako, sombi wakankalasha mukucita shintu shoonse ishi. Ndushinisho ndaakukupa mulandu pasheesho nshewakacita. Ceebonshi wakeelikawo bufuule pasheesho shoonse shilensha bunya nshewakalinga kucita? Nebo neMwaami Shinkusu shoonse ndaamba.’ ”

Isaya 1:24

Ono kutika bwaamba Mwaami Lesa Shinkusu shoonse, Lesa wa bene Isilaeli ucite nkusu. Waamba ayi, “Ndaakuboosha cishole pali ndiwe omulwani wangu, lyalo teshi ukampensheewo tubili.

Bene Lefi 4:31

Lyalo ulaakukusha mafuta a munyama uyu oonse, bweenka mbwaakusha mafuta a banyama bacaikwa ayi njimilambu ya bwanabwankashi. Mpeeke ulaakwaatentela pacipaililo kwaamba ayi bweema bukansangalashe neMwaami Lesa. Munshila iyi, mupailishi ulaakubenga mulambu wakukusha cibiibi ca muntu uyo, aboobo ulaakulekelelwa.

Bene Lefi 3:16

Lyalo shoonse ishi mupailishi ulaakushitentela pacipaililo ayi ncipo ca shakulya kuli ndime neMwaami Lesa. Mafuta oonse ngaangu neMwaami Lesa.

Kulonga 30:34

Mwaami Lesa wakaambila Mose alimwi ayi, “Ukabwese tununkila kabotu twiitwa ayi sitakiti, onika, galubanamu alimwi afulankinsensi.

Kulonga 30:7

Anu lyoonse macuunsa na Aloni wesa mukubamba malampi, ulyeelete kutentelawo tununkila kabotu abuumbi pacipaililo ico.

Jelemiya 44:22

Ono Mwaami Lesa ndyaakacileka kunoolangilishabo pamicito yanu ibiibi alimwi ashintu shilensha bunya nshemwakalinga kucita, cishi canu cakaba cintu ceelete kushinganwa, kuba matongo alimwi kwakubula amuntu wikalaamo bweenka mbocibete sunu.