16 Uyu ngomuntu weshi akabule cakulisukama. Uyo ulaakunoolibo anga ngumuntu ucite ciyubilo pakalundu. Ulaakunoopekwa shakulya aalo maanshi teshi akamumanineewo.
Lyalo bantu bangu balaakwikala mumaanda a luumuno, mutaamu cakulisukama alimwi mutaamu cibapilinganya.
Teshi bakanyumfweewo nsala nabi nyotwa. Lisuba nabi ceeselela ca muluyanga teshi cikabaciseewo mukwiinga balaakutanjililwa awooyo ubasuni. Ncakwiila ulaakubatola kutuntupu twa maanshi.
Sombi abo boonse banyumfwila ndime, balekala kwakubula cakulisukama. Balekala muluumuno kwakubula cakuloonda nabi comwi.”
Mwaami Lesa ngoompa nkusu shoonse. Ulanengesha kulyata panshi cakushimpa alimwi ulandama ciindi ndyeemba patulundu.
Bakandu kuli ndimwe nkobacicila, ndimwe mubafuna mumapensho abo. Ndimwe ciyubilo cabo kucipuupu, Ndimwe cimfule cabo kulumwi lukali. Ncakwiila bantu batacite nkumbu bali anga ncipuupu citokuuma kulubumbu,
Mwaami Lesa uli anga niŋanda ilaamfu iyumu uko kucicila bantu baluleme akupuluka.
Ngoopa shakulya bantu bamulemeka. Uleebaluka cipangano cakwe ciindi coonse
Sombi bapengete wakabakusha mumapensho abo, akufusha bamumaandaabo anga ngamatanga a shifubwa.
NoBaami baLesa, muli ndimwe motuyubila. Ncakwiila motuyubila mumashalane esu oonse.
Cinka manungo muMwaami Lesa akucita shibotu. Lyalo ulaakukonsha kwikala mucishi ici kakutaaku cakulisukama.
Sombi meenso a Mwaami Lesa ali pabaabo bamulemeka, abo bacinkite manungo mulusuno lwakwe lutamaani.
Ulanengesha kulyata panshi cakushimpa, alimwi ulandama ciindi ndyeemba patulundu.
Mwaami Lesa utokwaamba ayi, “Ndaakupulushabo baabo bansuni, akufuna baabo bashoma muliina lyangu.”
Nkalamu shilawisuka akufwa kunsala, sombi abo banyumfwila Mwaami Lesa, taaku cintu cibotu ncebabula.
NoBaami baLesa, anu ngani weenga wekala muŊanda yanu? Anu ngani weenga wakonsha kwikala pakalundu kanu kasalalite?
Amutupe sunu shakulya nshetubula.
Muntu ushomeka uleenda cakubula kulisukama, sombi uyo ucite nshila shipilingene, ulaakushibikwa.
ingayi mulaakucana kusangalala muli ndime neMwaami Lesa. Ndaakumulengesha kweendelesha cishi coonse. Mulaakulya bubotu bwa cishi ico ncendakapa bamulunyungu lwakwe Jakobo. Nebo neMwaami Lesa ndaamba.”
Mpomunyaawo mwaami Sedekiya wakapa mulawo ayi mbikwe mulubansa lwa ŋanda ya bwaami alimwi akunoopekwa shinkwa womwi bushiku abushiku uswa kubeshikuupanga kushikila woonse ukamaane mundabala inene iyo. Aboobo nebo neJelemiya ndakekala kumusena uyo.
Mwaami Lesa ulaakubuluma kuKalundu ka Siyoni akululuma kuswa kundabala inene ya Jelusalemu. Lyalo cishi ca panshi aliculu shilaakutenkaana. Sombi Mwaami Lesa ulaakuba ciyubilo ca bantu bakwe, ee, ulaakufuna bantu bakwe bene Isilaeli.
Mulicite coolwe mwebo nobene Isilaeli! Taaku mushobo uli mbuli ndimwe nomwakafunwa aMwaami Lesa. Mwaami Lesa mwiine ndyeliyawo lyanu alimwi ngomupeeni wanu, uyo umufuna akulengesha ayi mukome. Balwani banu balaakwisa mukulibombya kuli ndimwe, nakubi boobo mulaakubalyatoola.”
Wakalangalanga wabona shinkwa womwi wakayokwa pamakalangasha anongo ya maanshi pafwaafwi akumutwi wakwe. Wakalya akunwa akuboolela mutulo alimwi.
Lupulusho lwangu abulemu shilaswa kuli Lesa, Ngomwaandami uyumu nta alimwi nceciyubilo cangu
Nakubi kwaamba ayi Mwaami Lesa ulaakumwiinsha mushiindi shiyumu, ulaakunooli amwebo alimwi ulaakunoomwiisha. Teshi mukamuyandoolewo tubili.
