5 Lyalo boofu balaakubona abalo bashinkite matwi balaakunyumfwa.
Lyalo pabushiku ubo bashinkite matwi balaakunyumfwa maswi ali mulibuku. Abalo boofu balinga kwikalabo mumunshinshe, balaakulasha akubona.
Ulalengesha boofu mumushimu kubonesha, uloolola bantu basendeme mumushimu, alimwi nguMwaami Lesa usuni baluleme.
Lyalo Jesu wakaamba ayi, “Ndakesa pacishi ca panshi mukoombolosha ayi abo boofu babone, abaabo babona bapofole.”
Mwaami Lesa wanjiisha bwakwaamba kwaamba ayi nooyumyayumya balefukite. Kulila bwaca ulansengusha kumoyo kwaamba ayi nsunishe kunyumfwila nsheshi anjiishe.
Mpomunyaawo bantu bamwi bakaleta musankwa moofu wakalinga kutaamba kuli Jesu ceebo wakalinga kucite shikaswa. Peenka wakamushilika, aboobo wakatalika kwaamba akubona.
Mpomunyaawo boofu abalema myeendo, bakesa kuli Jesu muŋanda yakwe Lesa, mpeeke wakabashilika.
“Mushimu wa Mwaami Lesa uli pali ndime, mukwiinga wansala kwaamba ayi nshimikile Makani Abotu kubakandu. Wantuma kwaamba ayi ŋambilishe lwaanguluko kubaabo baangitwe akucita kwaamba ayi boofu balashe akulubula baabo bapenshekwa.
“Ndaakutanjilila boofu munshila nshebatana kwiindaawo. Ndaakusandula munshinshe wabo kuba mumuni akubeelanishisha misena ya mankununkunu kunembo lyabo. Anu ishi nsheshintu nsheshi nkacite, teshi nkabalekelesheewo, sobwe.
Mukwiinga mumuni ulalengesha ayi shintu shoonse shiboneke. Nceceeco ncebaambila ayi, “Buka webo noolete, buka kuswa kubafu lyalo Klistu ulaakulengesha ayi ube mumumuni.”
Lesa waamba ayi, “Bantu bangu amubeete bese kunkuta. Meenso ncakwiila balicite, sombi tababoni. Matwi ncakwiila balicite, sombi tabanyumfwi.
Matwi akunyumfwisha ameenso akubonesha, nguMwaami Lesa wakalenga shoonse.
Lyalo Mwaami Lesa wakamwaambila ayi, “Ino ngani upa muntu mulomo? Ngani ulengesha ayi ashinke matwi nabi kuba cibuulu? Alimwi ngani ulengesha ayi anoobona nabi ayi abe moofu? Sa teshi ndime neMwaami Lesa?
Ukabacalule meenso kwaamba ayi babone, ukabakushe mumunshinshe kwaamba ayi benjile mumumuni alimwi akubakusha munkusu shakwe Satana ukabenjishe munkusu shakwe Lesa. Kwiinda mulushomo lwabo muli ndime, Lesa ulaakubalekelela shibiibi shabo akuba amusena pakati ka bantu bakwe Lesa basalitwe.’
Sombi bamwi bakaamba ayi, “Ono uyu muntu wakabonya musankwa uyo moofu taakwe kucitilawonshi comwi kwaamba ayi Lasalo atafwi?”
Tamuna kushinyumfwaawo nabi kushishibisha kuswabo lili alili. Ncakwiila kuswabo kale kale matwi akalinga kushinkite. Kutashomeka kwanu nebo ndikwishi, kuswabo ndimwakashalwa balamwaamba bwaashu.
Cimwi ciindi ulaamba kabalinyumfwila amatwi abo akubalengesha kuba aboowa ceebo cakucenjesha kwakwe.
Mpomunyaawo ndakakumbula ayi, “Ngani ngweshi ŋambile akucenjesha? Ino ngani weenga wankutika? Matwi abo akashinkwa, aboobo tabakoonshi kunyumfwa. Maswi anu noBaami baLesa alabacima aboobo tabasangalalilimo, sobwe.
Mwaami Lesa waamba ayi, “Amukutike mwebo nomushinkite matwi. Amulangilishe mwebo noboofu mubone.
Mwaami Lesa wakampa busongo bwakunyumfwishisha shintu. Nshikwe kumwaashukilaawo nabi kumufutatilaawo.
