1 Muciindi ico, banakashi bali bosanwe abobilo balaakucata musankwa womwi akwaamba ayi, “Swebo tunanoolilisha akulifwalika sobeene, ncetutoosengabo nkwaamba ayi mube beebeesu, lyalo musebaanyo wabushike umane pali ndiswe!”
Lyalo Lakelo wakamita akutumbuka mwaana musankwa. Mpeeke wakaamba ayi, “Lesa wamana musebaanyo pali ndime kwiinda mukumpa mwaana musankwa.
Kulinaamuna kwa bantu kulaakumana, ncakwiila kulisumpula kwabo kulaakunyonyoolwa. Pabushiku ubo Mwaami Lesa eenkabo ngweshi akasumpulwe.
Ndaakulengesha bantu beshibakacaaleewo kutabonekaboneka kwiinda golodi wiine wiine. Ncakwiila kushupa kucana bweenka bushupa golodi wa kuOfili.
Mukwiinga ici cilaakuba ciindi Lesa ndyeshi akaboneshe bantu bakwe ayi bakabisha kwaamba ayi shoonse shilembetwe muMalembo akwe Lesa shicitike cancinencine.
“Lesa ono wanyumfwila nkumbu wankusha nsoni pameenso a bantu.”
Bantu abo tutoobaambila akubacenjesha muliina lya Mwaami Jesu Klistu ayi bacileeke kwikala buumi bwa kunyonyonganya, akutalika kulisebensela beene.
Pabushiku ubo bantu balaakulansha meenso abo kuMulengi wabo. Ee, balaakwaalansha kuUsalalite wa bene Isilaeli.
Pabushiku ubo bene Isilaeli beshi bakacaaleewo, nkokwaamba ayi bamulunyungu lwakwe Jakobo beshi bakanoocili boomi, teshi bakanoocicinkite manungo muwooyo wakabakoma. Sombi balaakucinka manungo muMwaami Lesa Usalalite wa bene Isilaeli.
Penina nabukashinyina wakalinga kumuseka akumulensha nsoni ceebo Mwaami Lesa wakeemika lushalo lwakwe.
Ncakwiila ciindi cilaakushikila ndyeshi bamumukowa womwi bakaambilane ayi, “Mwebo mukwaabo muliciteko shakufwala shibonekako kabotu, aboobo amube batanjilili besu muciindi ca mapensho cino.”
“Utaloondi napaceyi, teshi ukalenshekwewo nsoni. Teshi ukasebaanishikwewo tubili. Ulaakuluba shintu shakakulengawo nsoni koocilibo cikula bwangu. Musebaanyo wa bumukalubinje uyo uli pali ndiwe ulaakumana.
Ndaakulengesha bamukalubinje banu kufula kwiinda museese wa muloombe lwa lweenge. Lisuba kalili pakati ka mutwi, ndaakucaya bacikula bwangu basankwa akulengesha bamanyinawabo kupenga. Cakuteengashila ndaakubaletela buumba aboowa.
Kuswawaawo Mikali mwanaakwe Saulo wakafwitaamobo kutashalawo mwaana.
