Isaya 37:2 - Baibo Busansulushi Bwa Libuku Ili

² Wakatuma Eliyakimu uyo wakalinga kweendelesha ŋanda ya bwaami, Shebina uyo wakalinga mulembi abapailishi banene kumulaluki Isaya mwanaakwe Amosi. Abalo bakalinga kufwete masaka.

Isaya 37:2 교차 참조

Isaya 1:1

Mulibuku ili mulilembetwe makani aamba pacishi ca Juda alimwi andabala ya Jelusalemu kweelana aLesa mbwaakayubulwita Isaya mwanaakwe Amosi. Wakayubulwitwa mubulelo bwakwe Usiya, Jotamu, Aasi alimwi abwakwe Esekiya, bamaami ba cishi ca Juda.

Jowelo 1:13

Amufwale masaka akutalika kulila, mwebo nobapailishi nomusebensela kushipaililo! Amuceshe kulila kamufwete masaka mwebo nomusebensela pameenso a Mwaami Lesa wangu ceebo shipo shafulaulo asha cakunwa teshi shinoobonekawo muŊanda yakwe.

Isaya 37:14

Mwaami Esekiya wakabwesa nkalata kubeshinkombe akwiibelenga. Lyalo wakaya kuŊanda yakwe Lesa, weebika pameenso a Mwaami Lesa

Isaya 36:3

Lyalo bacinenenene bakwe Esekiya botatwe bakaya mukubakumanya. Pakalinga Eliyakimu mwanaakwe Ilikiya uyo wakalinga kweendelesha ŋanda ya bwaami, Shebina uyo wakalinga mulembi alimwi aJowa mwanaakwe Asafu uyo wakalinga mulembi wa makani a buleelo.

2 Makani 20:20

Macuunsacuunsa bushiku bwakaboolaawo bantu bakaya kuLuyanga lwa Tekowa. Ndibakalinga kutalika kweenda, Jeoshafati wakaamba ayi, “Nobene Juda abene Jelusalemu! Amucinke manungo muMwaami Lesa, Lesa wanu, mulaakwiimikanabo nta. Kamushoma shimulwiita balaluki, mulanooswitilila.”

2 Baami 19:2

Wakatuma Eliyakimu uyo wakalinga kweendelesha ŋanda ya bwaami, Shebina uyo wakalinga mulembi abapailishi banene kumulaluki Isaya mwanaakwe Amosi. Abalo bakalinga kufwete masaka.

2 Baami 18:18

Mpomunyaawo bakeeta mwaami Esekiya. Lyalo bacinenenene bakwe botatwe bakaya mukubakumanya. Pakalinga Eliyakimu mwanaakwe Ilikiya uyo wakalinga kweendelesha ŋanda ya bwaami, Shebina uyo wakalinga mulembi alimwi aJowa mwanaakwe Asafu uyo wakalinga mulembi wa kubwalo.

Isaya 20:2

Paciindi ico, kapeendite myaaka yotatwe Mwaami Lesa ndyaakaambila Isaya mwanaakwe Amosi ayi afuule masaka alimwi ankwabilo. Alakwe wakacita kweelana abwakaamba Lesa akutalika kweendabo matakosha alimwi amyeendobo.

Isaya 22:15

Mwaami Lesa Shinkusu shoonse wandwiita ayi, “Uye kuli Shebina mweendeleshi wa ŋanda ya kubwalo akumulwiita ayi,

Isaya 22:20

“Pabushiku ubo ndaakwiita musebenshi wangu Eliyakimu mwanaakwe Ilikiya.

Isaya 37:21

Lyalo Isaya mwanaakwe Amosi wakatuma nkombe kuli Esekiya yakwaamba ayi, “Mwaami Lesa, Lesa wa bene Isilaeli waamba ayi, ‘Ndanyuumfwa mupailo wako pali Senakelibu mwaami wa bene Asilya.’

Isaya 38:1

Muciindi ico ceenka mwaami Esekiya wakaciswa cakufwabo. Lyalo Isaya mulaluki mwanaakwe Amosi wakaya mukumubona. Mpeeke wakamulwiita ayi, “Mwaami Lesa waamba ayi, ‘Bamba kabotu shintu shako shoonse mukwiinga teshi upuluke. Libambile kufwa.’ ”

Esita 4:1

Ono Modekayi ndyaakanyumfwa shoonse shakacitwa, wakakwamoona shakufwala shakwe ceebo ca buumba, wafwala masaka, wanana milota akwiinda mundabala ya Susa kaalila cakooloma alimwi cakucisa moyo abuumbi.

Isaya 22:12

Mwaami Lesa, ee, Mwaami Lesa Shinkusu shoonse wakamwiita pabushiku ubo ayi mulile cakooloma amibila. Wakamwiita ayi mukulule misusu yanu akufwala masaka kutondesha buumba.