Isaya 42:6 - Baibo Busansulushi Bwa Libuku Ili

⁶ “Nebo neMwaami Lesa ndakwiita kwaamba ayi ulete koombolosha cakutanyengelela. Ndakucatilila palyaansa akukulama kabotu. Ndakusala kwaamba ayi ube cipangano kubantu, akwaamba ayi ube mumuni kubaswamashi.

Isaya 42:6 교차 참조

Luka 2:32

Uyu ngomumuni wakwaamba ayi baswamashi bakunsengwe balashe akubona lusuno lwanu akwalo kubantu banu baIsilaeli ngooleta bulemu.”

Milimo ya Batumwi 13:47

Mukwiinga Mwaami Lesa wakatupa mulasho wakwaamba ayi, ‘Ndakubika kwaamba ayi ube mumuni kubaswamashi bakunsengwe, kwaamba ayi bantu boonse ba mucishi bapulushikwe kwiinda muli ndiwe.’ ”

Joni 8:12

Jesu wakaambila baFalisi alimwi ayi, “Ndi mumuni umunikila bantu boonse. Uyo woonse unkonkela teshi akeende mumunshinshe napaceyi, sombi ulaakuba amumuni upa buumi.”

Isaya 49:8

Mwaami Lesa utokwaambila bantu bakwe ayi, “Ciindi caakushikila cakumupulusha, ndaakumunyumfwila nkumbu akukumbula kusenga lucafwo kwanu. Ndaakumulama akumutabilila alimwi kwiinda muli ndimwe ndaakupanga cipangano abantu boonse. Ndaakumusuminisha kwikala alimwi mushipansha shanu sha cishi ico bulya cili mumatongo.

Isaya 49:6

Paceebo ceeco wakaŋambila ayi, “Ndicite mulimo unene ngoonsuni ayi webo ucite omusebenshi wangu. Teshi ukeelebo mukuboosha bulemu kubene Isilaeli abo bakacaalaawo. Sombi ndaakukubika ayi ube mumuni kubaswamashi bakunsengwe kwaamba ayi bantu boonse bakapulushikwe kwiinda muli ndiwe.”

1 Pita 2:9

Sombi mwebo muli bantu basalitwe, bapailishi ba bwaami, mushobo usalalite alimwi bantu bakwe Lesa. Wakamusala kwaamba ayi mukashimikile shamicito yankusu ya wooyo wakamwiita kuswa kumunshinshe akumwinjisha mumumuni wakwe ukankamika.

Isaya 26:3

Mwebo noBaami baLesa, mulapa luumuno lwiine lwiine kubaabo bashomeka lyoonse ceebo cakucinka manungo muli ndimwe.

Bene Ebulu 13:20

Lesa upa luumuno, uyo wakabusha Mwaami Jesu kuswa kubafu, lakwe ngoMweembeshi munene wa mbelele mukwiinga wakalibenga ayi acaikwe alimwi kwiinda mulufu lwakwe, wakabika cipangano citamaani.

Bene Ebulu 9:15

Nceceeco Klistu ncaalengeshesha ayi cipangano cipya cibeewo, kwaamba ayi abo Lesa mbwaakeeta ayi bakatambule shoolwe shitamaani nshaakashomesha. Ishi inga shacitika ceebo ca lufu lwakwe Klistu ulo lufuna bantu kuswa mushibiibi nshibakacita muciindi ca cipangano cikulukulu.

Milimo ya Batumwi 26:23

Usalitwe wakwe Lesa ulaakucaikwa akuba mutaanshi kubushikwa kuswa kubafu kwaamba ayi akashimikile baJuda abaswamashi bakunsengwe ayi inga bapulushikwa. Mpeeke lupulusho lulaakuba anga ngumumuni kuli mbabo.”

2 Bene Kolinto 1:20

Mukwiinga lakwe ngo “Ee” kusheesho shoonse shakashomesha Lesa. Nceceeco ncetwaambila ayi “Ameni” kwiinda muliina lyakwe Klistu, lyoonse nditulumba Lesa.

Isaya 43:1

Ono Mwaami Lesa, Lesa uyo wakamulenga nobamulunyungu lwakwe Jakobo, ee, uyo eenka wakamubumba mwebo nobene Isilaeli waamba ayi, “Mutaloondi, ndaakumufuna. Ndakamwiita liina, muli baangu.

