11 Ulaakunoolama litanga lyakwe lya mbelele anga ngumweembeshi. Ulafukatisha twana twa mbelele mumaansaakwe. Ulatunyamwita pacaamba kufwaafwi amoyo. Ashalo mbelele shine twaana uto ulashibinga cakabotu kabotu.
Ceebo Mwanaambelele uyo uli pakati lya cuuna ca bwaami ulaakubeembela akubatanjilila kutuntupu twa maanshi apa buumi. Lesa ulaakubakunkumuna minsonshi yabo yoonse.”
Aakwisa, ulaakwiimikana akweembela litanga lyakwe lya mbelele munkusu sha Mwaami Lesa amubwaami bwa Mwaami Lesa, Lesa wakwe. Bantu bakwe balaakwikala kwakubula cakulisukama mukwiinga bulemu bwakwe kulaakunyumfwika pacishi coonse ca panshi.
Lyalo ndaakushipa mweembeshi wamulunyungu lwakwe Defedi musebenshi wangu ayi asheembele. Lakwe ngweshi akanooshilama akuba mweembeshi wa nshisho womwibo ndondoli.
Mwakalinga anga nimbelele shakasoweka, sombi bulya mwaboola kuMweembeshi uyo utanjilila buumi bwanu.
“ ‘Mwebo nombelele shangu, mbelele sha mumafulo angu, muli bantu bangu anebo ndi Lesa wanu. Nebo neMwaami Lesa Shinkusu shoonse ndaamba.’ ”
Ono na Mweembeshi Munene akese, mulaakutambula mushini wa bulemu uyo weshi ukabule kumana.
Lesa upa luumuno, uyo wakabusha Mwaami Jesu kuswa kubafu, lakwe ngoMweembeshi munene wa mbelele mukwiinga wakalibenga ayi acaikwe alimwi kwiinda mulufu lwakwe, wakabika cipangano citamaani.
Amutukutike noBeembeshi ba bene Isilaeli, nomutanjilila bene Isilaeli anga nimbelele. Ee, mwebo nomwikala pakati ka bakelebu,
Abo bakalinga kuula mbelele akushuulisha bakampa ncito yakusheembela. Ndakatalika kweembela mbelele isho shakalinga kweelete kucaikwa. Lyalo ndakabwesa nkoli shobilo akwiita imwi ayi, “Nkumbu,” ayalo imwi ayi, “Kucatana.” Kuswawaawo ndakeembela mbelele isho kabotu.
“ ‘Wamulunyungu lwakwe Defedi musebenshi wangu ngweshi akabe mwaami wabo. Lyalo boonse balaakubabo amweembeshi womwi. Balaakunookonkela milawo amilasho yangu cakushomeka.
Jakobo wakakumbula ayi, “Mulishi kwaamba ayi banike tabacikoonshi kweenda. Alimwi ndyeelete kuyeeyela mbelele ashimwi shifubwa pantu pomwi abaana ba nshisho. Na caba cakwaamba ayi sheenda bushiku boonse cakuteemikanaawo, inga shamana kufwa.
“ ‘Ndaakuyandoola shisowekete akuboosha shakaswa mulitanga. Ndakwaanga shilonda sha sheesho shakalicisa, kuyumya shilefukite, sombi shiinite ashicite nkusu ndaakushinyonyoola. Ndakweembela mbelele shangu cabululami.
Nakubi boobo buta bwakwe lakwe tabutenkaani. Lyaansa lyakwe lyayuma ceebo ca nkusu shakwe Lesa Shinkusu shoonse, Lesa wakwe Jakobo, Mweembeshi alimwi Mukwabilishi wa bene Isilaeli.
Pesule bantu bakwe bakeebaluka nshiku shikulukulu, ee, nshiku shakwe Mose abantu bakwe akwiipusha ayi, “Anu uli kuli ulya wakabaleta akubeensha mulweenge kwiinda muli Mose mutanjilili wa likoto lyakwe? Uli kuli ulya wakabika Mushimu Usalashi pakati kabo?
Teshi akatyole litete lisendeme kale, nabi kushimya lilampi litooyanda kushimika. Ulaakuleta bululami ubo cakushomeka.
Ee, bata abama inga bakonsha kunsuula, sombi Mwaami Lesa ulaakundama kabotu.
Ee, nobaLesa amupulushe bantu banu, amubape coolwe mukwiinga mbanu, Amube beembeshi babo lyoonse akunoobalama lyoonse alyoonse.
Cinka manungo muMwaami Lesa akucita shibotu. Lyalo ulaakukonsha kwikala mucishi ici kakutaaku cakulisukama.
Amwishibe ayi Mwaami Lesa, ngoLesa! Ngowakatulenga alimwi tuli bantu bakwe. Tuli bantu bakwe mbwaaembela anga nimbelele.
Amubone, ndaakubaleta kuswa kucishi ca kumatwa akubayobolola kuswa kweela cishi ca panshi. Pakati kabo palaakunooli boofu abalema, bali pakati abali pankata. Lilaakunooli likoto linene lyeshi likaboole.
“Amunyumfwe maswi angu neMwaami Lesa, mwebo nomishobo ya bantu. Amwaambilishe maswi aya kushishi sha muloombe lwa lweenge ayi, ‘Ndakapalanganya bantu bangu, sombi ndaakubabunganya alimwi. Ndaakubalama bweenka mweembeshi mbwaalama litanga lyakwe lya mbelele.’
“Webo omuntu, Laluka mapensho pabeembeshi ba bene Isilaeli akubalwiita ayi nebo neMwaami Lesa Shinkusu shoonse ndaamba ayi, ‘Mapensho kubeembeshi ba bene Isilaeli abo balilama beene beenka! Sa beembeshi tabeelete kulama litanga?
NoBaami baLesa amube beembeshi ba bantu banu, bantu abo mbomwakasala. Nabi balekala beenka muluundu, kuli cishi ca bulongo bubotu cibashingulukite. Amubaleeke banoolya anga nimbelele mumafulo abotu akuBashani alimwi akuGilyadi bweenka mbobakalinga kulya kalekale.
Mwaami Lesa Shinkusu shoonse waamba ayi, “Nyamuka, webo omupeeni ulwane mweembeshi wangu! Ee, umulwaane uyo unsebensela. Umucaaye, lyalo mbelele shitoopalangana. Nebo nemwiine ntoolwana bantu bangu.
Nebo nemwiine ndaakuba mweembeshi wa mbelele shangu alimwi ndaakushicanina mulela wakookesheshaawo. Nebo neMwaami Lesa Shinkusu shoonse ndaamba.