Isaya 37:38 - Baibo Busansulushi Bwa Libuku Ili

³⁸ Bumwi bushiku ndyaakalinga kulambila kuli Nisiloku lesa wakwe, Adilameleki alimwi aSalesa, bana bakwe basankwa, bakamucaya amipeeni yabo. Lyalo bakacicila kucishi ca Alalati. Mpeeke Esaadoni, mwanaakwe musankwa umwi ngowakapyana bwaami bwakwe.

Isaya 37:38 교차 참조

Matalikilo 8:4

Pabushiku bwalikumi anshiiku shosanwe ashobilo bwa mweenshi wasanu ayobilo, bwaato bwakekala pacilundu ca Alalati.

Jelemiya 51:27

“Amwiimike mbembela mucishi, amulishe lupeenga pakati ka mishobo ya bantu. Amubambe mishobo ayi baye mukulwana Babiloni. Amwiite bulelo bwakwe Alalati, Mini abwakwe Ashikenasi kwaamba ayi balwane cishi ici. Amusale mutanjilili wa bashilumamba akuleta maaki aanji mbuli cisoshi.

Esila 4:2

Bakaya mukubona Selubabelo abamanene ba shipani sha mikowa akwaamba ayi, “Atuyake pantu pomwi amwebo mukwiinga bweenka mbuli ndimwe, aswebo tulalambila Lesa weenka ngomulambila alimwi tulabenga milambu kuli nguwe kuswa kuciindi cakwe Esaadoni mwaami wa kuAsilya, uyo wakatuleta kokuno.”

Isaya 37:10

Wakeelemba ayi, “Lesa ngootooshoma wakwaambila ayi teshi ukaabwe mumaansaangu. Ono ico citakucenjeeki.

Isaya 36:18

Esekiya atamubeeci ayi Mwaami Lesa ulaakumupulusha. Sa balesa ba mishobo imwi bakafunawo kale shishi shabo kuswa kumwaami wa bene Asilya?

Isaya 36:15

Atamuyungooli ayi mucinke manungo muMwaami Lesa. Mutanooyeeya ayi Mwaami Lesa ulaakumufuna nabi kukasha likoto lya bashilumamba bene Asilya kubwesa ndabala yanu.’

Isaya 14:12

“Anu wawa buyani kuswa kwiculu webo Ontanda, onyenyeenshi yakumuyamaca? Waloshelwa pacishi ca panshi webo nowakalinga kukoma shishi shoonse.

Isaya 14:9

“Ncakwiila musena wa bafu walibambila kukutambula. Weemika mishimu ya baabo bakafwa kale kale, ee, mishimu ya baabo boonse bakalinga bamatanjilili kwaamba ayi ikwaanshe. Ee, weemika boonse abo bakalinga bamaami kuswa pashuuna shabo sha bwaami.

2 Makani 32:21

Lyalo Lesa wakatuma munjelo uyo wakesa mukucaya bashilumamba bene Asilya abamatanjilili babo. Kuswawaawo mwaami wa bene Asilya wakaboolela kumishaabo kaafwite nsoni abuumbi. Ono bumwi bushiku ndyaakalinga kulambila muŋanda ya lesa wakwe, bana bakwe basankwa bamwi bakamucaya amipeeni.

2 Makani 32:19

Bene Asilya bakalinga kwaamba pali Lesa wa bene Jelusalemu bweenka mbobakalinga kwaamba pabalesa ba shishi shimwi abo bakalinga kubumbwa amaansa a bantu.

2 Makani 32:14

Ndilili balesa ba mushishi isho bamashali bangu nshebakanyonyoola ndibakakonshawo kupulusha bantu babo kuswa kuli ndime? Ino lakwe lesa wanu inga wamupulusha buyani kuswa mumaansaangu?

Isaya 37:7

Kutika! Ndaakulengesha mwaami wa bene Asilya kukutika makani ayo eshi akamubooshe kumishaabo. Lyalo kweenka uko ndaakumucaisha kumupeeni.’ ”