Isaya 42:23 - Baibo Busansulushi Bwa Libuku Ili

²³ Ngani pakati kanu weshi akakutike maswi aya? Ee, ngani weshi akakutike kunembo litoosa?

Isaya 42:23 교차 참조

Isaya 48:18

“Nebakanyumfwila akukonkela milawo yangu, naakwiinga luumuno lulakunkabo anga ngamaanshi mukalonga. Ncakwiila bululami nibwalinga kusefooka anga ngamaaba a mulweenge mbwaacita muloombe.

Milimo ya Batumwi 3:19

Anu amusanduke kuswa kushibiibi shanu, musandukile kuli Lesa kwaamba ayi shibiibi shanu shikushikwe. Na mucite boobo,

Mika 6:9

Kuloonda Mwaami Lesa mbusongo. Utokoolobesha mundabala inene ya Jelusalemu ayi, “Amukutike mwebo nobantu nomwikala mundabala inene ino.

Jelemiya 3:13

Citooyandikabo nkusumina mulandu wako. Webo wakaashukila ndime neMwaami Lesa, Lesa wako. Wakalinga kubikila maano balesa beensu munshaashisamu shoonse shicite shimfule shibotu. Mukucita boobo tewakalinga kunyumfwila. Nebo neMwaami Lesa ndaamba.’ ”

Dutolonomi 32:29

Bakaalilwa kwishiba ncebakakomenwa, tabakoonshi kunyumfwa cakacitika kuli mbabo.

Isaya 42:22

Sombi aba mbantu bakasaalwa akunyaikwa shintu shoonse. Ncakwiila bamwi bakacatishikwa mushilindi, ee, bamwi boonse balishisitwe muntolongo. Baba shintu shakubwesabo kwakubula ubafunaako. Ee, baba shintu shakusaalabo kwakubula awaamba ayi, “Amubabooshe.”

Isaya 42:24

Anu ngani wakaaba bamulunyungu lwakwe Jakobo ayi babe shintu shakubwesabo? Ngani wakaaba bene Isilaeli kwaamba ayi babe shintu shakusaalabo? Sa te nguMwaami Lesa uyo ngotwakabishila? Tatukwe kwikala buumi ubo mbwaasuni nabi kukonkela milawo yakwe.

Jelemiya 9:12

Mpeeke nebo ndakumbula ayi, “Anu ngumuntunshi uyo ucite maano akunyumfwisha sheeshi? Ngani wakeeya kuli ndimwe uyo weenga wakonsha kupandulwitako bamwi? Ceebonshi cishi cakanyonyoolwa akulengeshekwa kuba anga nduyanga umo muteendi amuntu?”