Isaya 37:22 - Baibo Busansulushi Bwa Libuku Ili

²² Mwaami Lesa waamba ayi, ‘Senakelibu, ndabala ya Siyoni itookusebaanya akukuseka. Ndabala ya Jelusalemu itoopukumuna mutwi mbuli mbootoocica.

Isaya 37:22 교차 참조

Jobo 16:4

Nemwalinga ndime, nebo kaandi ndimwe, naakwiinga anebo ndalinga kwaamba shoonse nshemutokwaamba. Ncakwiila naakwiinga ntoopukumunabo mutwi pali ndimwe akwaamba maswi aanji akumushinina.

Sekaliya 2:10

Mwaami Lesa waamba ayi, “Amoolobeshe akusangalala nobene Siyoni ceebo ntoosa mukwikala pakati kanu.”

Sefaniya 3:14

Koimba ondabala ya Siyoni! Koolobesha webo oIsilaeli! Kosangalala akusekelela amoyo wako woonse webo ondabala ya Jelusalemu!

Malilo 2:13

Anu ŋambe ayinshi pali ndiwe? Anu nkweelanyewo anshi webo ondabala inene ya Jelusalemu? Ino nkucite buyani kwaamba ayi nkuumbulushe, webo ondabala ya Siyoni? Cilonda cako ncinene bweenka mbuli lweenge. Ino ngani weenga wacishilika?

Jelemiya 14:17

Kuswawaawo Mwaami Lesa wakaamba ayi, “Amba kubantu ayi, ‘Minsonshi aikunke mumeenso angu mashiku amalumwi cakutacilekaawo ceebo bantu bene misheesu bapenga kucilonda cinene. Ncakwiila bacisikwa cilensha bunyengele.

Isaya 1:8

Ndabala ya Siyoni yacaalabo yeenka anga nkatungu pakati ka muunda wa minyansa, nabi anga nkaanda kali mumuunda wabanamunwa. Ncakwiila yacaalabo anga nindabala ishingulukitwe abashilumamba.

Kulumbaisha 9:14

kwaamba ayi nkeemikane pameenso abene Jelusalemu akubalwiita shintu shoonse nshemulumbaishishaawo. Nebo ndaakusangalala mukwiinga mwebo mwakampulusha.

Mateyo 27:39

Mpeeke bantu bakalinga kwiindilaako, bakalinga kupukumunabo mitwi akunoocobola Jesu

Mateyo 21:5

“Ambila bantu bamundabala ya Siyoni ayi, ‘Amubone Mwaami wanu utoosa kuli ndimwe cakulibombya, ee, ulitantite pambongolo, ncakwiila pamwanaambongolo.’ ”

Sekaliya 9:9

Amusangalale, amusangalale mwebo nobene Siyoni! Amoolobeshe cakusangalala mwebo nobene Jelusalemu! Amubone mwaami wanu utoosa kuli ndimwe cakulibombya, ee, ulitantite pambongolo, ncakwiila pamwanaambongolo.

Amosi 5:2

“Cishi ca Isilaeli cawa. Teshi cikabukeewo alimwi. Ncakwiila cacaalabo cisuukila, kwakubula aucibusha, sobwe.”

Malilo 1:15

“Mwaami Lesa wakaseka bashilumamba bangu boonse bacibwene kulwana. Wakanjitila likoto lya bashilumamba ayi bese bandwaane akupwayoola bacikula bwangu bangu. Wakalyatooka bantu bangu bweenka butyanwa minyansa mucilindi.

Isaya 62:11

Mwaami Lesa waambilisha kucishi coonse ca panshi ayi, “Lwiita bamundabala ya Siyoni ayi, ‘Amubone mupulushi wanu waashika! Ncakwiila ulicite acilambu ee, utoosa amalipilo akupa bantu.’ ”

Isaya 10:32

Sunu balwani batooya mukwiimikana kuNobu. Sunu kalundu ka Siyoni, ee, ka Jelusalemu batookafungila makoofi.

Kulumbaisha 31:18

Amucale milomo ya bantu babeshi, bantu balyuuma mucaamba akulisumpula, abo baamba maswi abiibi akulisumpula pabantu basalalite.

1 Samwelo 17:36

Ndushinisho nebo nemusebenshi wanu ndacaya nkalamu alimwi abeya. Ono sunu mwine Filisiti ulya utooba bweenka mbuli banyama abo mukwiinga wanyansha likoto lya bashilumamba bakwe Lesa muumi.

Isaya 23:12

Ondabala ya Sidoni teshi ukakondweewo tubili. Ncakwiila bantu bako balyatililwa. Nabi bamwi pakati kanu balobokele kuSaipulasi, akwalo teshi bakacaneeko luumuno.

2 Baami 19:21

Mwaami Lesa waamba ayi, ‘Senakelibu, ndabala ya Siyoni itookusebaanya akukuseka. Ndabala ya Jelusalemu itoopukumuna mutwi mbuli mbootoocica.

Isaya 47:1

Mwaami Lesa waamba ayi, “Ondabala ya Babiloni, seluka pacuuna ca bwaami, ukale panshi. Ee, kala mulusuko kuteshi pacuuna ca bwaami. Mukutakomwa wakalinga anga ngumooye utana kukumanawo kale amusankwa. Sombi bulya teshi unoocaambwa ayi mubombubombu ulamwa anga ndiyi.

Jelemiya 18:16

Cishi cabo cilaakunyonyoolwa. Cilaakuba cintu ceshi cikanoosekwa kwalyoonse alyoonse. Boonse beshi bakanokwiindila nkuko, balaakunookankamana alimwi akunoopukumunabo mitwi.

Malilo 2:15

Bantu boonse beenda kufwaafwi andiwe balakukankamuka. Balakuseka akupukumuna mitwi yabo akwaamba ayi, “Sa iyi njendabala inene ilya yakalinga kwiindaawo kubota? Sa njendabala iyo yakalinga kusangalasha cishi coonse?”