Isaya 42:1

Mwaami Lesa waamba ayi, “Ono anooyu musebenshi wangu, uyo ngoompa nkusu. Ee, ngondakasala alimwi muli nguwe ndakondwa. Ndaakumupa Mushimu wangu, alimwi ulaakuleta koombolosha cakutanyengelela kumishobo yoonse.

Isaya 41:13

Ceebo nebo ndime Mwaami Lesa, Lesa wanu. Ndime wooyo umucatilila pamaansa anu alulyo akumwaambila ayi, ‘Mutaloondi, ndaakumucafwa.’ ”

Bene Ebulu 8:6

Sombi kuswawaawo, Lesa wakapa Jesu mulimo wa bupailishi unene kwiinda pawaabo, bweenka mbuli cipangano cili pakati kakwe Lesa alimwi abantu bashoma muli nguwe mbocibete cibotu kwiinda cikulukulu mukwiinga nshaakashomesha Lesa pali ncico shileendaawo kubota.

Bene Ebulu 7:26

Jesu anu ngoMupailishi Munene utucafwa munshila shoonse shiyandika. Ulisalalite alimwi taacite kampenda nabi bubi muli nguwe. Wakapusanishikwa abamucita shibi alimwi wakasumpulwa kwiinda shoonse sha kwiculu.

Isaya 45:13

Ono ndasongaanya Sailasi kashanga mubululami bwangu. Ndaakululamika nshila shoonse nsheshi akanokwiinda. Ulaakuyakulula ndabala yangu inene ya Jelusalemu alimwi ulaakwaangulula bantu bangu bali mubusha. Sombi teshi akacite boobo kwaamba ayi alipilwe nabi kulambulwa.” Mwaami Lesa Shinkusu shoonse waamba.

Bene Ebulu 12:24

Mwebo mwesa kuli Jesu, uyo wakalengesha ayi cipangano cipya cibeeko alimwi abulowa bwakwe ubo bushomesha shibotu kwiinda bwakwe Abelo.

Mateyo 26:28

mukwiinga ubu mbulowa bwangu bwa cipangano cipya, bweshi bukatiilwe kwaamba ayi baanji balekelelwe shibiibi shabo.

Isaya 32:1

Amubone kulaakuba mwaami weshi akanoolela cabululami. Abalo beendeleshi balaakunokweendelesha cakutanyengelela.

Bene Ebulu 7:2

Mpomunyaawo Abulaamu wakapa Melikisedeki calikumi pashintu shoonse nshaakanyaya baabo mbwaakakoma. Busansulushi bwakutaanguna bwa liina lya Melikisedeki mbwakwaamba ayi “Mwaami wa Bululami.” Alimwi wakalinga mwaami wa Salemu, nkokwaamba ayi “Mwaami wa Luumuno.”

Isaya 27:3

Nebo neMwaami Lesa ndaulama, muunda uyo lyoonse ndautilila. Ndaulindilila mashiku amalumwi kwaamba ayi kubule weenga waunyonyoola.

Isaya 41:2

“Ngani wakasongaanya shinkusu ulya kuswa kwicwe alimwi akumulengesha kuya cikoma kuli koonse nkweenga waya? Ngani upa nkusu shakukoma bamaami amishobo ya bantu? Ncakwiila mipeeni yakwe ilabalengesha kubabo anga ndusuko. Ee, mata akwe alabalengesha kuululuka anga mbuungu.

Isaya 45:1

Ono Mwaami Lesa waambila Sailasi uyo ngwaakasala ayi, “Ndakucatilila palyaansa lyalulyo kwaamba ayi ukome mishobo ya bantu akufuula bamaami bulemu bwabo. Ndaakukucalwita shisasa sha kuminjililo ya mandabala anene kwaamba ayi ikanoolibo bwaashi.

Jelemiya 12:16

Na bakeshibe kabotu nshila sha bantu bangu akushomesha cakulumbila muliina lyangu ayi, ‘Bweenka mbocibete lushinisho ayi Mwaami Lesa ngumuumi,’ ee, bweenka mbobakalinga beeisha bantu bangu kushomesha cakulumbila muliina lyakwe Baali, ingayi balaakwikala pantu pomwi abantu bangu.